سرائیکستان توں مراد پاکستان دا او سرائیکی علاقہ ہے جیہڑا زیادہ تر صوبہ پنجاب دے ماتحت اے جزوی طور تے صوبہ خیبرپختونخوا دے ماتحت وی ہے مگر ایندا زیادہ حصہ انتظامی طور تے خودمختار اے جتھاں انتظامی سول سیکرٹریٹ قائم کیتا ڳیا ہے۔
سرائیکستان (خودمختار انتظامی اکائی) | |
انتظامی مراکز: | ملتان، بہاولپور |
مرکزی شہر: | ملتان |
دیگر اہم شہر: | ڈیرہ غازی خان، ڈیرہ اسماعیل خان، رحیم یار خان، میانوالی |
مقامی تے اکثریتی زبان: | سرائیکی |
اقلیتی زباناں: | پشتو، پنجابی، بلوچی، مارواڑی، میواتی، ہریاݨوی، اردو، ہندکو |
آبادی: | 42,000,849 |
رقبہ: | 160,535 مربع کلومیٹر |
انتظامی سربراہ: | فواد ہاشم ربانی، ایڈیشنل چیف سیکریٹری، سرائیکستان |
ایڈیشنل آئی جی پولیس، سرائیکی وسیب: | محمد کامران خان |
حیثیت: | خودمختار انتظامی اکائی از یکم جولائی 2020ء |
سرکاری ٹی وی چینل: | پی ٹی وی نیشنل ملتان |
نظام حکومت: | انتظامی سول سیکرٹریٹ (13 ضلعے) |
علاقے : | بہاولپور، ملتان، ڈیرہ غازی خان، سرڳودھا (ݙو ضلعے) تے ڈیرہ اسماعیل خان ڈویژن |
سرکاری ویب سائٹ | [١]، ایڈیشنل چیف سیکریٹری جنوبی پنجاب سیکرٹریٹ |
کہیں زمانے اچ راوی دا دریا ملتان دے پراݨے قلعے دے نال وہندا ہا، تے اینکوں ہک دریائی بندرگاہ دی حیثیت حاصل ہائی ، ٻیڑیں ( کشتیوں) دے ذریعے صرف سکھر بھکر ہی نئی، بلکہ منصورہ ، عراق ، ایران ، مصر ، کا بل، دلی (دہلی) تے حیدرآباد دکن تک دی تجارت ہوندی ہئی، ایں واسطے ملتان کوں دنیا دے بہوں وݙے علمی، تجارتی تے مذہبی مرکز دی حیثیت حاصل تھئی، تے صرف ہندوستان ہی نہی بلکہ پوری دنیا اچ ملتان دی شہرت ہای ۔قلعہ ملتان دی قدامت بارے آکھیا ویندے ، کہ اے پنج ہزار سال پرانا ھ، لیکن ہو سگدے، کہ اے ہنیں تو وی زیادہ پراݨا ہووے ،ایں ڳال تے پر سارے مورخین دا اتفاق ھ، کہ ملتان تے قلعہ ملتان دا وجود قبل از تاریخ دیو مالائی دور کنوں وی پہلے دا ھ ، افسوس دا مقام اے ھ۔ ، جو حملہ آوراں نے ہمیشہ ایں قلعے کوں نشانہ بنڑا تے اینکوں فتح کرݨ توں بعد خوب لُٹ مار کریندے رہ ڳئے، پر اینکوں بحال کرݨ دا کہیں نا سوچیا، 1200قبل مسیح " دارا " نے اینکوں تباہ کیتا ، 325 قبل مسیح سکندر اعظم نے ایندے اُتے چڑھائی کیتی، ولا عرب ، افغان ، سکھ تے انگریزاں حملہ آوراں قدیم قلعہ ملتان کوں برباد کرݨ اچ کوئی کسر نہ چھوڑی ، ہنڑ فرزندان ملتان تے سرائیکی وسیب دے سارے واسیاں دا فرض ھ، کہ او اپنڑی پراݨی کوتاہیں تے غور کرِن ، تے اپنڑے وسیب دے نال تھیونڑوالی پنج ہزار سالہ زیادتیاں دی تلافی کرݨ، تے اپنڑے فخر (عظمت رفتہ) کوں سنڄانڑن.
سرائیکستان وچ کوہ سلیمان، روہی، تھل ،دمان تے بار،نیلی بار ، گنجی بار ، ساندل بار، کِراݨا بار، چج دوآبہ تے رچنا دوآبہ شامل ہن۔ ایں دی زبان، تاریخ تے ثقافت ہکا ہے۔تریویہہ ضلعیاں تے مشتمل وادی سندھ دا اُتلا میدان ہک ڄغرافیائی خطہ ہے۔ ایں کوں سرائیکستان اہدے ہن۔ پاکستان دے جغرافیائی خطے، پہاڑ، سطوح مرتفع، وادی سندھ دا زیریں میدان تے وادی سندھ دا بالائی میدان ہن۔ ہیں چھیکڑی خطے کوں سرائیکستان وی آہدے ہن۔ سرائیکستان ہک جغرافیائی خطہ ہے۔ ایندے وچ کوہ سلیمان، روہی، تھل ،دمان تے بار،نیلی بار گنجی بار تےساندل بار رچنا دوآبہ شامل ہن۔ایں دی زبان، تاریخ تے ثقافت ہکا ہے۔
خطہ سرائیکستان وسیع و عریض رقبے تے پھیلا ہویا اے جیندے وچ کئی اضلاع آندن جنہاں دی تفصیل درج ذیل اے.
نمبرشمار | ضلع/تحصیل | سرائیکی زبان % | رقبہ (KM²) | کل آبادی | سرائیکی آبادی | تبصرہ | |||||||
---|---|---|---|---|---|---|---|---|---|---|---|---|---|
(1) | ضلع ملتان | 64.41 | 3,720 | 4,746,166 | 3,057,098 | ||||||||
i | تحصیل ملتان سٹی | 47.13 | 304 | 2,259,115 | 1,064,944 | ||||||||
ii | تحصیل ملتان صدر | 73.88 | 1,632 | 1,323,076 | 977,543 | ||||||||
iii | تحصیل شجاع آباد | 81.05 | 806 | 609,004 | 493,615 | ||||||||
iv | تحصیل جلالپور پیروالہ | 93.87 | 978 | 554,971 | 520,996 | ||||||||
(2) | ضلع لودھراں | 74.23 | 2,778 | 1,699,693 | 1,261,752 | ||||||||
i | تحصیل لودھراں | 80.4 | 1,111 | 703,513 | 565,672 | ||||||||
ii | تحصیل دنیا پور | 58.61 | 889 | 495,217 | 290,255 | ||||||||
iii | تحصیل کہروڑ پکا | 81.0 | 778 | 500,963 | 405,825 | ||||||||
(3) | ضلع وہاڑی | 19.17 | 4,364 | 2,902,081 | 556,619 | ڄٹکی و سرائیکی ضلع | |||||||
i | تحصیل وہاڑی | 1.45 | 1,430 | 928,812 | 13,508 | ڄٹکی تحصیل | |||||||
ii | تحصیل بوریوالہ | 0.13 | 1,295 | 1,019,659 | 1,317 | ڄٹکی تحصیل | |||||||
iii | تحصیل میلسی | 56.81 | 1,639 | 953,610 | 541,794 | سرائیکی تحصیل | |||||||
(4) | ضلع خانیوال | 18.55 | 4,349 | 2,920,233 | 541,818 | ڄٹکی و سرائیکی ضلع | |||||||
i | تحصیل خانیوال | 9.8 | 784 | 856,257 | 83,710 | ڄٹکی تحصیل | |||||||
ii | تحصیل میاں چنوں | 0.94 | 1,212 | 761,955 | 7,191 | ڄٹکی تحصیل | |||||||
iii | تحصیل کبیروالہ | 33.3 | 1,804 | 958,596 | 319,316 | سرائیکی تے ڄٹکی تحصیل | |||||||
iv | تحصیل جہانیاں | 38.32 | 549 | 343,425 | 131,601 | سرائیکی تحصیل | |||||||
(5) | ضلع بہاولپور | 67.06 | 24,830 | 3,669,176 | 2,460,606 | ||||||||
i | تحصیل بہاولپور سٹی | 58.97 | 1,490 | 682,116 | 402,246 | ||||||||
ii | تحصیل بہاولپور صدر | 73.34 | 745 | 575,886 | 422,363 | ||||||||
iii | تحصیل احمدپور شرقیہ | 91.3 | 1,738 | 1,078,586 | 984,808 | ||||||||
iv | تحصیل خیرپور ٹامیوالی | 88.56 | 993 | 262,923 | 232,854 | ||||||||
v | تحصیل حاصل پور | 41.46 | 1,490 | 456,360 | 189,209 | ڄٹکی تے سرائیکی تحصیل | |||||||
vi | تحصیل منڈی یزمان | 37.35 | 18,374 | 613,305 | 229,126 | ||||||||
(6) | ضلع رحیم یار خان | 64.9 | 11,880 | 4,807,762 | 3,120,662 | ||||||||
i | تحصیل رحیم یار خان | 57.54 | 2,464 | 1,530,183 | 880,521 | ||||||||
ii | تحصیل صادق آباد | 56.71 | 2,964 | 1,261,588 | 715,548 | ||||||||
iii | تحصیل خان پور | 70.36 | 3,190 | 982,085 | 691,020 | ||||||||
iv | تحصیل لیاقت پور | 80.62 | 3,262 | 1,033,906 | 833,573 | ||||||||
(7) | ضلع بہاولنگر | 1.97 | 8,878 | 2,975,656 | 58,672 | ڄٹکی اکثریتی ضلع | |||||||
i | تحصیل بہاولنگر | 0.14 | 1,729 | 813,390 | 1,201 | ||||||||
ii | تحصیل چشتیاں | 1.96 | 1,500 | 689,766 | 13,521 | ||||||||
iií | تحصیل ہارون آباد | 0.43 | 1,295 | 524,715 | 2,291 | ||||||||
iv | تحصیل فورٹ عباس | 9.74 | 2,536 | 422,768 | 41,181 | ڄٹکی و سرائیکی تحصیل | |||||||
v | تحصیل منچن آباد | 0.1 | 1,818 | 525,017 | 478 | ||||||||
(8) | ضلع ڈیرہ غازی خان | 80.99 | 11,922 | 2,872,631 | 2,326,793 | ||||||||
i | تحصیل ڈیرہ غازی خان | 84.34 | 2,012 | 1,224,964 | 1,033,190 | ||||||||
ii | تحصیل کوٹ چھٹہ | 90.1 | 1,802 | 757,230 | 682,634 | ||||||||
iii | تحصیل کوہ سلیمان | 2.1 | 5,339 | 212,652 | 4,595 | بلوچی و سرائیکی تحصیل | |||||||
(9) | ضلع راجن پور | 74.6 | 12,318 | 1,996,039 | 1,489,157 | ||||||||
i | تحصیل راجن پور | 82.81 | 2,078 | 706,770 | 585,335 | ||||||||
ii | تحصیل ڄام پور | 86.15 | 2,322 | 849,369 | 731,733 | ||||||||
iii | تحصیل روجھاݨ مزاری | 42.36 | 2,905 | 405,689 | 171,887 | بلوچی و سرائیکی تحصیل | |||||||
iv | ڈی ایکسکلیوڈڈ ایریا | 0.6 | 5,013 | 34,191 | 202 | بلوچی و سرائیکی تحصیل | |||||||
(10) | ضلع مظفرڳڑھ | 92.37 | 4,778 | 2,981,048 | 2,753,811 | ||||||||
i | تحصیل مظفرڳڑھ | 90.87 | 2,377 | 1,625,487 | 1,477,174 | ||||||||
ii | تحصیل علی پور | 93.79 | 1,391 | 640,384 | 600,633 | ||||||||
iii | تحصیل جتوئی | 94.52 | 1,010 | 715,177 | 676,004 | ||||||||
(11) | ضلع کوٹ ادو | 79.05 | 3,471 | 1,347,501 | 1,065,249 | ||||||||
ii | تحصیل کوٹ ادو | NA | NA | NA | NA | ||||||||
ii | تحصیل چوک سرور شہید | NA | NA | NA | NA | ||||||||
(12) | ضلع لیہ | 66.67 | 6,289 | 1,823,995 | 1,216,058 | ||||||||
i | تحصیل لیہ | 72.50 | 1,712 | 977,088 | 708,457 | ||||||||
ii | تحصیل کروڑ لعل عیسݨ | 58.63 | 1,823 | 594,367 | 348,482 | ||||||||
iii | تحصیل چوٻارہ | 63.0 | 2,754 | 252,540 | 159,119 | ||||||||
(13) | ضلع تونسہ | ||||||||||||
i | تحصیل تونسہ | 89.46 | 2,769 | 677,785 | 606,374 | ii | تحصیل وہوا | NA | NA | NA | NA | ||
ii | تحصیل کوہ سلیمان | NA | NA | NA | NA | ||||||||
(14) | ضلع میانوالی | 76.05 | 5,840 | 1,542,601 | 1,173,213 | ||||||||
i | تحصیل میانوالی | 84.37 | 2,689 | 766,357 | 646,579 | ||||||||
ii | تحصیل پپلاں | 74.04 | 1,288 | 402,050 | 297,710 | ||||||||
iii | تحصیل عیسیٰ خیل | 61.11 | 1,863 | 374,194 | 228,924 | ||||||||
(15) | ضلع بکھر | 79.97 | 8,153 | 1,647,852 | 1,317,859 | ||||||||
i | تحصیل بکھر | 78.87 | 2,427 | 683,939 | 539,469 | ||||||||
ii | تحصیل منکیرہ | 81.48 | 1,768 | 256,895 | 209,319 | ||||||||
iii | تحصیل کلورکوٹ | 78.0 | 2,239 | 346,591 | 270,395 | ||||||||
iv | تحصیل دریا خان | 82.86 | 1,719 | 360,427 | 298,676 | ||||||||
(16) | ضلع خوشاب | 1.72 | 6,511 | 1,280,372 | 22,025 | ڄٹکی و سرائیکی ضلع | |||||||
i | تحصیل خوشاب | 0.43 | 2,115 | 690,157 | 2,970 | ڄٹکی علاقہ | |||||||
ii | تحصیل نورپور تھل | 4.37 | 2,500 | 242,831 | 10,632 | سرائیکی تحصیل، غیر مصدقہ اعداد | |||||||
iii | تحصیل قائد آباد | 3.54 | 1,080 | 230,028 | 8,156 | جزوی سرائیکی علاقہ، غیر مصدقہ اعداد | |||||||
iv | تحصیل نوشہرہ | 0.22 | 816 | 117,356 | 267 | ڄٹکی علاقہ | |||||||
(17) | ضلع ڈیرہ اسماعیل خان | 64.23 | 9,334 | 1,625,088 | 1,043,818 | ||||||||
i | تحصیل ڈیرہ اسماعیل خان | 59.23 | 1,167 | 725,449 | 429,754 | ||||||||
ii | تحصیل پرووا | 71.63 | 1,733 | 292,343 | 209,413 | ||||||||
iii | تحصیل دراٻݨ کلاں | 76.86 | 1,540 | 124,318 | 95,555 | ||||||||
iv | تحصیل کلاچی | 59.27 | 1,229 | 101,892 | 60,393 | ||||||||
v | تحصیل پہاڑ پور | 65.26 | 1,657 | 381,086 | 248,703 | ||||||||
vi | تحصیل درازندہ | NA | 2,008 | 68,556 | NA | پشتون تحصیل | |||||||
(18) | ضلع ٹانک | 16.05 | 1,679 | 390,626 | 62,705 | غیر مصدقہ اعداد | |||||||
i | تحصیل ٹانک | 16.05 | 1,679 | 390,626 | 62,705 | غیر مصدقہ اعداد |
سرائیکی وسیب وسیع و عریض علاقے تے پھیلا ہویا اے جیندے اہم تے مشہور شہر اے ہن:
نمبرشمار | شہر | کل آبادی | شرح خواندگی | سطح سمندر توں اچائی (فٹ) | حیثیت | تبصرہ |
---|---|---|---|---|---|---|
1 | ملتان | 1,871,843 | مرکزِ سرائیکستان، انتظامی مرکز سول سیکرٹریٹ و ڈویژنل ہیڈکوارٹر | |||
2 | بہاولپور | 76,2111 | انتظامی مرکز سول سیکرٹریٹ و ڈویژنل ہیڈکوارٹر | |||
3 | ڈیرہ غازی خان | 399,064 | ڈویژنل ہیڈکوارٹر | |||
4 | ڈیرہ اسماعیل خان | 217,457 | ڈویژنل ہیڈکوارٹر | |||
5 | میانوالی | 220,010 | ضلعی صدرمقام | |||
6 | رحیم یار خان | 477,100 | ضلعی صدرمقام | |||
7 | بکھر | 113,018 | ضلعی صدرمقام | |||
8 | ٹانک | ضلعی صدرمقام | ||||
9 | مظفرڳڑھ | 209,902 | ضلعی صدرمقام | |||
10 | راجن پور | ضلعی صدرمقام | ||||
11 | لیہ | 126,055 | ضلعی صدرمقام | |||
12 | کوٹ ادو | 129,859 | ضلعی صدرمقام | |||
13 | لودھراں | 117,862 | ضلعی صدرمقام | |||
14 | تونسہ | تحصیل صدرمقام | ||||
15 | کبیروالہ | تحصیل صدرمقام | ||||
16 | جہانیاں | تحصیل صدرمقام | ||||
17 | میلسی | تحصیل صدرمقام | ||||
18 | یزمان | تحصیل صدرمقام | ||||
19 | احمدپور شرقیہ | تحصیل صدرمقام | ||||
20 | خیرپور ٹامیوالی | تحصیل صدرمقام | ||||
21 | حاصل پور | تحصیل صدرمقام | ||||
22 | صادق آباد | 238,311 | تحصیل صدرمقام | |||
23 | خان پور کٹورہ | 184,374 | تحصیل صدرمقام | |||
24 | لیاقت پور | تحصیل صدرمقام | ||||
25 | فورٹ عباس | تحصیل صدرمقام | ||||
26 | کوٹ چھٹہ | تحصیل صدرمقام | ||||
27 | فورٹ منرو | تحصیل صدرمقام | ||||
28 | فاضل پور | سب تحصیل | ||||
29 | ڄام پور | تحصیل صدرمقام | ||||
30 | روجھاݨ مزاری | تحصیل صدرمقام | ||||
31 | علی پور | تحصیل صدرمقام | ||||
32 | جتوئی | تحصیل صدرمقام | ||||
33 | کروڑ لعل عیسݨ | تحصیل صدرمقام | ||||
34 | چوٻارہ | تحصیل صدرمقام | ||||
35 | پپلاں | تحصیل صدرمقام | ||||
36 | عیسیٰ خیل | تحصیل صدرمقام | ||||
37 | منکیرہ | تحصیل صدرمقام | ||||
38 | کلورکوٹ | تحصیل صدرمقام | ||||
39 | دریا خان | تحصیل صدرمقام | ||||
40 | خانسر | ٹاؤن | ||||
41 | وہوا | سب تحصیل | ||||
42 | نورپور تھل | تحصیل صدرمقام | ||||
43 | خانقاہ شریف | ٹاؤن | ||||
44 | بھونگ | ٹاؤن | ||||
45 | دیراوڑ | ٹاؤن | ||||
46 | اوچ شریف | سب تحصیل | ||||
47 | پرووا | تحصیل صدرمقام | ||||
48 | کالاباغ | ٹاؤن | ||||
49 | کلاچی | تحصیل صدرمقام | ||||
50 | روکھڑی | ٹاؤن | ||||
51 | کندیاں | ٹاؤن | ||||
52 | کمرمشانی | ٹاؤن | ||||
53 | قطب پور | ٹاؤن |
سرائیکی خطے دی سیاست اُنھاں دے ہتھ وچ ھِے جو نہیں چاہندے سرائیکی اِنھاں دی غلامی کِنوں نجات حاصل کرن نکل سڳن جسطرح ساڈی پسماندگی دا ذمہ دار پنجاپی ھِے اے طبقہ جیندے ہتھ وچ سرائیکی سیاست ھِے اے وی پنجاپی دا مددگار طبقہ ھِے پنجاپی دے نال نال گدی نشین تے جاگیردار وی ساڈی پسماندگی دا ذمہ دار ھِے اینجھا کائنی اساں سارا ملبہ پنجاپی اُتے رکھ تے استین دے ناگاں کِنوں غافل تھی ونجو تے ایں خوف وچ رہو جو ایں کیتا ڳیا تاں اوں تھی ویسے فلاں تھی ویسے اِے لوک ساڈی سادگی دا ناجائز فائدہ اٹھا تے اساکوں لٹیندے رہسِن، گدی نشین تے جاگیردار ھک ڈوجھے کوں سپورٹ کریندن تے سرائیکی خطے کوں پسماندہ رکھی بیٹھن ۔۔۔۔ سرائیکی خطے دے مسائل اوں صورت وچ حل تھیسِن جڈا تل وطنی سیاست وچ دلچسبی گھنسِن سیاست ایں وقت تَل وطنیاں کِنے کائنی بلکہ اُنھاں کِنے ھِے جو درپردہ سرائیکی کوں کم زات تے نیچ سمجھدن اِنھاں لوکاں تے پنجاپیاں وچ کوئی فرق کائنی پنجاپی اگر سرائیکی نال شدید نفرت کریندن تے اے 0.5 فیصد طبقہ وی جو پیچھلے چالھیں سالیں کِنوں سرائیکی اُتے سیاست کریندا پئے سرائیکی نال گھٹ نفرت کائنی کریندا اِنھاں دی نفرت پنجاپیاں کِنوں ودھ ھِے ایں مسئلے دے حل کیتے سرائیکی نینگر سیاست وچ عملی حصہ گھنن تے ڈوھا نفرت دے سودگراں اُتے کڑی نظر رکھی ونجے ۔۔۔۔ اے نفرت دے سوداگر کینہ پرور تے لالچی وی ھِن تے سرائیکی نال بغض وی رکھیندن ۔۔۔۔۔ ۔۔۔۔اِنھاں ڈوھا کِنوں نجات ھی سرائیکی کیتے ترقی دے راستے کھول سڳدی ھِے ۔۔۔۔۔ ھک طبقہ کِنوں نجات دے نال نال ڈوجھے طبقے تے کڑی نظر رکھڑ نال سرائیکی اپڑا بچاؤ کر سڳدن تے اُتے آ سڳدن اِنھاں اُتے بھروسہ کررڑ ممکن کائنی ورنہ نسل پرست کڈھائی وی نہ چاہسِن سرائیکی کوں پنجاپی کِنوں نجات ملے۔۔۔ھتوں اے نسل پرست پنجاپی دے مدد گار بڑ تے سرائیکی کوں نقصان پہنچیندن۔
پٹکا سرائیکی ٹریڈیشن دا اہم جُز ہے ۔پٹکے کوں بدھݨ دے ڈھیر طریقے ھِن ۔سادہ طریقے نال وی پٹکا بدھا ویندے تے پٹکے کوں وَل ڈے تے ھک پاند مُونڈھے تے وی رکھیاں ویندے ڈوجھا پاند سَر وچ لُکیاں ھویا ھوندے ۔کجھ شوقین مزاج نینگر رنگین پَٹکا بدھ تے اپݨی خوبصورتی وچ اضافے دا سبب بݨݨ سانڳے رنگین پٹکے دا استعمال کریندن مقصد صرف خوبصورت نظر آنوݨ تے سرائیکی ٹریڈیشن کوں نشابر کرݨا ھوندے ۔جناب استاد ملک سونا خان بے وس دا پٹکا اسٹائل ھک عام سرائیکی پٹکا اسٹائل ہے ۔جو سرائیکی وسیب وچ عام ہے ۔
گھیرولی شلوار :گھیر والی شلوار سرائیکی علاقہ دا کلچر ہے کجھ علاقاں اچ ایکوں ولیں آلی شلوار وی آکھا ویندے ایں علاقہ توں اے کلچر باہر نختے ۔ھُݨ اے گھیر والی شلوار بلوچ وی استعمال کریندن تے پاکستان دے ڈوجھے خطے دے لوک ایکوں استعمال کریندن گھیرولی شلوار سرائیکی ٹریڈشن دا حصہ ھے ایکوں سابق سرائیکی اسٹیٹ بہاولپور دے سابق نواب استعمال کریندے رہے ڳئین ھُݨ اے گھیرولی شلوار والا کلچر متروک تھیندا پئے ضرورت ایں ڳالھ دی ھِ سرائیکی ٹریڈیشن اُبھارݨ سانڳے ایندا استعمال نینگر کرن ۔۔لیکن بلوچستان وچ ھالی وی ایندا استعمال تھیندے ۔شوقین مزاج نوجوان نسل ایندا استعمال کریندی ھِ ۔سابق سرائیکی اسٹیٹ بہاولپور نواب صبح صادق خان عباسی گھیرولی شلوار دے نال تصویر سرائیکی کلچر کوں نشابر کریندی پئی ہے ۔
ملتان، مظفرگڑھ , بہاولپور، دیرہ غازی خان، دیرہ اسماعیل خان، میاںوالی،خوشاب، صحبت پور، ضلع بار خان تے درگ وچ سرائیکی دا معیاری لہجہ الایا ویندے۔ سرائیکی زبان دے ویہہ ہزار کنوں ودھ شاعر ہن۔
رحیم یار خان، راجن پور، کشمور تے گھوٹکی دے اضلاع وچ سرائیکی دا لمے آلا لہجہ ٻولا ویندے. سندھی دے گہرے اثرات دی وجہ توں اے لہجہ معیاری ملتانی سرائیکی توں قدرے مختلف اے.
جھنگوی سرائیکی، جھنگ، ساہیوال، پاکپتݨ، اوکاڑہ،تاندلیانوالا، کمالیہ، پیرمحل،پنڈی بھٹیاں، چنیوٹ، سرگودھا، منڈی بہاؤالدین،. بہاولنگر، تحصیل حاصل پور(ضلع بہاولپور)، فاضلکا تے سری گنگا نگر دے علاقیاں وچ جھنگوی سرائیکی الیندے ہن۔ ایں کوں ݙبھاری سرائیکی وی آہدے ہن۔ ایں لہجے وچ "ب" کوں "ٻ" ، "ج" کوں "ڄ" تے "گ" کوں ہمشہ "ڳ" ٻولیندے ہِن۔ سلطان ٻاہو، علی حیدر ملتانی، ریاض،عابد تمیمی تے وارث شاہ سرائیکی دے ݙبھاری لہجے دے شاعر ہن۔ ایں لہجے دے مزید ست لہجے ہن۔ ہر تحصیل دا لہجہ کُجھ نہ کُجھ وکھرا ہے.
سندھی سرائیکی: جیکب آباد، سکھر، کشمور، گھوٹکی، نصیر آباد، جعفرآباد تے جھل مگسی دے علاقیاں وچ سندھی سرائیکی الیندے ہن۔ کوٹ سبزل کنوں گھن تے رانی پور تائیں سرائیکی لوکل تے مقامی زبان ہے۔
شمالی سرائیکی، ضلع چکوال، پنڈ دادن خان، ڄنڈ تے کوہاٹ دے علاقیاں وچ وی سرائیکی الائی ویندی ہے۔ ایں لہجے کوں اعواݨکاری یا اعواݨی یا چکوالی یا کوہاٹی یا شمالی سرائیکی وی اہدے ہن۔ شاہ مراد چکوالی سرائیکی دا ٻہوں وݙا شاعر ہے۔ ۔ پیلو چکوال دا سرائیکی شاعر ہے۔ علی محمد مسکین وی ایں لہجے دا شاعر ہے۔ایہ شمالی سرائیکی ہے۔ کوہاٹی سرائیکی دے چھی لہجے ہن۔ خوشحال ڳڑھ دا لہجہ، توگھ دا لہجہ، ٻلی تنگ دا لہجہ، کوہاٹ شہر دا لہجہ، وادی بوراکا دا لہجہ، شکر درہ دا کوہاٹی لہجہ، 1981 دی مردم شماری وچ ضلع کوہاٹ وچ چالہی فیصد کوہاٹی (سرائیکی) ہائی،
ݙاکٹر یونس ندیم، محمد جان عاطف، ریاض، انجم یوسف زئی تے سعد اللہ خاں کوہاٹی زبان دے ادیب تے کارکن ہن۔ کوہاٹی، چکوالی تے اعواݨکاری لہجے آپس وچ ٩٠٪ سرائیکی نال٨٠٪ ہندکو نال٦٠٪ تے پنجابی نال٤٠٪ نال رلدے ملدے ہن۔ ایں سانگے ایہ سرائیکی شمار تھیندے ہن۔ بلوچستان دی جعفری تے کھیترانی، سوات دی آجڑی تے قندھار دی سرائیکی وی سرائیکی دے لہجے ہن۔
سرائیکی وسیب انتظامی طور تے ہک خودمختار علاقہ ہے جیہڑا کہ ہک صوبائی سول سیکرٹریٹ تے کئی وفاقی اداریاں دے زیر انتظام ہے۔ یکم جولائی 2020ء خطہ سرائیکستان دا او تاریخی ݙینہہ اے جݙݨ پاکستان تحریک انصاف دی حکومت ولوں بالخصوص وزیراعلٰی پنجاب سردار عثمان احمد خان بزدار ہوراں دے کاوشاں نال اتھاں سول بیوروکریسی تے پولیس بیوروکریسی دے انتظامی سیکرٹریٹ دا قیام عمل اچ آیا۔ 30 جون 2020ء کوں جناب زاہد اختر زمان دی تقرری بطور پہلے تے تاریخی ایڈیشنل چیف سیکریٹری تے جناب انعام غنی دی تقرری بطور پہلے تے تاریخی ایڈیشنل انسپیکٹر جنرل دے کیتی ڳئی۔ وزیراعلٰی پنجاب سردار عثمان احمد خان بزدار ہوراں نے انہاں ݙوہاں انتظامی سربراہان نال خصوصی ملاقات اچ نیک تمناواں دے بعد سرائیکی خطے دے معاملات تے مسائل بارے تبادلہ خیال کیتا ۔ انہاں ݙوہاں سربراہان نے ݙو جولائی 2020ء کوں سرائیکستان دے انتظامی سیکرٹریٹ (سرکاری ناں جنوبی پنجاب سیکرٹریٹ) کیتے باقاعدہ طور تے اپݨے ذمہ داریاں سنبھال گھدے۔
سرائیکستان دے انتظامی سیکرٹریٹ اچ ابتدائی طور تے مندرجہ ذیل محمکہ جات شامل کیتے ڳئے ہن جنہاں وچوں کجھ دے سیکرٹریاں دی تعیناتی تھیوݨی باقی ہے۔
1.جنوبی پنجاب سیکرٹریٹ
2.ضلع میانوالی، بھکر تے ضلع خوشاب دا جزوی علاقہ، کمشنر سرڳودھا ڈویژن (پنجاب) دے زیر انتظام
3.ضلع ڈیرہ اسماعیل خان تے ٹانک دے ضلعے، صوبہ خیبرپختونخواہ، کمشنر ڈیرہ اسماعیل خان ڈویژن دے زیر انتظام
This article uses material from the Wikipedia سرائیکی article سرائیکستان, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki سرائیکی (DUHOCTRUNGQUOC.VN) is an independent company and has no affiliation with Wiki Foundation.