Aotearoa
Aotearoa dahje Ođđa-Selánda (eaŋgalasgillii: New Zealand) lea riika Oseanias.
Riikii gullet davvesuolu ja oarjesullo ja vel dasa lassin máŋga smávva sullo. Dan oaivegávpot lea Te Whanga-nui-a-Tara (eaŋgalasgillii: Wellington) Lagamus stuorra eanamássát leat oarjin Austrália (1530 km lagamus sullos), davvin fránskalaš suolu Ođđa-Kaledonia ja suolostáhtat Tonga ja Fiži, ja vel lullin Antárktis (3000 km Aotearoa lulimus geažis). Geografalaččat riika lea muhtun oase austrálialaš baldu alde ja muhtun oase Jaskesmeara baldu alde. Aotearoa kultuvra lea ovttastuvvon sihke Austrália eurohpálaš kultuvrrain ja Oseania polynesalaš kultuvrrain. Aotearoa lea gonagasriika ja mielde servošis Commonwealth of Nations. Aotearoas lea parlementáralaš vuođđoláhka. Guovddáš ealáhussuorggit leat eana- ja vuovdedoallu, borramušindustriija (eanas meieriijabuktagat) ja turisma
Geografiija
Golbma njealjádasa olmmošlogus orrot davvesullos. Maiddái oaivegávpot Wellington ja stuorámus gávpot Auckland (maori: Tāmaki Makaurau dahjege Ākarana) leat davvesullos.
Aotearoas leat máŋga duottarguovllut mat šadde dalle go guokte kontinentabaldu bohte oktii. Alimus várri lea Mount Cook man allodat lea 3724 m.
Geahča maid
Austrália • Fijisullot • Kiribati • Marshallsullot • Mikronesia • Nauru • Niue • Ođđa-Selánda • Palau • Papua-Ođđa-Guinea • Salomonsullot • Samoa • Tonga • Tuvalu • Vanuatu
Gáldut
This article uses material from the Wikipedia Sámegiella article Aotearoa, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Sisdoalu sáhttá geavahit liseanssain CC BY-SA 4.0, jus ii boađe eará diehtu. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Sámegiella (DUHOCTRUNGQUOC.VN) is an independent company and has no affiliation with Wiki Foundation.