ଲଲାଟେନ୍ଦୁ ମହାପାତ୍ର: ଓଡ଼ିଆ ରାଜନୀତିଜ୍ଞ

୨୦୧୬ ମସିହା ନଭେମ୍ବର ୬ ତାରିଖରେ ଗୁରୁଗାଓଁଠାରେ ଲିଭର ସିରୋସିସ୍ ରୋଗରେ, ଓ ପରେ ଏକାଧିକ ଅଙ୍ଗ ଅକାମୀ ଓ ଷ୍ଟ୍ରୋକ ହେତୁ ୫୨ ବର୍ଷ ବୟସରେ ପ୍ରାଣ ହରାଇଥିଲେ ।

ମହାପାତ୍ର ୧୯୬୪ ମସିହା ଫେବ୍ରୁଆରୀ ୧୪ ତାରିଖରେ ଜନ୍ମଗ୍ରହଣ କରିଥିଲେ ।

ସେ ବିଜେବି କଲେଜରୁ ସ୍ନାତକ ଲାଭ କରିଥିଲେ । କଲେଜରେ ପଢ଼ିବା ବେଳେ ସେ ୧୯୮୩ ମସିହାରେ ଭାରତୀୟ ଜାତୀୟ ଛାତ୍ର ପରିଷଦର ଯୁଗ୍ମ ସମ୍ପାଦକ, ୧୯୮୫ରେ ସାଧାରଣ ସମ୍ପାଦକ, ଓ ୧୯୮୭ରେ ସଭାପତି ଦାୟିତ୍ୱ ନିର୍ବାହ କରିଥିଲେ । ୧୯୯୬ରେ ସେ ଓଡ଼ିଶା ପ୍ରଦେଶ ଯୁବ କଂଗ୍ରେସର ସଭାପତି ହୋଇଥିଲେ । ପରେ ଉତ୍କଳ ବିଶ୍ୱବିଦ୍ୟାଳୟରେ ପଢ଼ିବା କାଳରେ ସେ ସେଠାର ସିନେଟ ସଦସ୍ୟ ହୋଇଥିଲେ ।

୧୯୮୭ରୁ ୧୯୯୬ ମସିହା ଯାଏ ସେ ଓଡ଼ିଶା ଛାତ୍ର କଂଗ୍ରେସର ସଭାପତି ଓ ଓଡ଼ିଶା ପ୍ରଦେଶ କଂଗ୍ରେସ କମିଟିର କାର୍ଯ୍ୟକାରୀ ସଦସ୍ୟ ଥିଲେ । ମହାପାତ୍ର ଏହି ଦଳର ଉପସଭାପତି ଭାବେ ୨୦୦୯ରୁ ୨୦୧୪ ଯାଏ କାମ କରିଥିଲେ । ୧୯୯୫ରୁ ୨୦୦୯ ଯାଏ ବ୍ରହ୍ମଗିରିର ବିଧାୟକ ଭାବେ ଜିତିଥିବା ମହାପାତ୍ର ୨୦୦୯ ମସିହାରେ ଭାରତୀୟ ଜନତା ଦଳର (ବିଜେଡ଼ି) ସଞ୍ଜୟ ଦାସବର୍ମାଙ୍କଠାରୁ ପରାଜିତ ହୋଇଥିଲେ ।

ମହାପାତ୍ରଙ୍କ ପ୍ରତିନିଧିତ୍ୱରେ ବିରୋଧୀ ବିଜେଡ଼ି ଦଳର ନେତା ତଥା ତତ୍କାଳୀନ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ, ଓ ସେହି ଦଳର ଅନ୍ୟାନ୍ୟ ନେତା ଅତନୁ ସବ୍ୟସାଚୀ, ପୁଷ୍ପେନ୍ଦ୍ର ସିଂହଦେଓ ଓ ସଞ୍ଜୟ ଦାସବର୍ମାଙ୍କ ଉପରେ ଅଣ୍ଡାମାଡ଼ ହୋଇଥିଲା । ୨୦୧୬ ମସିହା ଆରମ୍ଭରେ ତାଙ୍କ କାମରେ ଯୋଗଦେଉଥିବା ଯୁବଦଳ "ଲୁଲୁ ସେନା" ନାମରେ ଜଣା ।