ᱢᱚᱦᱟᱛᱢᱟ ᱜᱟᱱᱫᱷᱤ

ᱢᱚᱦᱟᱛᱢᱟ
ᱜᱟᱱᱫᱷᱤ
ᱢᱚᱦᱟᱛᱢᱟ; ᱜᱟᱱᱫᱷᱤ
	ᱞᱚᱱᱰᱚᱱ ᱨᱮ ᱜᱟᱱᱫᱷᱤ, ᱑᱙᱓᱑
ᱡᱟᱱᱟᱢ ᱧᱩᱛᱩᱢ ᱡᱟᱱᱟᱢ ᱢᱟᱹᱦᱤᱛ ᱟᱨ ᱡᱟᱱᱟᱢ ᱴᱷᱟᱶ	ᱢᱚᱦᱚᱱᱫᱟᱥ ᱠᱚᱨᱚᱢᱪᱟᱸᱫᱽ ᱜᱟᱱᱫᱷᱤ; ᱒ ᱚᱠᱴᱚᱵᱚᱨ ᱑᱘᱖᱙; ᱯᱳᱨᱵᱚᱱᱫᱚᱨ, ᱯᱳᱨᱵᱚᱱᱫᱚᱨ ᱯᱚᱱᱚᱛ, ᱠᱟᱴᱷᱤᱭᱟᱣᱟᱲ ᱮᱡᱮᱱᱥᱤ, ᱵᱽᱨᱤᱴᱤᱥ ᱨᱟᱡᱽ
ᱜᱩᱨ	᱓᱐ ᱡᱟᱱᱩᱣᱟᱨᱤ ᱑᱙᱔᱘ (᱗᱘ ᱵᱚᱭᱚᱥ); ᱱᱟᱶᱟ ᱫᱤᱞᱞᱤ, ᱥᱤᱧᱚᱛ
ᱜᱩᱨ ᱨᱮᱱᱟᱜ ᱚᱡᱮ	ᱥᱮᱸᱜᱮᱞ ᱥᱟᱨ ᱴᱩᱴᱤ ᱛᱮ ᱵᱟᱡᱟᱣ
ᱩᱱᱩᱭᱦᱟᱹᱨ ᱥᱟᱹᱠᱷᱤ	ᱨᱟᱡᱽ ᱜᱷᱟᱴ; ᱜᱟᱱᱫᱷᱤ ᱩᱱᱩᱭᱦᱟᱹᱨ
ᱱᱟᱹᱜᱟᱹᱨᱤᱭᱟᱹ	ᱵᱽᱨᱤᱴᱤᱥ ᱨᱟᱡᱽ (᱑᱘᱖᱙–᱑᱙᱔᱗); ᱥᱤᱧᱚᱛᱤᱭᱟᱹ
ᱥᱮᱪᱮᱫ ᱟᱠᱷᱲᱟ	ᱟᱞᱯᱷᱨᱮᱰ ᱦᱟᱭ ᱥᱠᱩᱞ (ᱨᱟᱡᱽᱠᱳᱴ), (᱑᱘᱘᱐ – ᱱᱚᱵᱷᱮᱢᱵᱚᱨ ᱑᱘᱘᱗); ᱥᱚᱢᱚᱞᱫᱟᱥ ᱟᱨᱴᱥ ᱠᱚᱞᱮᱡᱽ ᱵᱷᱟᱣᱱᱚᱜᱚᱨ (ᱡᱟᱱᱩᱣᱟᱨᱤ ᱑᱘᱘᱐ – ᱡᱩᱞᱟᱭ ᱑᱘᱘᱘); ᱤᱱᱟᱨ ᱴᱮᱢᱯᱮᱞ, ᱞᱚᱱᱰᱚᱱ (ᱥᱮᱯᱴᱮᱢᱵᱚᱨ ᱑᱘᱘᱘–᱑᱘᱙᱑); (ᱭᱩᱱᱤᱵᱷᱟᱨᱥᱤᱴᱤ ᱠᱚᱞᱮᱡᱽ, ᱞᱚᱱᱰᱚᱱ ᱑᱘᱘᱘ ᱠᱷᱚᱱ ᱑᱘᱙᱑ ᱢᱩᱸᱫᱽ ᱨᱮ)
ᱠᱟᱹᱢᱤ	ᱩᱠᱤᱞ; ᱩᱯᱚᱱᱤᱵᱮᱥᱵᱟᱥ ᱵᱤᱨᱳᱫᱷᱤ; ᱨᱟᱡᱽᱟᱹᱨᱤ ᱟᱹᱱᱼᱟᱹᱨᱤᱭᱟᱹ;
ᱠᱟᱹᱢᱤ ᱚᱠᱛᱚ	᱑᱘᱙᱓–᱑᱙᱔᱘
ᱡᱩᱜᱽ	ᱵᱽᱨᱤᱴᱤᱥ ᱨᱟᱡᱽ
ᱧᱩᱢᱱᱟᱢ	ᱵᱽᱨᱤᱴᱤᱥ ᱥᱟᱥᱚᱱ ᱠᱷᱚᱱ ᱯᱷᱩᱨᱜᱟᱹᱞ ᱞᱟᱲᱟᱣᱱᱟ ᱨᱮᱱ ᱟᱹᱭᱩᱨᱤᱭᱟᱹ,; ᱚᱼᱦᱤᱝᱥᱟᱹ ᱵᱤᱨᱳᱫᱷ
ᱧᱩᱢᱦᱟᱞᱟᱝ ᱠᱟᱹᱢᱤ	સત્યના પ્રયોગો અથવા આત્મકથા (ᱥᱚᱛᱭᱚᱱᱟ ᱯᱨᱚᱭᱳᱜᱳ ᱚᱛᱷᱚᱣᱟ ᱟᱛᱢᱚᱠᱚᱛᱷᱟ)
Office	᱔᱓ ᱟᱱ ᱥᱤᱧᱚᱛᱤᱭᱟᱹ ᱡᱟᱹᱛᱤᱭᱟᱹᱨᱤ ᱠᱚᱝᱜᱽᱨᱮᱥ ᱨᱮᱱ ᱯᱟᱨᱥᱮᱛ
ᱛᱟᱦᱮᱸ ᱚᱠᱛᱚ	᱑᱙᱒᱔
ᱢᱟᱬᱟᱝᱤᱡ	ᱟᱵᱩᱞ ᱠᱟᱞᱟᱢ ᱟᱡᱟᱫᱽ
ᱛᱟᱭᱚᱢᱤᱡ	ᱥᱚᱨᱚᱡᱤᱱᱤ ᱱᱟᱭᱰᱩ
ᱨᱟᱡᱽᱟᱹᱨᱤ ᱫᱚᱞ	ᱥᱤᱧᱚᱛᱤᱭᱟᱹ ᱡᱟᱹᱛᱤᱭᱟᱹᱨᱤ ᱠᱚᱝᱜᱽᱨᱮᱥ (᱑᱙᱒᱐–᱑᱙᱓᱔)
ᱨᱟᱡᱽᱟᱹᱨᱤ ᱞᱟᱲᱟᱣᱱᱟ	ᱥᱤᱧᱚᱛᱤᱭᱟᱹ ᱯᱷᱩᱱᱩᱨᱜᱟᱹᱞ ᱞᱟᱲᱟᱣᱱᱟ
ᱡᱤᱭᱚᱱ ᱥᱚᱦᱮᱫ	ᱠᱚᱥᱛᱩᱨᱵᱟ ᱜᱟᱱᱫᱷᱤ; (m. 1883; died 1944)
ᱦᱚᱯᱚᱱ	ᱦᱚᱨᱤᱞᱟᱞ; ᱢᱚᱱᱤᱞᱟᱞ; ᱨᱟᱢᱫᱟᱥ; ᱫᱮᱵᱫᱟᱥ;
ᱟᱯᱟᱛ ᱮᱸᱜᱟᱛ	ᱠᱚᱨᱚᱢᱪᱟᱸᱫᱽ ᱜᱟᱱᱫᱷᱤ (ᱵᱟᱵᱟ); ᱯᱩᱛᱞᱤᱵᱟᱭ ᱜᱟᱱᱫᱷᱤ (ᱟᱭᱳ);
ᱥᱩᱦᱤ

ᱠᱷᱟᱴᱚ ᱡᱤᱭᱚᱱ ᱪᱩᱨᱤᱛ

ᱢᱚᱦᱟᱛᱢᱟ ᱜᱟᱱᱫᱷᱤᱭᱟᱜ ᱥᱟᱹᱨᱤ ᱧᱩᱛᱩᱢ ᱫᱚ ᱢᱚᱦᱚᱱ ᱫᱟᱥ ᱠᱚᱨᱚᱢᱪᱟᱸᱫᱽ ᱜᱟᱱᱫᱷᱤ ᱢᱮᱱᱛᱮ ᱛᱟᱦᱮᱸ ᱠᱟᱱᱟ ᱾ ᱟᱡᱤᱡ ᱡᱟᱱᱟᱢ ᱵᱟᱵᱟᱦᱟᱜ ᱧᱩᱛᱩᱢ ᱫᱚ ᱠᱚᱨᱚᱢᱪᱟᱸᱫᱽ ᱟᱨ ᱟᱭᱳᱣᱟᱜ ᱧᱩᱛᱩᱢ ᱫᱚ ᱯᱩᱛᱞᱤ ᱵᱟᱭᱤ ᱢᱮᱱᱛᱮ ᱛᱟᱦᱮᱸ ᱠᱟᱱᱟ ᱾ ᱢᱚᱦᱚᱱ ᱫᱟᱥ ᱫᱚ ᱟᱭᱳ ᱵᱟᱵᱟ ᱨᱤᱱ ᱛᱩᱨᱩᱭ ᱴᱷᱟᱶ ᱟᱨᱵᱟᱝ ᱡᱷᱚᱛᱚ ᱠᱷᱚᱱ ᱦᱩᱰᱤᱧ ᱜᱤᱫᱽᱨᱟᱹᱭ ᱛᱟᱦᱮᱸ ᱠᱟᱱᱟ ᱾ ᱩᱱᱤ ᱑᱘᱖᱙ ᱥᱟᱞᱮᱨᱮ ᱚᱠᱴᱳᱵᱚᱨ ᱒ ᱢᱟᱺᱦᱤᱛ ᱦᱤᱞᱚᱜ ᱮ ᱡᱟᱱᱟᱢ ᱞᱮᱱᱟ ᱾ ᱛᱟᱱᱟᱞᱟ/ᱪᱮᱛᱟᱱ ᱛᱟᱱᱟᱞᱟ (High school/College) ᱵᱤᱱᱤᱰ ᱨᱮᱭ ᱡᱤᱛᱠᱟᱹᱨ ᱮᱱ ᱛᱟᱭᱚᱢ ᱵᱟᱨᱤᱥᱴᱚᱨᱤ ᱯᱟᱲᱦᱟᱣᱜ ᱞᱟᱹᱜᱤᱫ ᱑᱘᱘᱘ ᱥᱟᱞᱮᱨᱮ ᱵᱤᱞᱟᱹᱛ (England) ᱮ ᱥᱮᱱ ᱮᱱᱟ ᱾ ᱯᱮ ᱥᱮᱨᱢᱟ ᱛᱟᱭᱚᱢ ᱵᱟᱨᱤᱥᱴᱚᱨ ᱯᱟᱥ ᱠᱟᱛᱮ ᱟᱹᱭᱤᱱ ᱠᱟᱹᱢᱤ ᱨᱮᱠᱤᱱ ᱟᱬᱜᱚ ᱮᱱᱟ ᱾ ᱱᱚᱶᱟ ᱠᱷᱟᱹᱛᱤᱨ ᱑᱘᱙᱓ ᱥᱟᱞᱮᱨᱮ ᱫᱩᱠᱷᱤᱱ ᱟᱯᱨᱤᱠᱟ ᱠᱤᱱ ᱪᱟᱞᱟᱣ ᱞᱮᱱᱟ ᱾ ᱚᱸᱰᱮ ᱠᱚ ᱛᱟᱦᱮᱸᱞᱮᱱ ᱥᱤᱧᱚᱛᱤᱭᱟᱹ ᱪᱮᱛᱟᱱᱨᱮ ᱯᱩᱸᱰ ᱦᱟᱨᱛᱟ ᱦᱚᱲ ᱠᱚ ᱫᱟᱨᱟᱭ ᱛᱮ ᱟᱹᱰᱤ ᱱᱟᱦᱟᱪᱟᱨ ᱦᱩᱭᱩᱜ ᱠᱟᱱ ᱛᱟᱦᱮᱸᱱ ᱾ ᱵᱟᱹᱲᱤᱡ ᱴᱮᱠᱟᱣ ᱫᱟᱨᱟᱢ ᱞᱟᱹᱜᱤᱫ ᱛᱮ ᱩᱱᱤ ᱪᱤᱨᱜᱟᱹᱞ ᱟᱲᱟᱝ ᱮ ᱨᱟᱲᱟᱝ ᱠᱮᱜᱼᱟ ᱟᱨ ᱤᱸᱜᱽᱨᱟᱹᱡᱽ ᱜᱚᱵᱚᱞᱤᱭᱟᱹ ᱠᱚᱣᱟᱜ ᱱᱟᱦᱟᱪᱟᱨ ᱠᱟᱹᱢᱤᱭ ᱵᱤᱨᱩᱫᱷ ᱞᱮᱜᱼᱟ ᱾ ᱩᱱᱤ ᱚᱸᱰᱮ ᱥᱚᱛᱭᱟᱜᱨᱚᱦᱚ ᱢᱤᱪᱷᱤᱞ ᱮ ᱮᱛᱚᱦᱚᱵ ᱠᱮᱜᱼᱟ ᱾ ᱵᱤᱱ ᱦᱤᱸᱥᱟᱹ ᱥᱩᱭᱟᱹ ᱵᱟᱠᱷᱮᱬ ᱫᱟᱲᱮ ᱛᱮ ᱱᱟᱦᱟᱪᱟᱨ ᱪᱮᱛᱟᱱ ᱨᱮ ᱵᱤᱨᱩᱫᱷ ᱢᱤᱪᱷᱤᱞ ᱮ ᱪᱟᱹᱞᱩ ᱠᱮᱜᱼᱟ ᱾ ᱑᱙᱑᱔ ᱥᱟᱞᱮᱨᱮ ᱜᱟᱱᱫᱷᱤᱡᱤ ᱡᱟᱱᱟᱢ ᱫᱤᱥᱚᱢ ᱨᱩᱣᱟᱹᱲ ᱠᱟᱛᱮ ᱫᱤᱥᱚᱢ ᱨᱮᱭᱟᱜ ᱞᱮᱠᱟᱱ ᱞᱮᱠᱟᱱ ᱮᱴᱠᱮᱴᱚᱬᱮ ᱜᱷᱚᱴᱚᱱ ᱠᱚ ᱵᱟᱰᱟᱭ ᱞᱟᱹᱜᱤᱫ ᱮ ᱨᱤᱠᱟᱹ ᱠᱮᱜᱼᱟ ᱾ ᱑᱙᱑᱕ ᱥᱟᱞᱮᱨᱮ ᱥᱟᱵᱚᱨᱢᱚᱛᱤ ᱨᱮ ᱥᱚᱛᱭᱟᱜᱨᱚᱦᱚ ᱟᱥᱨᱚᱢ ᱮ ᱛᱷᱟᱯᱚᱱ ᱠᱮᱜᱼᱟ ᱾ ᱤᱸᱜᱽᱨᱮᱢᱽ ᱥᱚᱨᱠᱟᱨ ᱠᱚᱣᱟᱜ ᱨᱟᱣᱞᱚᱛ ᱟᱭᱤᱱ ᱵᱤᱨᱩᱫᱷ ᱨᱮ ᱑᱙᱑᱙ ᱥᱟᱞᱮᱨᱮ ᱥᱤᱧᱚᱛᱤᱭᱟᱹ ᱠᱚ ᱢᱤᱪᱷᱤᱞ ᱠᱮᱜᱼᱟ ᱾ ᱱᱚᱶᱟ ᱢᱚᱦᱟᱛᱢᱟ ᱜᱟᱱᱫᱷᱤ ᱭᱟᱜ ᱧᱮᱞ ᱡᱚᱛᱚᱱ ᱨᱮ ᱦᱩᱭᱩᱜ ᱨᱮᱭᱟᱜ ᱟᱺᱜᱤᱵᱷᱟᱨ ᱮ ᱦᱟᱛᱟᱣ ᱠᱮᱜᱼᱟ ᱾ ᱱᱚᱶᱟ ᱫᱚ ᱵᱤᱱᱟᱹ ᱨᱮᱨᱟᱲ/ᱦᱤᱸᱥᱟᱹ ᱥᱩᱭᱟᱹ (Non-violence) ᱛᱚᱦᱚᱨ ᱛᱮ ᱪᱟᱞᱟᱣ ᱦᱚᱪᱚᱭ ᱞᱟᱹᱜᱤᱫ ᱮ ᱴᱷᱟᱹᱣᱠᱟᱹ ᱜᱚᱴᱟ ᱠᱮᱜᱼᱟ ᱾ ᱥᱤᱧᱚᱛᱤᱭᱟᱹ ᱠᱚᱣᱟᱜ ᱚᱥᱚᱦᱡᱚᱜᱽ (Non-cooperation) ᱢᱤᱪᱷᱤᱞ ᱵᱨᱤᱴᱤᱥ ᱥᱚᱨᱠᱟᱨ ᱮ ᱠᱟᱹᱦᱤᱞ ᱪᱟᱵᱟ ᱠᱮᱫ ᱠᱚᱣᱟ ᱾

᱑᱙᱒᱒ ᱨᱮ ᱜᱟᱱᱫᱷᱤᱡᱤ ᱯᱩᱞᱤᱥ ᱴᱷᱮᱱ ᱮ ᱥᱟᱵ ᱦᱚᱪᱚ ᱮᱱᱟ ᱟᱨ ᱑᱙᱒᱔ ᱨᱮ ᱩᱱᱤ ᱡᱤᱦᱚᱞ ᱠᱷᱚᱱ ᱮ ᱨᱟᱲᱟ ᱫᱩᱜ ᱮᱱᱟ ᱾ ᱑᱙᱒᱕ ᱨᱮ ᱵᱮᱞᱩᱪᱤᱥᱛᱷᱟᱱ ᱨᱮ ᱦᱤᱱᱫᱩ ᱟᱨ ᱛᱩᱲᱩᱠ ᱠᱚ ᱛᱟᱞᱟᱨᱮ ᱪᱟᱹᱞᱩ ᱞᱮᱱ ᱮᱯᱮᱨᱦᱮᱸᱰᱮ ᱥᱚᱞᱦᱮ ᱞᱟᱹᱜᱤᱫ ᱜᱟᱱᱫᱷᱤᱡᱤ ᱯᱮ ᱦᱟᱯᱛᱟ ᱡᱟᱠ ᱮ ᱨᱮᱨᱮᱝᱜᱷᱟᱲ ᱞᱮᱜᱼᱟ ᱾ ᱑᱙᱒᱖ ᱠᱷᱚᱱ ᱑᱙᱓᱐ ᱫᱷᱟᱹᱵᱤᱡ ᱠᱚᱝᱜᱨᱮᱥ ᱮ ᱵᱮᱱᱟᱣ ᱞᱮᱫ ᱠᱟᱹᱢᱤᱦᱚᱨᱟ ᱪᱮᱛᱟᱱ ᱨᱮ ᱟᱡᱟᱜ ᱜᱟᱺᱦᱤᱨ ᱠᱩᱨᱩᱢᱩᱴᱩ ᱛᱟᱦᱮᱸ ᱠᱟᱱᱟ ᱾ ᱑᱙᱓᱐ ᱥᱟᱞᱮᱨᱮ ᱢᱟᱨᱪ ᱵᱚᱸᱜᱟᱨᱮ ᱜᱟᱱᱫᱷᱤ ᱵᱩᱞᱩᱝ ᱥᱚᱛᱭᱟᱜᱨᱚᱦᱚᱭ ᱮᱛᱚᱦᱚᱵ ᱠᱮᱜᱼᱟ ᱾ ᱩᱱᱤ ᱛᱟᱲᱟᱢ ᱛᱮᱜᱮ ᱫᱟᱱᱰᱤ ᱫᱷᱟᱹᱵᱤᱡ ᱥᱮᱱ ᱠᱟᱛᱮ ᱫᱤᱥᱩᱣᱟᱹ ᱠᱚ ᱵᱩᱞᱩᱝ ᱨᱤᱛ ᱵᱤᱨᱩᱫᱷ ᱨᱮᱭ ᱥᱚᱱᱛᱚᱨ ᱞᱮᱫ ᱠᱚᱣᱟ ᱾ ᱑᱙᱓᱑ ᱨᱮ ᱵᱚᱰᱚᱞᱟᱴ ᱟᱨ ᱜᱟᱱᱫᱷᱤᱡᱤ ᱛᱟᱞᱟᱨᱮ ᱢᱤᱫ ᱦᱮᱸᱼᱥᱟᱹᱨᱤ ᱥᱩᱦᱤ ᱦᱩᱭ ᱮᱱᱟ ᱾ ᱫᱚᱨᱮᱭᱟ ᱫᱷᱟᱨᱮ ᱥᱤᱧᱚᱛᱤᱭᱟᱹ ᱠᱚᱫᱚ ᱟᱠᱚ ᱵᱮᱵᱷᱟᱨ ᱞᱟᱹᱜᱤᱫ ᱵᱩᱞᱩᱝ ᱵᱮᱱᱟᱣ ᱨᱮᱭᱟᱜ ᱦᱚᱠ ᱠᱚ ᱧᱟᱢ ᱠᱮᱜᱼᱟ ᱾ ᱑᱙᱓᱔ ᱥᱟᱞᱨᱮ ᱩᱱᱤ ᱫᱚ ᱠᱚᱸᱜᱨᱮᱥ ᱨᱟᱡᱽᱼᱟᱹᱨᱤ ᱜᱟᱫᱮᱞ ᱠᱷᱚᱱ ᱵᱷᱮᱜᱟᱨ ᱠᱟᱛᱮ ᱦᱟᱨᱤᱡᱚᱱ ᱢᱤᱪᱷᱤᱞ ᱟᱨ ᱟᱹᱛᱩᱴᱚᱞᱟ ᱡᱚᱜᱟᱣ ᱜᱚᱲᱦᱚᱱ ᱠᱟᱹᱢᱤᱦᱚᱨᱟ ᱨᱮ ᱢᱚᱱᱮᱭ ᱠᱩᱨᱩᱢᱩᱴᱩ ᱠᱮᱜᱼᱟ ᱾ ᱑᱙᱔᱒ ᱥᱟᱞᱮᱨᱮ ᱢᱚᱦᱟᱛᱢᱟ ᱜᱟᱱᱫᱷᱤ ᱥᱤᱧᱚᱛ ᱵᱟᱹᱜᱤ (Quit India) ᱢᱤᱪᱷᱤᱞ ᱞᱟᱹᱜᱤᱫ ᱮ ᱫᱩ ᱫᱮᱞᱟ ᱠᱮᱜᱼᱟ ᱾ ᱱᱚᱶᱟ ᱫᱤᱥᱚᱢ ᱡᱟᱠᱨᱮ ᱦᱚᱭ ᱛᱟᱱᱟᱜ ᱞᱮᱠᱟ ᱯᱟᱥᱱᱟᱣ ᱮᱱᱟ ᱾ ᱤᱸᱜᱽᱨᱟᱹᱡᱽ ᱥᱚᱨᱠᱟᱨ ᱠᱚᱸᱜᱽᱨᱮᱥ ᱠᱚᱫᱚ ᱨᱤᱛ ᱵᱤᱨᱩᱫᱷ ᱠᱚ ᱠᱟᱹᱢᱤ ᱠᱟᱱᱟ ᱢᱮᱱᱛᱮᱭ ᱪᱷᱟᱹᱴᱭᱟᱹᱨ ᱠᱮᱫ ᱠᱚᱣᱟ ᱾ ᱑᱙᱔᱔ ᱥᱟᱞᱮᱨᱮ ᱯᱷᱮᱵᱨᱩᱣᱟᱨᱤ ᱵᱚᱸᱜᱟ ᱒᱒ ᱢᱟᱺᱦᱤᱛ ᱦᱤᱞᱚᱜ ᱢᱚᱦᱟᱛᱢᱟ ᱜᱟᱱᱫᱷᱤ ᱫᱚ ᱡᱤᱦᱚᱞ ᱨᱮᱭ ᱛᱟᱦᱮᱸ ᱠᱟᱱ ᱵᱮᱲᱟ ᱨᱮᱜᱮ ᱟᱡᱤᱡ ᱫᱷᱚᱨᱚᱢ ᱮᱨᱟ ᱠᱚᱥᱛᱩᱨᱤᱵᱟᱭᱤ ᱟᱜ ᱡᱤᱣᱤᱵᱟᱹᱛᱤ ᱫᱚ ᱤᱬᱤᱡ ᱮᱱᱟ ᱾ ᱜᱟᱱᱫᱷᱤᱡᱤ ᱦᱚᱸ ᱟᱡᱟᱨ ᱨᱮᱭ ᱯᱟᱲᱟᱣ ᱮᱱᱟ ᱾ ᱮᱨᱟ ᱵᱟᱯᱟᱜᱽ ᱨᱮᱭᱟᱜ ᱠᱟᱺᱦᱤᱥ ᱟᱨ ᱡᱚᱞᱚᱱ ᱟᱺᱜᱤᱵᱷᱟᱨ ᱦᱚᱨ ᱠᱷᱚᱱ ᱵᱟᱭ ᱥᱟᱦᱟ ᱦᱚᱪᱚ ᱫᱟᱲᱮᱭᱟᱫᱮᱭᱟ ᱾ ᱟᱡᱟᱨ ᱠᱤᱱ ᱱᱟᱯᱟᱭ ᱨᱩᱣᱟᱹᱲ ᱮᱱ ᱛᱟᱭᱚᱢ ᱟᱨ ᱦᱚᱸ ᱟᱺᱜᱤᱵᱷᱟᱨ ᱦᱚᱨ ᱨᱮᱠᱤᱱ ᱞᱟᱦᱟ ᱨᱩᱣᱟᱹᱲ ᱮᱱᱟ ᱾ ᱥᱤᱧᱚᱛ ᱪᱤᱨᱜᱟᱹᱞ ᱨᱮᱭᱟᱜ ᱨᱤᱠᱟᱹᱭ ᱛᱚᱸᱜᱮ ᱫᱚᱦᱚ ᱠᱮᱜᱼᱟ ᱾ ᱫᱚᱥᱟᱨ ᱡᱮᱜᱮᱛ ᱞᱟᱹᱲᱦᱟᱹᱭ ᱛᱷᱩᱠᱟᱹᱢ ᱮᱱ ᱛᱟᱭᱚᱢ ᱵᱤᱞᱟᱹᱛ ᱨᱮ ᱠᱟᱹᱢᱤ ᱠᱟᱱ ᱦᱚᱲᱟᱜ ᱢᱤᱫ ᱡᱩᱢᱤᱫᱽ ᱵᱮᱱᱟᱣ ᱮᱱᱟ ᱾ ᱚᱸᱰᱮ ᱠᱷᱚᱱ ᱢᱤᱫ ᱜᱟᱫᱮᱞ ᱫᱚ ᱥᱤᱧᱚᱛ ᱫᱤᱥᱚᱢ ᱠᱚ ᱞᱟᱦᱟ ᱦᱮᱡ ᱮᱱᱟ ᱾ ᱵᱨᱤᱴᱤᱥ ᱥᱚᱨᱠᱟᱨ ᱥᱤᱧᱚᱛ ᱫᱤᱥᱚᱢ ᱯᱩᱨᱟᱹ ᱯᱷᱩᱨᱜᱟᱹᱞ ᱞᱟᱹᱜᱤᱫ ᱮ ᱥᱟᱯᱲᱟᱣ ᱟᱠᱟᱱ ᱥᱟᱛᱟᱢ ᱫᱚ ᱥᱤᱧᱚᱛ ᱨᱮᱠᱚ ᱥᱚᱫᱚᱨ ᱠᱮᱜᱼᱟ ᱾ ᱢᱩᱪᱟᱹᱫ ᱨᱮ ᱑᱙᱕᱗ ᱥᱟᱞ ᱚᱜᱚᱥᱴ ᱵᱚᱸᱜᱟ ᱑᱕ ᱢᱟᱺᱦᱤᱛ ᱦᱤᱞᱚᱜ ᱥᱤᱧᱚᱛ ᱫᱤᱥᱚᱢ ᱫᱚ ᱤᱸᱜᱴᱨᱟᱹᱡᱽ ᱜᱚᱵᱚᱞ ᱠᱷᱚᱱ ᱨᱟᱲᱟ ᱫᱩᱜ ᱮ ᱧᱟᱢ ᱠᱮᱜᱼᱟ ᱾

ᱜᱟᱱᱫᱷᱤᱡᱤ ᱭᱟᱜ ᱡᱤᱭᱚᱱ ᱨᱮᱭᱟᱜ ᱞᱟᱹᱠᱛᱤᱭᱟᱱᱟᱜ

ᱜᱟᱱᱫᱷᱤ ᱱᱤᱡᱮ ᱢᱤᱫ ᱢᱟᱦᱟᱢᱟᱹᱱ ᱪᱩᱨᱤᱛ ᱮ ᱛᱟᱦᱮᱸ ᱠᱟᱱᱟ ᱾ ᱪᱩᱨᱤᱛ ᱜᱚᱲᱦᱚᱱ ᱪᱮᱛᱟᱱ ᱨᱮ ᱩᱱᱤ ᱵᱟᱹᱲᱛᱤ ᱞᱮᱠᱟᱛᱮ ᱫᱷᱮᱭᱟᱱ ᱮ ᱫᱚᱦᱚ ᱞᱮᱜᱼᱟ ᱾ ᱜᱟᱱᱫᱷᱤᱡᱤᱭ ᱢᱮᱱ ᱛᱟᱦᱮᱸᱱ ᱡᱮ ᱪᱩᱨᱤᱛ ᱜᱚᱴᱷᱚᱱ ᱫᱚ ᱥᱮᱪᱮᱫ ᱨᱮᱭᱟᱜ ᱢᱤᱫ ᱯᱩᱭᱞᱩ ᱡᱚᱥ ᱛᱟᱦᱮᱸᱱ ᱞᱟᱹᱠᱛᱤᱜ ᱠᱟᱱᱟ ᱾ ᱥᱟᱹᱨᱤ ᱥᱮᱪᱮᱫ ᱵᱟᱝ ᱟᱢᱮᱴ ᱞᱮᱠᱷᱟᱱ ᱢᱤᱫ ᱱᱟᱯᱟᱭ ᱟᱨ ᱢᱟᱨᱟᱝ ᱦᱚᱲ ᱵᱮᱱᱟᱣᱜ ᱫᱚ ᱚᱦᱚᱣᱟᱱ ᱜᱮᱭᱟ ᱾ ᱢᱚᱦᱟᱛᱢᱟ ᱜᱟᱱᱫᱷᱤᱭ ᱢᱮᱱᱟ, "ᱪᱩᱨᱤᱛ ᱦᱤᱱ ᱥᱮᱪᱮᱫ ᱫᱚ ᱠᱷᱟᱹᱞᱤ ᱵᱟᱹᱲᱤᱡ ᱠᱟᱹᱢᱤ ᱨᱮᱭᱟᱜ ᱫᱟᱲᱮ ᱜᱮ ᱠᱟᱱᱟ" ᱾ ᱱᱚᱶᱟ ᱫᱚ ᱡᱮᱜᱮᱛ ᱨᱮ ᱢᱮᱱᱟᱜ ᱠᱚ ᱟᱹᱰᱤ ᱞᱮᱠᱟᱱ ᱞᱟᱯᱷᱟᱝ ᱥᱮᱪᱮᱫ ᱦᱚᱲ ᱟᱨ ᱜᱩᱱ ᱢᱟᱹᱱ ᱨᱩᱯ ᱥᱟᱡᱟᱣ ᱛᱮ ᱯᱚᱴᱚᱢ ᱟᱠᱟᱫ ᱵᱟᱹᱲᱤᱡ ᱦᱩᱫᱤᱥ ᱦᱚᱲ ᱠᱚᱣᱟᱜ ᱠᱟᱹᱢᱤᱦᱚᱨᱟ ᱠᱷᱚᱱ ᱵᱟᱰᱟᱭ ᱧᱟᱢᱚᱜᱼᱟ ᱾

ᱵᱟᱝ ᱡᱚᱴᱮᱫ (Untouchable) ᱵᱟᱨᱚᱱ

ᱥᱟᱶᱛᱟ ᱠᱷᱚᱱ ᱵᱟᱝ-ᱡᱚᱴᱮᱫ ᱵᱟᱨᱚᱱ ᱞᱟᱹᱜᱤᱫ ᱛᱮ ᱜᱟᱱᱫᱷᱤᱡᱤ ᱟᱹᱰᱤ ᱡᱩᱨ ᱮ ᱠᱩᱨᱩᱢᱩᱴᱩ ᱞᱮᱜᱼᱟ ᱾ ᱡᱚᱴᱮᱫ ᱵᱟᱝ-ᱡᱚᱴᱮᱫ ᱨᱮᱭᱟᱜ ᱩᱭᱦᱟᱹᱨ ᱢᱚᱱᱮ ᱠᱷᱚᱱ ᱥᱟᱦᱟ ᱜᱤᱰᱤ ᱠᱟᱜ ᱞᱟᱹᱜᱤᱫ ᱢᱚᱦᱟᱛᱢᱟ ᱜᱟᱱᱫᱷᱤ ᱡᱚᱛᱚ ᱦᱚᱲ ᱮ ᱵᱩᱡᱷᱟᱹᱣᱟᱫ ᱠᱚ ᱛᱟᱦᱮᱸᱱ ᱾ ᱦᱚᱨᱤᱡᱚᱱ ᱠᱚ ᱪᱮᱫ ᱞᱮᱠᱟᱛᱮ ᱥᱟᱶᱛᱟᱨᱮ ᱱᱟᱯᱟᱭ ᱴᱷᱟᱶ ᱠᱚ ᱧᱟᱢᱟ, ᱚᱱᱟ ᱞᱟᱹᱜᱤᱫ ᱩᱱᱤ ᱠᱩᱨᱩᱢᱩᱴᱩᱭ ᱪᱷᱩᱴᱟᱹᱣ ᱞᱮᱱᱟ ᱾

ᱚᱠᱛᱚᱡᱟᱹᱱᱤ (punctuality)

ᱢᱚᱦᱟᱛᱢᱟ ᱜᱟᱱᱫᱷᱤ ᱫᱚ ᱚᱠᱛᱚᱡᱟᱹᱱᱤ ᱠᱟᱹᱢᱤ ᱦᱚᱲ ᱮ ᱛᱟᱦᱮᱸ ᱠᱟᱱᱟ ᱾ ᱱᱚᱶᱟ ᱠᱷᱟᱹᱛᱤᱨ ᱩᱱᱤ ᱰᱟᱸᱰᱟᱨᱮ ᱢᱤᱫ ᱜᱷᱚᱱᱴᱟᱭ ᱨᱮᱵᱮᱫ ᱟᱠᱟ ᱠᱟᱜ ᱠᱟᱱ ᱛᱟᱦᱮᱸᱱ ᱾ ᱱᱚᱶᱟ ᱜᱷᱚᱱᱴᱟ ᱩᱱᱤ ᱚᱠᱛᱚ ᱯᱟᱸᱡᱟᱭ ᱞᱟᱹᱜᱤᱫ ᱮ ᱜᱚᱲᱚ ᱟᱭ ᱠᱟᱱ ᱛᱟᱦᱮᱸᱫ ᱾ ᱜᱟᱱᱫᱷᱤᱡᱤ ᱫᱚ ᱟᱹᱰᱤ ᱦᱚᱲ ᱥᱟᱶ ᱧᱟᱯᱟᱢ ᱥᱟᱶ-ᱥᱟᱶ ᱛᱮ ᱞᱮᱠᱟᱱ-ᱞᱮᱠᱟᱱ ᱞᱟᱹᱠᱛᱤᱭᱟᱱ ᱠᱟᱹᱢᱤ ᱛᱚᱨᱟᱣ ᱦᱩᱭ ᱟᱭ ᱠᱟᱱ ᱛᱟᱦᱮᱸᱱ, ᱚᱱᱟ ᱠᱷᱟᱹᱛᱤᱨ ᱡᱟᱦᱟᱸᱱ ᱠᱟᱹᱢᱤ ᱨᱮᱜᱮ ᱱᱟᱥᱮ ᱵᱤᱞᱚᱢ ᱦᱚᱸ ᱢᱚᱴᱷᱮ ᱵᱟᱭ ᱠᱩᱥᱤᱭᱟᱜ ᱠᱟᱱ ᱛᱟᱦᱮᱸᱱ ᱾

ᱵᱟᱨᱦᱮ ᱡᱚᱱᱚᱲ

Gandhi's correspondence with the Indian government 1942–1944

About Mahatma Gandhi
Gandhi Ashram at Sabarmati
Gandhi Smriti — Government of India website Archived ᱒᱐᱐᱗-᱐᱗-᱑᱒ at the Wayback Machine.
Mani Bhavan Gandhi Sangrahalaya Gandhi Museum & Library

ᱥᱟᱹᱠᱷᱭᱟᱹᱛ

This article uses material from the Wikipedia ᱥᱟᱱᱛᱟᱲᱤ article ᱢᱚᱦᱟᱛᱢᱟ ᱜᱟᱱᱫᱷᱤ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ᱥᱟᱱᱛᱟᱲᱤ (DUHOCTRUNGQUOC.VN) is an independent company and has no affiliation with Wiki Foundation.