صنم سعید: پاکستانی ماڈل، ڳائیکہ اَتے اداکارہ ہِن
صنم سعید (اردو: صنم سعید) (ڄَمَّݨ دی تَرِیخ: 30 نومبر 1984ء) (ڄَمَّݨ دی جاء: لندن، انگلینڈ) ہِک پاکستانی ماڈل، ڳائیکہ اَتے اداکارہ ہِن۔
حیاتی دا احوال
صنم سعید 30 نومبر 1985 کوں لندن وِچ ڄَمّی ہئی اتے چِھی ورھیاں دی عمر وِچ اپݨے وطن پاکستان وَل آئی۔ انّھاں دا مستقل ٹِکاݨاں کراچی وِچ ہِے۔ انهاں نے اپݨے شوبز دے پن٘دھ دا اَغاز ماڈلنگ نال كيتا۔ تھيٹر کِیتے وی كئی ڈرامے كیتے جِنّھاں وِچ مامامیا، شکاگو اتے دھانی قابلِ ذكر ہِن۔ اداکارہ دے دُھم پاوݨ آلے ڈرامیاں وِچ میرا نصیب ، فراق: دوریاں محبت کا زوال ، متاع جَاں ہے تو ، تلخیاں ، زندگی گلزار ہے اَتے دیارِدل قابلِ ذكر ہِن۔ کیک فلم کِیتے لکس اسٹائل ایوارڈ دی طرفوں بہترین اداکارہ دا ایوارڈ ݙِتّا ڳیا۔ 2019 وِچ ڈیلی ٹائمز نے صنم سعید کوں "پرائیڈ آف پاکستان" دا ناں ݙِتّا۔ ۔
موسیقی دا کَم کار
صنم سعید نے کوک اسٹوڈیو دے تِریجھے سیزن وِچ حِصّہ گِھدّا اتے عارف لوہار دے نال "الف اللہ (جگنی)" اتے میشا شفیع دے نال "عائشہ" ڳایا۔ میشع شفیع دے ڳاݨے "چوری چوری" وِچ پس منظر وِچ اَواز ݙِتّی۔
صنم سعید نے میڈ فار اسٹیج پروڈکشنز کیتے تَلّے ݙِتّے ڳئے ڈرامیاں وِچ کَم کِیتا:
- شکاگو
- ماما میا
- کارنیج
- دھانی
- گریز
ذاتی حیاتی
صنم نے 2 جنوری 2015 وِچ اپݨے بچپن دے ٻیلی فرحان حسن نال شادی کِیتی ۔ 2018 وِچ اِنّھاں دی طلاق تھی ڳئی۔ ۔
فلمو گرافی
فلماں
- بچانا
- ماہ میر
- دوبارہ پھر سے
- رحم
- آزاد (جنوبی ایشیا انٹرنیشنل فلم فیسٹیول وِچ پیش تھئی)
- کیک (جنوبی ایشیا فلم فیسٹیول وِچ بہترین فکشن فلم)
ٹی وی
- دام
- میرا نصیب
- متاع جان ہے تو
- تلخیاں (ایکسرپیس اینٹرٹینمنٹ)
- زندگی گلزار ہے
- دل میرا دھڑکن تیری
- کدورت
- کہیں چاند نا شرما جائے (ٹیلی فلم)
- تمنا کی تمنا
- اک کسک رہ گئی (جیو ٹی وی)
- شک
- فراق
- مسٹر شمیم وو
- دیار دل
- دل بنجارا
- آخری اسٹیشن
- دیدن (اے پلس ٹی وی)
ایوارڈ اَتے نامزدگیاں
ہم ایوارڈ
- "زندگی گلزار ہے" کیتے بہترین اداکارہ ایوارڈ
- "دیار دل" پر بہترین اداکارہ منفی کردار کیتے نامزد
لکس اسٹائل ایوارڈ
- زندگی گلزار ہے
- دوبارہ پھر سے
- کیک
ہم اسٹائل ایوارڈ
- "دوبارہ پھر سے" ڈراما کِیتے انتہائی اسٹائلش اداکارہ ایوارڈ نامزدگی
- "کیک" کِیتے انتہائی اسٹائلش اداکارہ ایوارڈ جِتّیا
ٻئے اعزازات
- 2012 وِچ لوریل پیرس ایوارڈ - سال دی بہترین ماڈل
- 2013 وِچ ترنگ ہاؤس فل ایوارڈ برائے بہترین معاون اداکارہ (ڈراما دل میرا دھڑکن تیری)
- 2017 وِچ ایسٹرن آئی ایوارڈ بہترین فلمی اداکارہ (فلم رحم)
- 2019 وِچ ڈیلی ٹائمز دا ایوارڈ "پرائیڈ آف پاکستان"
حوالہ جات
This article uses material from the Wikipedia سرائیکی article صنم سعید, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki سرائیکی (DUHOCTRUNGQUOC.VN) is an independent company and has no affiliation with Wiki Foundation.