Mahatma Gandhi
Dit artikel is gesjreve (of begós) in 't Mofers.
Laes hie wie v'r mit de versjillende saorte Limburgs ómgaon.
Mohandas Karamchand Gandhi (Gujarati: મોહનદાસ કરમચંદ ગાંધી) (Porbandar, 2 oktoeaber 1869 – Nuuj-Delhi, 30 jannewarie 1948), meistes Mahatma Gandhi (Gujarati: મહાત્મા ગાંધી) geneump, waas 'nen Indiase politieker. Nao 'n rechtestudie in Ingelandj vertróch Gandhi nao Zuud-Afrika, wo d'r zich veure Indiase bevölkingsgroep inzat. Nao trögkkieër in India woort t'r de leier vanne Indiasen ónaafhenkelikheidsstried. Mahatma Gandhi waas eine vanne gróndjlègkers vanne moderne staon India en 'ne veurstenjer van aktieve geweldjloeasheid es middel veur rivveluusje.
Gandhi spandje zich ouch in veur verzoening tösse hindoes en moslims in India. Hae woort in 1948 in Nuuj-Delhi vermaord door 'nen extremistischen hindoe. Ziene gebaordjedaag wuuertj gevierdj es Gandhi Jayanti. Bie Raj Ghat, e monument ane reveer de Yamuna in Nuuj-Delhi, wuuertj zie favoriet leedje Raghupati Raghava gezóngen en wuuertj op ajerwètse meneer ketoen gespónne.
This article uses material from the Wikipedia Limburgs article Mahatma Gandhi, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). De inhawd is besjikbaar ónger de CC BY-SA 4.0 behauve is angers aangegeve. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Limburgs (DUHOCTRUNGQUOC.VN) is an independent company and has no affiliation with Wiki Foundation.