اینا مولکا احمد (اردو: اینا مولکا احمد) (انگریزی: Anna Molka Ahmed) (ڄَمَّݨ دی تَرِیخ: ١٣ اگست ١٩١٧ء – فوت تِھیوݨ دی تَرِیخ: ٢٠ اپریل ١٩٩٥ء) ہِک مہان٘دری پاکستانی فنون لطیفہ دی فنکارہ ہَن۔ اُنّھاں دی ڳِنتری ١٩٤٧ء اَزادی دے بعد مُلخ وِچ فنونِ لطیفہ دی ابتداء کرݨ آلیاں وِچ کِیتی وین٘دی ہِے۔ اُوہ لاہور دی جامعہ پنجاب دی پروفیسر ہَن۔
اینا مولکا ١٣ اگست ١٩١٧ء کُوں لندن وِچ ڄَمّی ہَن۔ اینا مولکا دی پیدائش لندن وِچ ٹِکّے ہوئے ہِک یہودی ٹَٻَّر وِچ تھئی۔ ١٩٣٥ء وِچ رائل کالج آف آرٹس لندن وِچ تدریس دے وِچالے وِچ اُنّھاں دی ملاقات اپݨے ہم جماعت شیخ احمد نال تھئی۔ ١٩٣٩ء وِچ کالج تُوں فارغ تِھیوݨ دے بعد اینا مولکا نے شیخ احمد نال شادی کر گِھدّی۔
شادی دے بعد اینا مولکا احمد لاہور آ ڳئی جِتّھاں اُوں نے جامعہ پنجاب وِچ شعبہ فنونِ لطیفہ دی بنیاد پاتی۔ ١٩٤٠ء تُوں ١٩٧٢ء تئیں اُوہ اِیں شعبے دی چیئرپرسن رہی۔ حکومتِ پاکستان نے اِنّھاں دی خدمتاں کُوں چِتوین٘دے ہوئے اِنّھاں کُوں صدارتی تمغائے حسنِ کارکردگی نال نوازیا۔
٢٠ اپریل ١٩٩٥ء کُوں اینا مولکا احمدلاہور وِچ فوت تِھی ڳئی۔ اِنّھاں کُوں لاہور دے میانی صاحب گورستان وِچ پوریا ڳیا ہئی۔
١٤ اگست ٢٠٠٦ء کُوں پاکستان پوسٹ نے ݙاہ مہان٘درے فوت تھئے ہوئے پاکستانی مصوراں دے احترام وِچ ٤٠ روپے دا ٹکٹ جاری کِیتے۔ اینا مولکا احمد وی اِیں تن٘دِیر وِچ موجود ہَن۔
This article uses material from the Wikipedia سرائیکی article اینا مولکا احمد, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki سرائیکی (DUHOCTRUNGQUOC.VN) is an independent company and has no affiliation with Wiki Foundation.