Tottenham Hotspur F.c.

Stadiumi i Tottenhamit është White Hart Lane.

Tottenham Hotspur F.C.

Pseudonimi(et)	Spurs, The Lilywhites
Themeluar	5 shtator 1882
Stadiumi	White Hart Lane
Kapaciteti	36,284 vende
Pronari	Daniel Levy
Trajneri	Mauricio Pochettino
Liga	Premier League
2018–19	4
Faqja zyrtare	[[1] Faqja zyrtare e klubit]
Ngjyra shtëpi Ngjyra jashtë

Krijimi dhe vitet e hershme (1882–1908)

Klubi u themelua zyrtarisht më 5 shtator 1882 nën emrin Hotspur Football Club nga një grup nxënësish të udhëhequr nga Bobby Buckle. Ata ishin antarë të Hotspur Cricket Club, të cilët krijuan klubin e futbollit me të njëjtin emër me qëllim për të luajtur sport gjatë muajve të dimrit. Një vit më pas, ata kërkuan ndihmë për klubin nga John Ripsher, i cili ishte mësuesi i tyre i Biblës në Kishën All Hallows; ai më pas u bë presidenti i parë i klubit dhe arkëtari i saj. Ripsher ndihmoi dhe mbështeti nxënësit në vitet e para të formimit të klubit, duke i gjetur edhe një vendndodhje të re. Në prill 1884, klubi u riemërua si "Tottenham Hotspur Football Club" për të shmangur një ngatërresë me një tjetër klub londinez të quajtur Hotspur, posta e së cilës ishte dërguar gabimisht në Londrën Veriore. Klubi kishte edhe pseudonime të ndryshme si "Spurs" dhe "the Lilywhites".

Djemtë fillimisht luanin midis tyre dhe ndeshje miqësore kundër ekipeve të tjera lokale. Ndeshja e parë e tyre u zhvillua më 30 shtator 1882 kundër një ekipi lokal të quajtur Radicals, duke u mposhtur 2–0. Ekipi hyri për herë të parë në një kompeticion më 17 tetor 1885, ku ata u ndeshën kundër një ekipi me puntor të një kompanie të quajtur St Albans për trofeun London Association Cup; ata fituan me rezultatin 5–2. Ndeshjet e ekipit filluan të tërhiqnin interesin e komunitetit lokal duke bërë që shikueshmëria në ndeshjet në shtëpi të rritej. Ata luajtën për herë të parë në një kampionat në vitin 1892, në kampionatin jetëshkurtër Southern Alliance.

Klubi u bë profesionist më 20 dhjetor 1895, dhe në verën e vitin 1896 u pranua në divizionin e parë të të ligës jugore. Më 2 mars 1898, klubi u bë një kompani e kufizuar, e quajtur Tottenham Hotspur Football and Athletic Company. Shpejtë pas kësaj, Frank Brettell u bë trajneri i parë i ekipit, dhe më pas firmosi me John Cameron, cili u bë lojtar-trajner një vit më vonë pas largimit të Brettellit. Cameron pati një ndikim të madh në klub, duke ndihmuar të fitonin edhe trofeun e parë, titullin e ligës së jugut në sezonin 1899–1900. Një vit më pas ata fituan edhe Kupën FA 1901 duke mposhtur në finalen e dytë Sheffield United me rezultatin 3–1, pasi ndeshja e parë u mbyll në barazim 2–2. Me këtë fitore, ata u bë ekipi i parë që nuk janë pjesë të ligës që fitojnë këtë trofe pas themelimit të The Football League (Ligës së Futbollit) në vitin 1888.

Dekadat e hershme dhe Liga e Futbollit (1908–1958)

Në vitin 1908, klubi u vendos në divizionin e dytë të ligës së futbollit si siguroi ngjitjen në elitë që në sezonin e parë. Në vitin e parë në elitë, ata përfunduan në vendin e dytë. Në vitin 1912, Peter McWilliam u bë trajneri i ri i klubit; Tottenham e mbylli sezonin 1914–15 në vendin e fundit kur futbolli u ndërpre për shkak të Luftës së Parë Botërore. Pasi lufta mbaroi dhe futbolli rifilloi, Spurs ra në divizionin e dytë, por u rikthyen shpejtë në elitë pasi u shpallën kampion në sezonin 1919–20.

Më 23 prill 1921, McWilliam udhëhoqi klubin drejt triumfit të dytë të Kupën FA, duke mposhtur 1–0 Wolverhampton Wanderers në finale. Në kampionat, ata përfunduan të dytët mbrapa Liverpoolit, por në pesë vitet e ardhshëm nuk arritën më shumë se mesi i renditjes. Spurs ranë nga kategoria në sezonin 1927–28 pasi McWilliam u largua. Në shumicën e kohës në vitet 30' dhe 40', Tottenham luajti në divizionin e dytë, duke pasur rikthime të shkurtra në elitë në sezonet 1933–34 dhe 1934–35.

Ish lojtari i ekipit Arthur Rowe u bë trajner në vitin 1949. Ai zhvilloi një stil loje të re, të quajtur "push and run" (shty dhe vrapo), e cila doli të ishte e suksesshme në vitet e tij të para si trajner. Ai e riktheu ekipin në divizionin e parë pasi fitoi të dytin në sezonin 1949–50. Në sezonin e tij të dytë në krye, Tottenham fitoi për herë të parë në histori titullin e divizionit të parë në sezonin 1950–51. Rowe dha dorëheqjen në prill 1955 për shkak të stresit të mbledhur gjatë drejtimit të klubit. Para se të largohej, Rowe firmosi me një nga lojtarët më të famshëm të asaj kohe, Danny Blanchflower, i cili do të fitonte çmimin FWA Futbollisti i Vitit dy herë me Tottenhamin.

Bill Nicholson dhe vitet e lavdisë (1958–1974)

Bill Nicholson u bë trajneri i ri i ekipit në tetor 1958. Ai do të bëhej trajneri më i suksesshëm në historinë e klubit, duke e udhëhequr atë në fitimin e tre trofeve madhor rresht në fillim të viteve 1960': ata fituan dopietën në vitin 1961, Kupën FA në vitin 1962 dhe Kupën e Fituesve të Kupës në vitin 1963. Nicholson firmosi me Dave Mackay dhe John White në vitin 1959, dy lojtarë që ishin protagonist në fitimin e dopietës, kurse dy vite më pas me Jimmy Greaves, lojtari me më shumë gola në historinë e elitës së futbollist anglez.

Sezoni 1960–61 nisi me 11 fitore rresht, i ndjekur nga një barazim dhe katër fitore të tjera, që në atë kohë ishte nisja më e mirë e një klubi në elitën e futbollit anglez. Titulli i fitua më 17 prill 1961 kur ata mposhtën Sheffield Wednesday në shtëpi me rezultatin 2–1, duke siguruar titullin tre ndeshje para përfundimit. Dopieta u sigurua në fitoren 2–0 kundër Leicester City në finalen e Kupës FA 1960–61. Ishte dopieta e parë në futbollin anglez për shekullin e 20të, dhe e para që nga Aston Villa në vitin 1897. Në vitin e ardhshëm Tottenham fitoi Kupën FA për herë të dytë rresht pasi mposhtën në finale Burnley.

Më 15 maj 1963, Tottenhami u bë ekipi i parë britanik që fiton një trofe evropian pasi mposhtën në finale ekipin spanjoll Atlético Madrid për të fituar Kupën Evropiane të Fituesve të Kupës 1962–63. Ata gjithashtu u bënë ekipi i parë britanik që fitojnë dy trofe të ndryshëm evropian pas fitores së Kupës UEFA 1971–72 me një ekip të rindërtuar që përfshinte lojtarë si Martin Chivers, Pat Jennings, dhe Steve Perryman. Përveç kësaj fitoreje, ata kishin triumfuar edhe në Kupën FA në vitin 1967 dhe dy Kupa Lige (në vitet 1971 dhe 1973). Nicholson fitoi gjithsej tetë trofe në 16 vite si trajner i Tottenhamit.

Nga Burkinshaw te Venables (1974–1992)

Spurs përsuan rënje në fillim të viteve 1970', duke bërë që Nicholson të jepte dorëheqjen pas një nisje të dobët në sezonin 1974–75. Ekipi më pas ra nga kategoria në përfundim të sezonit 1976–77 me Keith Burkinshaw si trajner. Ai e riktheu ekipin në elitë pas vetëm një sezoni, duke ndërtuar një ekip me lojtarë si Glenn Hoddle dhe dy argjentinasit Osvaldo Ardiles dhe Ricardo Villa, afrimet e të cilëve ishin diçka e pazakontë, pasi transferimet e lojtarëve të huaj në Britani ishin të rralla në atë kohë. Ekipi i ndërtuar nga Burkinshaw fitoi edhe Kupën FA në vitet 1981 dhe 1982 si dhe Kupën UEFA në vitin 1984.

Vitet 1980' ishin vite të ndryshimit që filloi me një fazë të re të rizhvillimit të White Hart Lane, si dhe një ndryshim në bordin drejtues. Irving Scholar mori klubin dhe e drejtoi në një drejtim më reklamues, e cila ishte edhe fillimi i transformimit të klubeve angleze të futbollit në kompani reklamuese. Borxhet e klubit sollën ndryshime të tjera në menaxhimin e saj, duke bërë që qershor 1991 Terry Venables të bashkohej me biznesmenin Alan Sugar për të marrë kontrollin e Tottenhamit. Venables, i cili u bë trajner në vitin 1987, firmosi me lojtarë si Paul Gascoigne dhe Gary Lineker. Tottenham fitoi Kupën FA në sezonin 1990–91, duke u bërë klubi i parë që e fiton këtë trofe tetë herë.

Futbolli në Premier Ligë (1992–vazhdon)

Tottenham ishte një nga pesë klubet që shtynë në themelimin e Premier Ligës, e cila u krijua me miratimin e Federatës Angleze të Futbollit, që zëvëndësoi Ligën e Futbollit me këtë kompeticion, e cila u bë elita e re e futbollit anglez. Pavarësisht se me trajner të suksesshëm dhe lojtarë si Teddy Sheringham, Jürgen Klinsmann dhe David Ginola, Tottenham nuk arriti më shumë se mesi i tabelës deri në fund të viteve 2000'. Ata fituan Kupën e Ligës në vitin 1999 nën drejtimin e George Graham dhe sërisht në vitin 2008 nën drejtimin e Juande Ramos. Ekipi u përmirsua nën drejtimin e Harry Redknapp, dhe me lojtarë si Gareth Bale dhe Luka Modrić, ekipi arriti pesë vendet e para në fillim të viteve 2010'.

Në shkurt 2001, Sugar shiti aksionet e tij te ENIC Sports plc, kompani e drejtuar nga Joe Lewis dhe Daniel Levy, dhe hoqi dorë nga statusi si president i klubit. Kjo dyshe më pas do të zotëronte 85% të aksioneve të klubit, me Levyn i cili do të ishte përgjegjës për menaxhimin e klubit. Trajneri aktual është Mauricio Pochettino, i cili u punësua në maj 2014. Të udhëhequr nga Harry Kane, Spurs e mbylli kampionatin e sezonit 2016–17 në vendin e dytëë, rezultati më i mirë që nga sezoni 1962–63. Në UEFA Ligën e Kampioneve 2018–19, Tottenham mposhti Manchester Cityn dhe Ajax për të arritur në finale, duke u bërë klubi i tretë nga Londra që e arrin këtë gjë. Megjithatë, në finale ata u mposhtën nga ekipi tjetër anglez Liverpool me rezultatin 2–0.

Tottenham Marshes

Northumberland Park

White Hart Lane

Vendor

Europian

Skuadra e parë

Nr. Kombësia Poz. Lojtari 1   Pt Hugo Lloris (kapiteni) 2   Mb Kyle Walker 3   Mb Danny Rose 4   Mb Toby Alderweireld 5   Mb Jan Vertonghen 7   Sm Son Heung-min 9   Sm Vincent Janssen 10   Sm Harry Kane (vice-captain) 11   Mf Érik Lamela 12   Mf Victor Wanyama 13   Pt Michel Vorm 14   Mf Georges-Kévin N'Koudou

Nr. Kombësia Poz. Lojtari 15   Mf Eric Dier 16   Mb Kieran Trippier 17   Mf Moussa Sissoko 19   Mf Mousa Dembélé 20   Mf Dele Alli 23   Mf Christian Eriksen 25   Mf Josh Onomah 27   Mb Kevin Wimmer 29   Mf Harry Winks 30 Stampa:Country data SPA Pt Pau López (on loan from Espanyol) 33   Mb Ben Davies 38   Mb Cameron Carter-Vickers

Historia e trajnerëve

20 Trajnerët më të suksesshëm

Ish lojtarët e dikurshëm