କାର୍ତ୍ତିକ ଚନ୍ଦ୍ର ରଥ: ଓଡ଼ିଆ ନାଟ୍ୟକାର
କାର୍ତ୍ତିକ ଚନ୍ଦ୍ର ରଥ (୨୧ ମାର୍ଚ୍ଚ ୧୯୪୯ - ୧ ଅପ୍ରେଲ ୨୦୧୯) ଜଣେ ଓଡ଼ିଆ ନାଟ୍ୟକାର । ସେ ୧୦୦ରୁ ଉର୍ଦ୍ଧ ନାଟକ ରଚନା କରିସାରିଛନ୍ତି ଓ ୧୯୯୩ ମସିହାରୁ କଟକରେ ବିଶ୍ୱ ନାଟ୍ୟ ମେଳା (ଇଣ୍ଡିଆ ଥିଏଟର ଅଲମ୍ପିଆଡ଼)ର ଆୟୋଜନ କରିଆସୁଛନ୍ତି ।
କାର୍ତ୍ତିକ ଚନ୍ଦ୍ର ରଥ | |
|---|---|
| ଜନ୍ମ ଓ ଜନ୍ମସ୍ଥାନ | ୨୧ ମାର୍ଚ୍ଚ ୧୯୪୯ ବ୍ରହ୍ମପୁର |
| ମୃତ୍ୟୁ | ୧ ଅପ୍ରେଲ ୨୦୧୯ (ବୟସ ୭୦) |
| ବୃତ୍ତି | ପ୍ରାଧ୍ୟାପକ (ଅର୍ଥନୀତି ବିଭାଗ) |
| ଭାଷା | ଓଡ଼ିଆ |
| ଜାତୀୟତା | ଭାରତୀୟ |
| ନାଗରିକତା | ଭାରତୀୟ |
| ଶିକ୍ଷାନୁଷ୍ଠାନ | ରେଭେନ୍ସା ମହାବିଦ୍ୟାଳୟ |
| ବିଷୟ | ନାଟକ, ଏକାଙ୍କିକା, ନୃତ୍ୟନାଟିକା |
| ସାହିତ୍ୟ କୃତି | ନିଃସଙ୍ଗ ବିସର୍ଗ |
| ପୁରସ୍କାର | କେନ୍ଦ୍ର ସଙ୍ଗୀତ ନାଟକ ଏକାଡେମୀ ପୁରସ୍କାର |
ଜୀବନୀ
କାର୍ତ୍ତିକ ଚନ୍ଦ୍ର, ୧୯୪୯ ମସିହା ମାର୍ଚ୍ଚ ୨୧ ତାରିଖରେ ବ୍ରହ୍ମପୁରଠାରେ ଜନ୍ମଗ୍ରହଣ କରିଥିଲେ । ରେଭେନ୍ସା କଲିଜିଏଟ ସ୍କୁଲରେ ପଢୁଥିବା ବେଳେ, ସେ ନିଜର ପ୍ରଥମ ନାଟକ "ଏଇ ଦେଶ ଏଇ ମାଟି" ଲେଖିଥିଲେ । ନାଟକଟି ସ୍କୁଲ ଛାତ୍ରଛାତ୍ରୀଙ୍କଦ୍ୱାରା ମଞ୍ଚସ୍ଥ ହୋଇଥିଲା ଓ ରାଜ୍ୟସ୍ତରୀୟ ଶିଶୁ ନାଟକ ସମାରୋହରେ ପ୍ରଥମ ପୁରସ୍କାର ଲାଭ କରିଥିଲା । ସେହିପରେ ରେଭେନ୍ସା ମହାବିଦ୍ୟାଳୟରେ ସ୍ନାତକୋତ୍ତର ପଢୁଥିବା ବେଳେ, ସେ ଲେଖିଥିଲେ ନାଟକ "ଜୀବନ ଯଜ୍ଞ" । ନାଟକଟି ସର୍ବଭାରତୀୟ ସ୍ତରରେ ପୁରସ୍କୃତ ହୋଇଥିଲା । ୧୯୮୯ରେ କଟକ ସହରର ହଜାର ବର୍ଷ ପୂର୍ତ୍ତୀ ଅବସରରେ ସେ ଲେଖିଥିଲେ ନାଟକ "କଟକ ନଗର ବରଷ ହଜାର" । ନାଟକରେ ୩୦୦ ଚରିତ୍ର ଥିଲେ ଓ ବାରବାଟି ଷ୍ଟାଡିଅମରେ ୫ଟି ମୁକ୍ତାକାଶ ରଙ୍ଗମଞ୍ଚରେ ନାଟକ ପ୍ରଦର୍ଶିତ ହୋଇଥିଲା । ସେତିକିବେଳେ ବିଶ୍ୱ ନାଟ୍ୟ ମେଳାର ପରିକଳ୍ପନା ତାଙ୍କ ମନକୁ ଆସିଥିଲା । ୨୦୧୯ ମସିହା ଅପ୍ରେଲ ୧ ତାରିଖ ଦିନ କଟକଠାରେ ହୃଦ୍ଘାତ କାରଣରୁ ତାଙ୍କର ମୃତ୍ୟୁ ହେଇଥିଲା ।
ରଚନାବଳୀ
ନାଟକ
- ଏଇ ଦେଶ ଏଇ ମାଟି
- ଅସ୍ତସୂର୍ଯ୍ୟ ଶ୍ମଶାନ
- ଆଗାମୀ ଅତୀତ
- ଇଶ୍ୱର ଜଣେ ଯୁବକ
- କଟକ ନଗର, ବରଷ ହଜାର
- କଳା ଓ କଳଙ୍କ
- କ୍ରୀତଦାସ
- ବହ୍ନିମାନ
- ଯାତ୍ରୀ
- ସବୁଜ ସୂର୍ଯ୍ୟ
- ରକ୍ତର ଫୁଲ
- ମାଂସର ଫୁଲ
- ଯଉଘର
- ନିଃସଙ୍ଗ ବିସର୍ଗ
- ପାଦ ତଳର ଆକାଶ
- ସର୍ବନାମ
- ସୀମିତ ସମ୍ପର୍କ
- ଜଙ୍ଗଲୀ ସହର
- ସହିଦ ଭଗତ ସିଂହ
- ଜୀବନ ଯଜ୍ଞ
- ସ୍ମୃତି, ସାନ୍ତ୍ୱନା ଓ ଶୂନ୍ୟତା
- ଚଇତି ଘୋଡ଼ା
- ତୃତୀୟ ପୃଥିବୀ
ସମ୍ମାନ ଓ ପୁରସ୍କାର
- କେନ୍ଦ୍ର ସଙ୍ଗୀତ ନାଟକ ଏକାଡେମୀ ପୁରସ୍କାର
- ଓଡ଼ିଶା ସଙ୍ଗୀତ ନାଟକ ଏକାଡେମୀ ପୁରସ୍କାର - ୧୯୯୪-୯୫
- ଓଡ଼ିଶା ସାହିତ୍ୟ ଏକାଡେମୀ ପୁରସ୍କାର, ୧୯୮୫
- ରାମଚନ୍ଦ୍ର ମିଶ୍ର ନାଟକ ସମ୍ମାନ, ୧୯୯୬ (ଉତ୍କଳ ସାହିତ୍ୟ ସମାଜ ପ୍ରଦତ୍ତ)
- ଗଞ୍ଜାମ କଳା ପରିଷଦ
- ବିହାର ଆର୍ଟ ଥିଏଟର
- ଆହ୍ଲାବାଦ ନାଟ୍ୟ ସଂଘ
ଆଧାର
This article uses material from the Wikipedia ଓଡ଼ିଆ article କାର୍ତ୍ତିକ ଚନ୍ଦ୍ର ରଥ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). ଦର୍ଶାଯାଇନଥିଲେ ସମସ୍ତ ବିଷୟବସ୍ତୁ CC BY-SA 4.0 ରେ ଉପଲବ୍ଧ । Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ଓଡ଼ିଆ (DUHOCTRUNGQUOC.VN) is an independent company and has no affiliation with Wiki Foundation.