زبان
زبان خیالاں دی 'سواری' ہے۔ کوئی خیال بغیر لفظاں دے کائنی ہوندا اتے کوئی لفظ اینجھا نھیں ہوندا جہڑا خیال یا جذبے دے بغیر ہووے۔ زبان رابطے دا ذریعہ جیکوں معلومات دا تبادلہ کرݨ کیتے ورتیا وین٘دا ہے۔ معلومات دا تبادلہ لکھݨ نال، اشاریاں نال، اشتہارات ݙیکھݨ نال، علامتاں دے ورتاوے نال یا براہ راست کلام نال ممکن ہے۔ انساناں دے علاوہ مختلف جاندار آپت وچ تبادلہ معلومت کریندے پئے ہن۔ مگر زبان توں عموماً او نظام گھدا ویندا ہے۔ جیندے ذریعے انسان ہک ݙوجھے نال تبادلہ معلومات تے خیالات کریندا ہے۔ دنیا وچ ہُݨ وی ہزاراں مختلف زباناں موجود ہن۔ حساب لایا ڳئے جو دنیا وچ چھی ہزار دے نیڑے زباناں ہن۔
مختلف زباناں دی تخلیق تے ترقی دا تجزیہ لسانیات دی مدد نال کیتا ویندا ہے۔ عام طور تے زباناں معاشرے دی ضرورت تے ماحول دے اعتبار نال ظہور پذیر تھین٘دیاں ہن۔ تے برقرار رہندیاں ہن۔
زبان لفظاں نال مل کے بݨدی ہے ایہ لفظ ہک ترتیب نال الائے ویندے ہن۔ تے ایں ترتیب کوں گرائمر آہدے ہن۔ زباناں دیاں ٻہوں ساریاں قسماں ہن،
مادری زبان، سرکاری زبان، دفتری زبان، قومی زبان، رابطہ دی زبان، تحریری زبان، اشاریاں دی زبان وغیرہ
This article uses material from the Wikipedia سرائیکی article زبان, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki سرائیکی (DUHOCTRUNGQUOC.VN) is an independent company and has no affiliation with Wiki Foundation.