Huropi
Muchidzidzo chezvipenyu, huropi kana urozvi (brain in English) inhengo yemuviri iri mukati mebvupa remusoro kana kuti dehenya.
Vamwe vanotaura vachiti hurozvi kana kuti pfungwa.
Mabasa eHuropi
- Kufunga kungava zvinhu zvikuru kana zvidiki
- Kuchengeta ndangariro dzezvakaitika
- Kugamuchira zvinotaurwa zvichibva kune dzimwe nhengo dzemuviri ichibata izvi kuti muviri ushande zvakanaka.
- Kubata mabasa emupfungwa anofambisa zvinhu zvinenge kufema; kufamba; kuwona; kunzwa zvichingodaro.
Munhu akasikwa ane hunzveri (senses) hunoti: kuwona nemaziso; kunzwa nenzeve; kuraidza nerurimi; kunhuwidza nemhuno uye kubata kana kugunzva nenhengo chero ipi yomuviri. Hunzveri hwese uhwu hunoraviwa muhuropi hunowongorora kuti zvabva kune dzimwe nhengo zvinorevei nokupa zano rokuti munhu angaita sei nezviri kunenerwa nedzimwe nhengo dziri dzine hunzveri.
Mamwe Mazwi
- Murangariro (thought, trend of thought, mental ability).
- Kurangarira (thinking, reasoning)
Mitauro yeBantu
- Venda vanoti vhuluvhi (brain) kureva huropi. Zigula vanoti ubongo kana uwongo (n. brain) kureva huropi.
- Lenje vanoti wongo (brain substance, brains) kureva huropi. VaGanda vanoti obwongo (brain) kureva huropi.
- VaNgala vanoti bongo (brain) kureva huropi. VaGulu vanoti chaongo (brain) kureva huropi.
- Chimbalazi vanoti ongo (n. brain) kureva huropi.
This article uses material from the Wikipedia chiShona article Huropi, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki chiShona (DUHOCTRUNGQUOC.VN) is an independent company and has no affiliation with Wiki Foundation.