ଦୀପକ କୁମାର: ଓଡ଼ିଆ ସଙ୍ଗୀତ ନିର୍ଦ୍ଦେଶକ

ଦୀପକ କୁମାର ୧୯୫୭ ଡିସେମ୍ବର ୮ତାରିଖରେ କଟକରେ ଜନ୍ମଗ୍ରହଣ କରିଥିଲେ ।

ସଙ୍ଗୀତ ନିର୍ଦ୍ଦେଶନା

ଦୀପକ କୁମାର ୧୯୭୯ ମସିହାରେ ଗ୍ରାମଫୋନରେ ରେକର୍ଡ଼ ହୋଇଥିବା ଏକ ଆଲବମରେ ସଙ୍ଗୀତ ନିର୍ଦ୍ଦେଶକ ଭାବେ ଓଡ଼ିଆ ସଙ୍ଗୀତ ଜଗତରେ ନିଜର ବୃତ୍ତିଗତ ଜୀବନ ଆରମ୍ଭ କରିଥିଲେ । ଏଥିର ଥିବା ଗୀତଗୁଡ଼ିକ ମଧ୍ୟରେ ସିକନ୍ଦର ଆଲାମଙ୍କ କଣ୍ଠରେ "କେଡ଼େ ସୁନ୍ଦର ଦିଶେ କାଳିଆ ହାତୀ", ତୃପ୍ତି ଦାସଙ୍କ କଣ୍ଠରେ "ସେ ତ ଶବରୀ ଅଇଁଠା ଖିଆ" ଏବଂ ପ୍ରଣବ ପଟ୍ଟନାୟକଙ୍କ କଣ୍ଠରେ "ଆହେ ଚକାଡୋଳା ଡାକି ଡାକି ମୋର ଦିନ କାଳ ଗଲା" ଆଦି ପ୍ରସିଦ୍ଧ । ଦୀପକ କୁମାର ୧୯୯୮ ମସିହାରେ "ଧର୍ମ ନିକିତି" ଚଳଚ୍ଚିତ୍ର ମାଧ୍ୟମରେ ଓଡ଼ିଆ କଥାଚିତ୍ର ଜଗତରେ ପ୍ରବେଶ କରିଥିଲେ । ଏହାପରେ ସେ ବିଧାତା, ମହାସଂଗ୍ରାମ, ତୋ ଆଖି ମୋ ଆଇନା, କ୍ରିମିନାଲ୍, ହିରୋ, ଧର୍ମ, ଗୁଣ୍ଡା, ରିଭେଞ୍ଜ, ଯୋଗୀ ଆଦି ଚଳଚ୍ଚିତ୍ରରେ ସ୍ୱର ସଂଯୋଜନା କରିଥିଲେ । ତାଙ୍କ ସଙ୍ଗୀତ ନିର୍ଦ୍ଦଶନାରେ "ନାଲି ଫରକ୍ ବାଲି ତୋର ଦେଖି ଷ୍ଟାଇଲ" , "ସୁନେଲି ସୁନେଲି ଖରା ତୋ ମୁହଁ ସାରା", "ତୋର ନହକା ନହକା ଚାଲି", "ମୁଁ ତୋ ହିରୋ ଗୋରୀ ତୁ ହେରୋଇନ୍", "ସଙ୍କଟ ମୋଚନ କେଶରୀ ନନ୍ଦନ ବିକଳେ କରୁଛି ତୁମକୁ ମିନତି", "ଗୁନ୍ ଗୁନ୍ ଗାଏ ଭଅଁରଟା", "ରାଗିଚ କି କଥା କହୁନ", "ଆଜି ଆମ ସାଙ୍ଗ ବାହାଘର" ଏବଂ "ଲାଲ୍ ଗୁଲାବୀ ଲାଲ୍ ଗୁଲାବୀ ମସ୍ତ ଦିଶୁଛୁ" ଆଦି ଜଣାଶୁଣା ।

• ଧର୍ମ ନିକିତି (୧୯୯୮)
• ବିଧାତା (୨୦୦୩)
• ମହାସଂଗ୍ରାମ (୨୦୦୦)
• ତୋ ଆଖି ମୋ ଆଇନା (୧୯୯୯)
• ହିରୋ (୨୦୧୧)
• କ୍ରିମିନାଲ୍ (୨୦୧୧)
• ଧର୍ମ (୨୦୧୩)
• ଯୋଗୀ (୨୦୧୮)
• ରିଭେଞ୍ଜ (୨୦୧୬)