ଅନ୍ନଦା ପ୍ରସାଦ ରାୟ: ଓଡ଼ିଆ ସାହିତ୍ୟିକ

୧୯୩୭ ମସିହା ଜାନୁଆରୀ ୧୪ ତାରିଖ ମକର ସଂକ୍ରାନ୍ତି ତିଥିରେ ଯାଜପୁର ଜିଲ୍ଲା ମଙ୍ଗଳପୁର ଅଞ୍ଚଳରେ ଜନ୍ମ ହୋଇଥିଲେ । ସେ ୧୩ ବର୍ଷ ବୟସରେ ସ୍କୁଲରେ ପାଠ ପଢୁଥିବା ସମୟରେ ଛାତ୍ର ସଂଗଠନ ଗଠନ କରି ରାଜନୀତିରେ ପାଦ ଥାପି ଥିଲେ । ପରେ ସେ କଟକରେ ରହି ନିଜର ପ୍ରତିଭାର ପରିପୃଷ୍ଟ କରିପାରିଥିଲେ ।

ଜଣେ ରାଜନେତା ଭାବେ ଅନ୍ନଦା ପ୍ରସାଦ, ଅବିଭକ୍ତ କଟକ ଜିଲ୍ଲାର କଂଗ୍ରେସ କମିଟି ଓ ଓଡ଼ିଶା ପ୍ରଦେଶ କଂଗ୍ରେସ କମିଟିର ସାଧାରଣ ସମ୍ପାଦକ ପଦରେ ରହିଥିଲେ ।

ଜଣେ ସାମ୍ବାଦିକର ଦାୟିତ୍ୱ ତୁଲାଇବା ସହ ଅଗ୍ନିବୀଣା, ଦୈନିକ ମାତୃଭାଷା/ ମାତୃଭୂମି, ଦୈନିକ ପୃଷ୍ଠଭୂମି, ଅଗ୍ନିବର୍ଷୀ ଆଦି ଗଣମାଧ୍ୟମରେ ସମ୍ପାଦକ ରହି ସମାଜରେ ଅନେକ ପରିବର୍ତ୍ତନ କଥା ନିଜ ପୃଷ୍ଠାରେ ସ୍ଥାନ ଦେଉଥିଲେ ।

ସେ ବହୁ ପୁସ୍ତକ ରଚନା କରିଥିଲେ

ଗଳ୍ପ ସଂକଳନ

ଏ ଐ ଐରାବତ, ରୁଦ୍ର ସମୁଦ୍ର, ଉପନ୍ୟାନ ବିନ୍ଦୁ, ଧାମ, ମାଟିର ଲୁହ, ପଥାନ୍ତର, ବଳୟ, ଆତ୍ମଜୀବନୀ ମୁଠାଏ ଜୀବନ ଆଞ୍ଜୁଳାଏ ସ୍ମୃତି, ଅଜଣା ଗଛର ମାୟା, ପୌଷର ପ୍ରାର୍ଥନା, ରାଏର ଚିଠି, ସୁନୟନା

ପ୍ରବନ୍ଧ ସଂକଳନ

କଣ୍ଟା ଓ ଫୁଲର ସହର କଟକ, ଗଦ୍ୟପ୍ରସ୍ଥ, ପ୍ରବନ୍ଧାୟନ, ସ୍ମୃତିରେ ସ୍ମୃତିରେ ଚର୍ଚ୍ଚା, ପୁନଶ୍ଚ ଚର୍ଚ୍ଚା, ପୂଣ୍ୟଶ୍ଲୋକ, ଶିରିଡ଼ି ସାଇବାବା, ଯା’ ଦେବୀ, ଶିରିଡ଼ି ସାଇ ସତଚରିତ, ଇଂଗ୍ରାଜୀ ଭାଷାରେ ଏ ହ୍ୟାଣ୍ଡ ଫୁଲ ଅଫ ଲାଇଫ, ହିନ୍ଦୀ ଭାଷାରେ ମିଟିକେ ଆଂଶୁ, କଂଗ୍ରେସ ଇତିହାସ, ସାଇସ୍ମୃତି ମଞ୍ଜରୀ, ମୋ’ଜୀବନରେ ସାଇ, ଶ୍ରୀଗୁରୁ ଭାଗବତ, ଶ୍ରଦ୍ଧା, ସହିଷ୍ଣୁତା ଓ ସେବା, ଅମୃତ ହସ୍ତା

କବିତା ସଙ୍କଳନ

ପାଫୁର ସ୍ୱାକ୍ଷର

ଆତ୍ମଜୀବନୀ

ମୁଠାଏ ସପନ ଆଞ୍ଜୁଳେ ସ୍ମୃତି

ଓଡ଼ିଆ ସାହିତ୍ୟ ପ୍ରତି ଉଲ୍ଲେଖନୀୟ ଅବଦାନ ପାଇଁ ତାଙ୍କୁ ମିଳିଛି ଅନେକ ସମ୍ମାନ ।

ଉତ୍କଳ ମାଧ୍ୟମିକ ଛାତ୍ର ସଂଘ ସଭାପତି, ଯାଜପୁର ନରସିଂହ ଚୌଧୁରୀ କଲେଜ ଛାତ୍ର ସଂସଦ ସଭାପତି ଥିଲେ । ପୁରୀ ଜିଲ୍ଲାର ଏସସିଏସ କଲେଜ ସାଧାରଣ ସମ୍ପାଦକ, ଅର୍ଥନୀତି ଓ ପ୍ଲାନିଂ ଫୋରମ ସାମନ୍ତ ଚନ୍ଦ୍ରଶେଖର ସ୍ୱୟଂଶାସିତ ମହାବିଦ୍ୟାଳୟର ସମ୍ପାଦକ ଥିଲେ । ସେହିପରି ପଶ୍ଚିମବଙ୍ଗ ବିଶ୍ୱଭାରତୀ ବିଶ୍ୱବିଦ୍ୟାଳୟ ଶାନ୍ତିନିକେତନ ସାଧାରଣ ସମ୍ପାଦକ, ଓଡ଼ିଆ ସାହିତ୍ୟ ପରିଷଦ ସମ୍ପାଦକ, ରାବିବାସରୀୟ ସାହିତ୍ୟ ସଂସଦ ଓ ଉତ୍କଳ ଯୁବ ଲେଖକ ସମ୍ମିଳନୀର ପ୍ରତିଷ୍ଠାତା ଥିଲେ । ରାଜ୍ୟ ଖଦି ଓ ଗ୍ରାମୋଦ୍ୟୋଗ ବୋର୍ଡ଼ ସଭାପତି, ଓଡ଼ିଶା ଅର୍ଥ କମିଶନ ପ୍ରଥମ ସଦସ୍ୟ, କୃଷି ଓ ବୈଷୟିକ ବିଶ୍ୱବିଦ୍ୟାଳୟ ସିଣ୍ଡିକେଟ ସଦସ୍ୟ ଭାବେ ରହିଥିଲେ । କେବଳ କଟକ କି ଓଡ଼ିଶାରେ ନୁହେଁ ଜାତୀୟ ଆନ୍ତର୍ଜାତୀୟସ୍ତର ବିଭିନ୍ନ ସଂଗଠନରେ ମଧ୍ୟ ଦାୟିତ୍ୱ ତୁଲାଇଥିଲେ । ଭାରତ ସେବକ ସମାଜ ସଭାପତି ସହ ଭାରତ-କୋରିଆ ମୈତ୍ରୀ ସଂଘ, ଭାରତ ଚୀନ ମୈତ୍ରୀ ସଂଘ, ସଭାପତି ଇସ୍କଫ, ରାଜ୍ୟ ପରିଷଦ ସଦସ୍ୟ ତଥା ଉତ୍କଳ ସମ୍ମିଳନୀ ଶତବାର୍ଷିକ କମିଟି ସଭାପତି, ଉତ୍କଳ ସାହିତ୍ୟ ସମାଜ, ଓଡ଼ିଶା ପ୍ରତିଭା ପୂଜା ସଂସଦ ଓ ଜାଡ଼ି ମଙ୍ଗଳା ସାହିତ୍ୟ ସଂସଦର ସଭାପତି, ରାଜ୍ୟ ଇଂରାଜୀ ଲେଖକ ସମ୍ମିଳନୀ ସଭାପତି ଭାବେ ଦାୟିତ୍ୱ ବହନ କରିଥିଲେ ।

୨୦୧୬ ମସିହା ଜୁନ ୧୪ତାରିଖରେ ତାଙ୍କର କଟକସ୍ଥିତ ବାସଭବନଠାରେ ହୃଦ୍‌ଘାତ ଜନିତ ମୃତ୍ୟୁ ହୋଇଥିଲା । ମୃତ୍ୟୁ ବେଳକୁ ତାଙ୍କୁ ୭୯ ବର୍ଷ ବୟସ ହୋଇଥିଲା ।