ରବି କାନୁନଗୋ
ରବି କାନୁନଗୋ (ଜନ୍ମ : ୨୦.୪.୧୯୪୬) ଜଣେ ସ୍ତମ୍ଭ ଲେଖକ, ପ୍ରାବନ୍ଧିକ ଏବଂ କଥାକାର । ଦୈନିକ ଖବର କାଗଜ ସୂର୍ଯ୍ୟପ୍ରଭାର ସମ୍ପାଦକ ଅଟନ୍ତି । ସାହିତ୍ୟ, ସାମ୍ବାଦିକତା, ରାଜନୀତି, ଆଇନ ଓ ଟ୍ରେଡ଼ ୟୁନିୟନ ଅନୁଷ୍ଠାନ ସହିତ ଅଙ୍ଗାଙ୍ଗୀଭାବେ ଜଡ଼ିତ ଅଛନ୍ତି ।
ରବି କାନୁନଗୋ | |
|---|---|
| ଜନ୍ମ ଓ ଜନ୍ମସ୍ଥାନ | ୨୦ ଅପ୍ରେଲ ୧୯୪୬ ଚଁପୁର, କେନ୍ଦ୍ରାପଡ଼ା ଜିଲ୍ଲା |
| ବୃତ୍ତି | ସ୍ତମ୍ଭ ଲେଖକ, ପ୍ରାବନ୍ଧିକ ଏବଂ କଥାକାର |
| ଭାଷା | ଓଡ଼ିଆ |
| ଜାତୀୟତା | ଭାରତୀୟ |
| ନାଗରିକତା | ଭାରତୀୟ |
| ଶିକ୍ଷା | ବିଏ ଏଲଏଲବି |
| ଶିକ୍ଷାନୁଷ୍ଠାନ | ରାଉରକେଲା ଆଇନ ମହାବିଦ୍ୟାଳୟ |
| ଶୈଳୀ | ସାହିତ୍ୟ |
| ପୁରସ୍କାର | ଡ ରାଧାନାଥ ରଥ ବିଶିଷ୍ଟ ସାମ୍ବାଦିକ ସମ୍ମାନ - ୨୦୧୧ (ଉତ୍କଳ ସାହିତ୍ୟ ସମାଜ ଦ୍ୱାରା) |
| ଜୀବନସାଥୀ | ମଞ୍ଜୁମିତା କାନୁନଗୋ |
| ସନ୍ତାନ | ସ୍ନାତଶାନ୍ତା ସାମନ୍ତରାୟ (କନ୍ୟା) ସଙ୍ଘମିତ୍ରା ମହାନ୍ତି (କନ୍ୟା) ଓ ସନ୍ତଦୀପ୍ତି କାନୁନଗୋ (ପୁତ୍ର) |
| ସମ୍ପର୍କୀୟ | ହରିହର କାନୁନଗୋ (ସାନ ଭାଇ) |
ଶିକ୍ଷା ଓ ପେଷା
ମହାରାଜ କୃଷ୍ଣଚନ୍ଦ୍ର ଉଚ୍ଚବିଦ୍ୟାଳୟ, ବାରିପଦା ଓ ଜୟରାମ ଉଚ୍ଚବିଦ୍ୟାଳୟ କରୋଳୋ ପାଟଣା, କେନ୍ଦ୍ରାପଡ଼ାରୁ ଏକାଦଶ, କେନ୍ଦ୍ରାପଡ଼ା ସ୍ୱୟଂଶାସିତ ମହାବିଦ୍ୟାଳୟ (ପ୍ରଥମ ବ୍ୟାଚ ଛାତ୍ର), ନାଇଟ କଲେଜ ରାଉରକେଲାରୁ କଳାରେ ସ୍ନାତକ, ରାଉରକେଲା ଆଇନ ମହାବିଦ୍ୟାଳୟରୁ ବିଏ ଏଲଏଲବି ଡିଗ୍ରୀ ହାସଲ କରିଥିଲେ । ରବି କାନୁନଗୋ ଭାରତୀୟ ଇସ୍ପାତ ପ୍ରାଧିକରଣ (ସେଲ) ରାଉରକେଲା ଇସ୍ପାତ କାରଖାନାର ଜଣେ କର୍ମଚାରୀ ଥିଲେ । ଅବସର ନେବାପରେ ଭୁବନେଶ୍ୱରରେ ସ୍ଥାନାନ୍ତର ହୋଇଥିଲେ । ୨୦୦୯ ମସିହା ଜାନୁଆରୀରୁ ସୂର୍ଯ୍ୟପ୍ରଭା ଦୈନିକ ଖବର କାଗଜରେ ସମ୍ପାଦକ ଅଛନ୍ତି ।
ଅବଦାନ
ପ୍ରାୟ ପଚାଶ ବର୍ଷ ଧରି ତାଙ୍କ ସୃଷ୍ଟିର ପାଖାପାଖି ୫0୦୦୦ରୁ ଅଧିକ ସ୍ତମ୍ଭ, କାହାଣୀ, କବିତା ପ୍ରକାଶିତ ହୋଇଛି । ୧୯୭୨ ମସିହାରେ ଦୈନିକ ଖବର କାଗଜ ପ୍ରଜାତନ୍ତ୍ରର ବାଟେଘାଟେ ସ୍ତମ୍ଭରେ 'ଲଘୁପାକ' ପ୍ରସଙ୍ଗରୁ ଲେଖିବା ଆରମ୍ଭ କରିଥିଲେ । 'ସମ୍ବାଦ'ରେ 'କଥା କିଂଚିତ୍' (୧୯୮୪-୯୩), ତାଙ୍କର ଅକ୍ଷର ଅନାବାଦୀ (ପ୍ରଜାତନ୍ତ୍ର ସାପ୍ତାହିକ ସ୍ତମ୍ଭ ୧୯୯୩ରୁ ୨୦୦୫ମସିହା ପର୍ଯ୍ୟନ୍ତ), ଦୈନିକ ସମାଜ ଓ ସମ୍ବାଦ ଖବର କାଗଜରେ ମନେଥାଉ ସେମିତି ସେମିତି ଆଦି ଅନେକ ସ୍ଥମ୍ଭ ୨୦୦୦ରୁ ୨୦୦୫ ମସିହା ମଧ୍ୟରେ ପ୍ରକାଶ ପାଇଥିଲା । ତା' ଛଡ଼ା ସାଂପ୍ରତିକ ଘଟଣାବଳୀ ତାଙ୍କ ଲେଖନୀରେ ସାହିତ୍ୟର ସ୍ପନ୍ଦନ, ହାସ୍ୟରସର ବେଢ଼ଣ ଏବଂ ମାନବବାଦର ସ୍ପର୍ଶ ଦେଖିବାକୁ ମିଳେ । ଗମ୍ଭିର ତଥା ହାସ୍ୟ କବିତା ଲିଖନରେ ତାଙ୍କର ସ୍ପଷ୍ଟ ଓ ଅନନ୍ୟ ପରିଚୟ ରହିଛି l ରାଜନୀତି, ଶ୍ରମ ସଂଗଠନ, ଆଇନଜ୍ଞ ଏବଂ ବହୁ ଭ୍ରମଣ ଅଭିଜ୍ଞତା ଯୋଗୁ ତାଙ୍କ ନିରୀକ୍ଷଣର ଶୈଳୀ ଏକଦମ ନିଆରା । ସେ ଜଣେ ଗଳ୍ପ ଲେଖକ ମଧ୍ୟ । ୧୯୬୭ ମସିକରେ ପ୍ରକାଶିତ "ଅଇଁଠା ଓ ଅନାବାଦୀ" ତାଙ୍କର ପ୍ରଥମ କ୍ଷୁଦ୍ର ଗଳ୍ପ ରଚନା ଅଟେ ।
ପ୍ରକାଶିତ ପୁସ୍ତକ
- କଥା କିଞ୍ଚିତ (ଇଷ୍ଟର୍ଣ୍ଣ ମିଡିଆ ଲି ୧୯୮୯)
- କାଗଜ ବାଘ (ଫ୍ରେଣ୍ଡସ ପବ୍ଲିସର୍ସ ୧୯୯୪)
- କେଶବତୀ କନ୍ୟା (ଲାର୍କ ବୁକ୍ସ ୧୯୯୭)
ଗଳ୍ପ
- ଆଇନା ଭାରତ ଓ ଭାରତୀ (୧୯୯୮)
- ପୁଅ ଓ କୋଡ଼ିଏଟି ଗପ (ଆରୋହୀ ୨୦୦୪)
- ଆଶା ତମସା (ଆଦ୍ୟ ପ୍ରକାଶନୀ ୨୦୦୮)
- ସବୁ ନାରୀ ଟିକେ ଟିକେ ସୀତା ('ସୂର୍ଯ୍ୟ ପ୍ରଭା', ୨୦୧୩)
- ଏକ ରାଜ୍ୟପାଳଙ୍କ ଅନୁଭୁତି - ସୁରେନ୍ଦ୍ର ନାଥ ଦ୍ୱିବେଦୀଙ୍କ ମୂଳଲେଖାର ଅନୁଦିତ ପୁସ୍ତକ (ଗ୍ରନ୍ଥମନ୍ଦିର ୧୯୯୭)
- ମନେ ଥାଉ ସେମିତି ସେମିତି - ('ସୂର୍ଯ୍ୟ ପ୍ରଭା'. ୨୦୧୪)
ପୁରସ୍କାର ଓ ସମ୍ମାନ
- ସ୍ୱସ୍ତି ସାହିତ୍ୟ ସମ୍ମାନ (୧୯୯୩) (ସ୍ୱସ୍ତି ଅନୁଷ୍ଠାନ ଦ୍ୱାରା)
- ସୁରେନ୍ଦ୍ର ମହାନ୍ତି କଥା ସାହିତ୍ୟ ସମ୍ମାନ ୧୯୯୪ (ନୀଳଶୈଳ ଅନୁଷ୍ଠାନଦ୍ୱାରା)
- ଉତ୍କଳ ସମ୍ବାଦ ସାହିତ୍ୟ ସମ୍ମାନ - ୧୯୯୬ (ଉତ୍କଳ ମେଲଦ୍ୱାରା)
- ପ୍ରଜାତନ୍ତ୍ର ବିଷୁବ ସମ୍ମାନ - ୧୯୯୬(ପ୍ରଜାତନ୍ତ୍ର ପ୍ରଚାର ସମିତି ଦ୍ୱାରା)
- ଆୱାର୍ଡ ଫର ରାଇଟିଂ ଆଉଟଷ୍ଟାଣ୍ଡିଂ ଓଡ଼ିଆ କ୍ରିଏଟିଭ ରାଇଟିଂ - ୧୯୯୮ (ଲାୟନ୍ସ କ୍ଲବଦ୍ୱାରା)
- ବୀର ସୁରେନ୍ଦ୍ର ସାଏ ସାହିତ୍ୟ ସମ୍ମାନ - ୨୦୦୧ (ପଶ୍ଚିମ ଓଡ଼ିଶା ଏକାଡେମୀଦ୍ୱାରା)
- ବିଶିଷ୍ଟ ସେବା ସମ୍ମାନ (ଆଦିବାସୀ କଲ୍ୟାଣ ମନ୍ତ୍ରଣାଳୟ, ଭାରତ ସରକାରଙ୍କଦ୍ୱାରା ୨୦୦୩)
- ସାରସ୍ୱତ ସମ୍ମାନ ୨୦୦୪ (ଜଗତସିଂହପୁର ସାହିତ୍ୟ ସଂସଦ)
- ସଂକଳ୍ପ ସାହିତ୍ୟ ସମ୍ମାନ - ୨୦୦୪ (ସଂକଳ୍ପ ଅନୁଷ୍ଠାନ ଦ୍ୱାରା)
- ଆଦିକବି ସାରଳା ପୁରସ୍କାର - ୨୦୦୬(ସାରଳା ସାଂସ୍କୃତିକ ପରିଷଦ ରାଉରକେଲା ଦ୍ୱାରା)
- ନାରଦ ସମ୍ମାନ (୨୦୦୯ ବିଶ୍ୱ ସମ୍ବାଦ କେନ୍ଦ୍ର ରାଉରକେଲା ଦ୍ୱାରା)
- ପ୍ରତିବିମ୍ବ ପ୍ରିୟ ମନିଷ - ୨୦୧୦ ( ସମ୍ବର୍ଦ୍ଧନା ଉତ୍ସବ, ବାଲେଶ୍ୱର)
- ଡ. ରାଧାନାଥ ରଥ ବିଶିଷ୍ଟ ସାମ୍ବାଦିକ ସମ୍ମାନ - ୨୦୧୧ (ଉତ୍କଳ ସାହିତ୍ୟ ସମାଜ ଦ୍ୱାରା)
ଆଧାର
This article uses material from the Wikipedia ଓଡ଼ିଆ article ରବି କାନୁନଗୋ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). ଦର୍ଶାଯାଇନଥିଲେ ସମସ୍ତ ବିଷୟବସ୍ତୁ CC BY-SA 4.0 ରେ ଉପଲବ୍ଧ । Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ଓଡ଼ିଆ (DUHOCTRUNGQUOC.VN) is an independent company and has no affiliation with Wiki Foundation.