ସୁବୋଧ ପଟ୍ଟନାୟକ

୧୯୬୪ ମସିହାର ଫେବୃଆରୀ ୧ ତାରିଖରେ ସେ ପୁରୀଠାରେ ଜନ୍ମଗ୍ରହଣ କରିଥିଲେ । ତାଙ୍କ ବାପା ପ୍ରମୋଦ ଚନ୍ଦ୍ର ପଟ୍ଟନାୟକ ଜଣେ ପ୍ରାଣୀ ଚିକିତ୍ସକ ଥିଲେ । ତାଙ୍କ ମାଆଙ୍କ ନାମ ଶଶୀ ପ୍ରଭା ପଟ୍ଟନାୟକ । ସେ ଉତ୍କଳ ସଙ୍ଗୀତ ମହାବିଦ୍ୟାଳୟରୁ ସ୍ନାତକ ହାସଲ କରିଥିଲେ । ପଥପ୍ରାନ୍ତ ନାଟକ ବିଷୟରେ ସେ ଅଧିକ ଶିଖିବାକୁ ୧୯୮୬ ମସିହାରେ ଦିଲ୍ଲୀ ଯାଇଥିଲା ଏବଂ ସେଠାରୁ ଫେରିବା ପରେ ୧୦ ନଭେମ୍ବର ୧୯୮୬ରେ ଥିଏଟର ଗ୍ରୁପ୍ ନାଟ୍ୟ ଚେତନାର ପ୍ରତିଷ୍ଠା କରିଥିଲେ । ତାଙ୍କର ଅଧିକାଂଶ ନାଟକ ସାମାଜିକ ସଚେତନତା ଉପରେ ଆଧାରିତ ।

ତାଙ୍କ ଥିଏଟର ଗ୍ରୁପ ନାଟ୍ୟ ଚେତନାରେ ୧୮ ଜଣ ପୁରୁଷ କଳାକାର ଏବଂ ୭ ଜଣ ନାରୀ କଳାକାରକୁ ନେଇ ଗଠିତ । ସେ ନାଟ୍ୟ ଗ୍ରାମ ନାମକ ଏକ ଥିଏଟର ଗ୍ରାମ ପ୍ରତିଷ୍ଠା କରିଛନ୍ତି । ତାଙ୍କ ନାଟକ ସିନ୍ଧି ୯ ଜୁନ ୨୦୧୬ରେ ନେପାଳର ଅଛମସ୍ଥିତ କଳିକାସ୍ଥାନଠାରେ ପ୍ରଦର୍ଶିତ ହୋଇଥିଲେ । ରାମାୟଣରୁ ଅନୁପ୍ରାଣିତ ନାଟକ ରାମଲୀଳା ଭୁବନେଶ୍ୱରସ୍ଥିତ ଭଞ୍ଜ କଳା ମଣ୍ଡପଠାରେ ତାଙ୍କ ଥିଏଟର ଗ୍ରୁପ‌ଦ୍ୱାରା ପ୍ରଦର୍ଶିତ କରାଯାଇଥିଲା ।

ଆନ୍ତର୍ଜାତୀୟ

ସେ ବେଲଜିଅମ‌ଠାରେ ଅନୁଷ୍ଠିତ ଷ୍ଟ୍ରିଟ୍ ଥିଏଟର୍ ଫେଷ୍ଟିଭାଲରେ ଅଂଶଗ୍ରହଣ କରିଥିଲେ । ୧୯୯୫ ମସିହାରୁ ସେ ଫ୍ରାନ୍ସର ପ୍ୟାରିସରେ ଆୟୋଜିତ ଅଷ୍ଟମ ବିଶ୍ୱ ଥିଏଟର କଂଗ୍ରେସରେ ଯୋଗ ଦେଇ ଆସୁଛନ୍ତି ।

• ପଶ୍ଚିମବଙ୍ଗର ଗୋବର୍ଦଙ୍ଗା ରୂପାନ୍ତର ନାମକ ଥିଏଟର ଗ୍ରୁପ‌ଦ୍ୱାରା ତାଙ୍କୁ ଋଷିକେଶ ଚାଟୋପାଧ୍ୟା ସ୍ମୃତି ସାମନ୍ନ ପ୍ରଦାନ କରାଯାଇଥିଲା ।