فرانس

فرانس دے چند علاقے سمندر پار شمالی و جنوبی امریکا، بحر الکاہل تے بحر ہند وچ وی واقع ہن۔ یورپ وچ فرانس دے ہمسایہ ممالک ہن، بلجیم، لگزمبرگ(لوگسام بورغ)، جرمنی، سوئٹزرلینڈ، اٹلی، مناکو، انڈورا(اندورا) تے اسپین۔ یورپ دے باہر فرانس دت سرحداں برازیل، سورینام تے نیدرلینڈز نال ملدے ہن۔

فرانس ہک متحدہ، نیم صدارتی، جمہوری ریاست ہے۔ فرانس دے بنیاداں اس دے آئین تے "آدمی تے شہری دے حقوق دا اعلان" ہن۔ فرانس ہک ترقی یافتہ ملک ہے تے دنیا دی پنجویں سب توں وݙی معیشت ہے۔

فرانس یورپی یونین دے بانی ارکان وچوں ہے تے رقبے دے لحاظ نال اس دا سب توں وݙا رکن ہے۔ فرانس نیٹو دے بانی ارکان وچوں وی ہے۔ فرانس اقوام متحدہ دے بانی ارکان وچوں وی ہے تے سلامتی کونسل دا مستقل رکن ہے۔ فرانس دنیا دے ست ایٹمی طاقتاں وچوں ہک ہے۔

مئی 1940 وچ جرمنی دے حملے دے بعد فرانس کوں جلد ہی شکست تھی گئی۔ وزیر اعظم پال رینوڈ نے استعفٰی ݙے ݙتا۔ پہلی جنگ عظیم دے مقبول ہیرو مارشل ہینری پیٹین نے 22 جون کوں جرمنی دے نال عارضی صلح دے سمجھوتے تے دستخط کر ݙتے۔ اِس سمجھوتے دی شرائط دے تحت فرانس کوں ݙو غیر مساوی حصیاں وچ تقسیم کر ݙتا گیا۔ شمالی حصہ جس وچ بحر اوقیانوس دا تمامتر ساحلی علاقہ شامل ہئی براہ راست جرمن تسلط وچ ݙے ݙتا گیا۔ پیٹین کوں جنوب وچ واقع تریجھے حصے تے اختیار ݙے ݙتا گیا جس وچ میٹروپولیٹن فرانس دا علاقہ تے نو آبادیاں شامل ہن۔ حکومت وچ تبدیلی دے باوجود فرانس دے مسلح افواج دے زیر کنٹرول نوآبادیاتی انتظامیہ زیادہ تر برقرار رہی۔

ایں ملک وچ اکثریتی طور تے فرانسیسی زبان ٻولی ویندی اے مگر جنوبی حصیاں وچ آکسیٹان زبان ٻولی ویندی اے.

[١]