ریاضی دراصل اعداد دے استعمال دے ذریعے مقداراں دے خواص تے انہاں دے درمیان تعلقات دی تحقیق تے مطالعے کوں آکھا ویندے، ایندے علاوہ ایندے اچ ساختاں، اشکال تے تبدلات نال متعلق بحث وی کیتی ویندی ہے۔ ایں علم دے بارے وچ گمان غالب ہے کہ ایندی ابتدا یا ارتقا دراصل ڳݨتری، شمار کرݨ، پیمائش کرݨ تے اشیاء دے اشکال و حرکات دا مطالعہ کرݨ جیہے بنیادی عوامل دی تجرید تے منطقی استدلال (logical reasoning) دے ذریعے تھئی۔
ریاضی دان انہاں تصورات و تفکرات دے جیہڑے اتے درج تھئے ہن چھان بین کریندن تے انہاں نال متعلق بحث کریندن ۔ انہاں دا مقصد نویں گمان کردہ خیالات (conjectures) کیتے صیغے (formulae) اخذ کرݨا تے ول احتیاط نال چݨے ڳئے مسلمات (axioms)، تعریفاں تے قواعد دی مدد نال ریاضی دے اخذ کردہ صیغیاں کوں درست ثابت کرݨا ہوندے۔
ریاضی دا لفظ ریاضت نال بݨے جیندا مطلب سکھݨا، مشق کرݨا یا پڑھݨا ہوندے، جبکہ انگریزی اچ وی mathematics دا لفظ یونانی دے mathema کولوں ماخوذ ہے جیندا مطلب سکھݨا یا پڑھݨا ہے۔
This article uses material from the Wikipedia سرائیکی article ریاضی, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki سرائیکی (DUHOCTRUNGQUOC.VN) is an independent company and has no affiliation with Wiki Foundation.