Armando Broja (lindur më 10 shtator 2001) është një futbollist profesionist shqiptar i cili luan si sulmues për klubin anglez Fulham, në huazim nga Chelsea, dhe kombëtaren shqiptare.
Të dhënat vetjake | |||
---|---|---|---|
Datëlindja | 10 shtator 2001 | ||
Vendlindja | Slough, Angli | ||
Gjatësia | 1.91 m (6 ft 3 in) | ||
Pozicioni | Sulmues | ||
Të dhënat e klubit | |||
Klubi aktual | Fulham (në huazim nga Chelsea) | ||
Numri | 9 | ||
Karriera me të rinjtë | |||
–2007 | Burnham Juniors | ||
2007–2009 | Tottenham Hotspur | ||
2009– | Chelsea | ||
Karriera me klube* | |||
Vitet | Klubi | Ndeshje | (Golat) |
2020– | Chelsea | 26 | (2) |
2020–2021 | → Vitesse (huazim) | 30 | (10) |
2021–2022 | → Southampton (loan) | 32 | (6) |
2024– | → Fulham (huazim) | 2 | (0) |
Karriera ndërkombëtare‡ | |||
2019 | Shqipëria U19 | 3 | (1) |
2019–2021 | Shqipëria U21 | 6 | (4) |
2020– | Shqipëria | 17 | (4) |
*Ndeshjet dhe golat me klubet llogariten vetëm për ligën vendase – redaktuar më 10 shkurt 2024 ‡ Ndeshjet dhe golat me ekipin kombëtar të redaktuar më 16 nëntor 2022 |
Broja ka lindur në Slough të Anglisë nga prindër shqiptar nga Kopliku i Malësisë së Madhe. Ai e nisi karrierën si futbollist me Burnham Juniors si dhe u provua te Reading dhe Fulham, para se të firmoste në fund me Tottenham Hotspur, duke u bërë pjesë e ekipit nën-8.
Broja qëndroi te Tottenhami për dy vite dhe në vitin 2009 u transferua te Çelsi, duke u bërë pjesë e akademisë. Në sezonin 2017–18, ai fitoi Premier Ligën U18, Kupën e Premier Ligës U18 dhe Kupën e të Rinjëve me ekipin nën-18. Ai gjithashtu fitoi Premier Ligën 2 me ekipin nën-23 në sezonin 2019–20, duke shënuar tre gola në dhjetë ndeshje.
Më 26 shkurt 2020, Broja firmosi kontratën e tij të si profesionist me Çelsin pasi ra dakord për një marrëveshje dy-vjeçare. Më 8 mars, ai bëri debutimin e tij si profesionist në fitoren 4–0 kundër Evertonit në Premier Ligë, duke u aktivizuar si zëvëndësues në minutën e 86të në vend të Olivier Giroud.
Më 21 gusht 2020, Broja u transferua te Vitesse në Holandë në formë huazimi për një sezon. Më 19 shtator, ai shënoi golin e parë në Eredivisie në fitoren 2–0 kundër Sparta Rotterdam. Në përfundim të sezonit, Broja kishte shënuar dhjetë gola në kampionat, duke qënë golashënuesi më i mirë i ekipit sëbashku me Loïs Openda.
Pas rikthimit te Çelsi në verë, Broja firmosi një kontratë të re pesë-vjeçare me klubin. Më 10 gusht, ai u huazua te Southamptoni për sezonin 2021–22. Ai debutoi më 25 gusht në ndeshjen e raundit të dytë të Kupës EFL kundër Newport County, duke shënuar dy nga golat e fitores 8–0. Më 16 tetor, Broja shënoi golin e vetëm të fitores 1–0 kundër Leeds United, duke u bërë shqiptari i parë që shënon në Premier Ligë.
Më 22 shtator 2022, Broja rinovoi kontratën e tij me klubin deri në shtator 2028. Ai e nisi sezonin 2022–23 si një rezervë te Çelsi; goli i tij i parë me "Blutë" erdhi më 8 tetor në fitoren 3–0 në Stamford Bridge kundër Wolverhampton Wanderers. Në dhjetor, Broja këputi ligamentin e gjurit të djathtë në një ndeshje miqësore kundër Aston Villës, duke humbur pjesën e mbetur të sezonit. Ai u rikthye në stërvitje në korrik 2023 dhe luajti ndeshjen e parë pas dëmtimit më 23 shtator sërisht kundër Aston Villës; kjo ishte ndeshja e tij e parë pas 274 ditësh, gjatë së cilës ai humbi 39 ndeshje.
Pas kësaj ndeshje, Broja u aktivizua në 18 ndeshje të tjera nga trajneri Mauricio Pochettino, duke shënuar dy gola. Më 1 shkurt 2024, ai u huazua te Fulhami deri në përfundim të sezonit. Debutimi i tij me Fulhamin erdhi dy ditë më vonë në barazimin 2–2 në transfertë kundër Burnley.
Broja kishte të drejtë të luante me Anglinë falë vendit të lindjes dhe Shqipërinë falë origjinës së prindërve të tij. Në fillim të vitit 2019, ai refuzoi një ftesë nga ekipi nën-19 i Anglisë, duke shprehur dëshirën për të luajtur me Shqipërinë. Në shkurt 2019, ai u ftua nga trajneri Nevil Dede në ekipin nën-19. Një muaj më pas, ai bëri debutimin e tij në një ndeshje miqësore kundër Maqedonisë së Veriut, duke shënuar golin e vetëm të ekipit të në minutën e 60të; ndeshja u mbyll në barazim 1–1. Dy ditë pas kësaj, ai i shënoi sërisht Maqedonisë, por Shqipëria u mposht 2–1. Në maj, ai u ftua për dy ndeshjet miqësore kundër Kosovës, duke shënuar një gol në fitoren 3–1 në ndeshjen e parë dhe një dygolësh në fitoren 4–1 në ndeshjen e dytë.
Më 9 qershor 2019, Broja debutoi me ekipin nën-21 në miqësoren kundër Uellsit, ndeshje në të cilën ai shënoi të dy golat e Shqipërisë në pjesën e dytë.
Në nëntor, Broja u thirr sërisht në ekipin nën-19 për të marrë pjesë në kualifikueset e UEFA Kampionatit Evropian 2020. Në ndeshjen e dytë, ai shënoi golin e vetëm në humbjen kundër Belgjikës, kurse në ndeshjen e tretë kundër Islandës u përjashtua me karton të kuq në minutën e 65të; Shqipëria u rendit në vendin e fundit me 0 pikë.
Në maj 2019, Broja u ftua për herë të parë në ekipin e parë për një grrumbullim disa ditor në Durrës. Ai bëri debutimin e tij zyrtar më 7 shtator 2020 në humbjen 1–0 në shtëpi kundër Lituanisë në UEFA Ligën e Kombeve 2020–21. Ai u aktivizua edhe në dy ndeshje të tjera, me Shqipërinë që u rendit e para në Grupin 4 të Ligës C, duke u ngjitur në Ligën B.
Broja u thirr rregullisht nga trajneri Edoardo Reja në fushatën kualifikuese të FIFA Kupës së Botës 2022. Megjithatë, ai u aktivizua më së më shumti nga stoli, duke qënë zgjedhja e tretë mbrapa sulmuesit titullar Rey Manaj dhe Sokol Cikalleshit. Më 5 shtator 2021, Broja shënoi golin e parë ndërkombëtar në fitoren historike 1–0 kundër Hungarisë në Elbasan Arena; kjo ishte fitorja e parë në historinë e Shqipërisë kundër Hungarisë si dhe goli i parë i shënuar kundër tyre. Në ndeshjen e kthimit në Budapest, Broja u aktivizua si zëvëndësues dhe i dha fitoren Kuqezinjëve me një gol në minutën e 80të. Pavarësisht se Shqipëria nuk u kualifikua në Kupën e Botës, Broja e mbylli fushatën kualifikuese si golashënuesi më i mirë i ekipit me 3 gola.
Broja është një lojtar shtatlartë, potent dhe i fortë i cili luan si qëndër-sulmues. Ai kombinon fizikun dhe forcën me shkathtësinë dhe driblimet e tij. Ai është gjithashtu një lojtar i fuqishëm në duelet ajërore dhe zotëron një gjuajtje të fuqishme.
Klubi | Sezoni | Liga | Kupa Kombëtare | Kupa e Ligës | Evropa | Tjetër | Gjithsej | |||||||
---|---|---|---|---|---|---|---|---|---|---|---|---|---|---|
Divizioni | Ndsh | Gola | Ndsh | Gola | Ndsh | Gola | Ndsh | Gola | Ndsh | Gola | Ndsh | Gola | ||
Chelsea U23 | 2019–20 | — | — | — | — | — | 3 | 0 | 3 | 0 | ||||
Chelsea | 2019–20 | Premier League | 1 | 0 | 0 | 0 | 0 | 0 | 0 | 0 | — | 1 | 0 | |
2022–23 | Premier League | 12 | 1 | 0 | 0 | 1 | 0 | 5 | 0 | — | 18 | 1 | ||
2023–24 | Premier League | 13 | 1 | 2 | 1 | 4 | 0 | — | — | 19 | 2 | |||
Gjithsej | 26 | 2 | 2 | 1 | 5 | 0 | 5 | 0 | — | 38 | 3 | |||
Vitesse (huazim) | 2020–21 | Eredivisie | 30 | 10 | 4 | 1 | — | — | — | 34 | 11 | |||
Southampton (huazim) | 2021–22 | Premier League | 32 | 6 | 4 | 1 | 2 | 2 | — | — | 38 | 9 | ||
Fulham (huazim) | 2023–24 | Premier League | 2 | 0 | — | — | — | — | 2 | 0 | ||||
Gjithsej karriera | 90 | 18 | 10 | 3 | 7 | 2 | 5 | 0 | 3 | 0 | 115 | 23 |
Ekipi kombëtar | Viti | Ndsh | Gola |
---|---|---|---|
Shqipëria | 2020 | 3 | 0 |
2021 | 7 | 3 | |
2022 | 7 | 1 | |
2023 | 0 | 0 | |
Gjithsej | 17 | 4 |
Nr. | Data | Vendi | Ndsh | Kundërshtari | Goli | Rezultati | Kompeticioni |
---|---|---|---|---|---|---|---|
1 | 5 shtator 2021 | Elbasan Arena, Elbasan, Shqipëri | 7 | Hungaria | 1–0 | 1–0 | Kualifikueset e FIFA Kupës së Botës 2022 |
2 | 8 shtator 2021 | Elbasan Arena, Elbasan, Shqipëri | 8 | San Marino | 3–0 | 5–0 | Kualifikueset e FIFA Kupës së Botës 2022 |
3 | 9 tetor 2021 | Puskás Aréna, Budapest, Hungari | 9 | Hungaria | 1–0 | 1–0 | Kualifikueset e FIFA Kupës së Botës 2022 |
4 | 10 qershor 2022 | Arena Kombëtare, Tiranë, Shqipëri | 13 | Izraeli | 1–0 | 1–2 | UEFA Liga e Kombeve B 2022–23 |
Wiki Commons ka materiale multimediale në lidhje me: Armando Broja. |
This article uses material from the Wikipedia Shqip article Armando Broja, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Përmbajtja është në disponim nëpërmjet licencës CC BY-SA 4.0 nëse nuk shënohet ndryshe. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Shqip (DUHOCTRUNGQUOC.VN) is an independent company and has no affiliation with Wiki Foundation.