କେଶା

କେଶା
ଜନ୍ମ	କେଶା ରୋଜ୍ ସେବେର୍ତ୍ (1987-03-01) ୧ ମାର୍ଚ୍ଚ ୧୯୮୭ (ବୟସ ୩୭) ଲୋସ୍ ଅଞ୍ଜେଲେସ୍, କାଲିଫର୍ନିଆ, ଯୁକ୍ତରାଷ୍ଟ୍ର ଆମେରିକା
ବୃତ୍ତିସମୂହ	କଣ୍ଠଶିଳ୍ପୀ ଗୀତିକାର ଅଭିନେତ୍ରୀ
ସକ୍ରିୟ ବର୍ଷ	୨୦୦୫-ଏବେଯାଏଁ
ପିତାମାତା	ପେବେ ସେବେର୍ତ୍ (ମାଆ)
ୱେବସାଇଟ	keshaofficial.com

କେଶାଙ୍କର ଗୀତ ଏବଂ ତାଙ୍କ ପାଇଁ ତାଙ୍କର ପ୍ରଥମ ଆଲବମ୍ ଆନିମାଲ୍ ୨୦୦୯ ଏବଂ ୨୦୧୦ରେ ଅନେକ ଦେଶରେ ବ‌ହୁଳ ସଫଳତା ପାଇଥିଲା । ଏହା ପରେପରେ ସେ ଆଉ ତିନୋଟି ଆଲବମ୍‌ରେ ଏକା ହିଁ କାମ କରିଥିଲେ । ଏହି ଆଲବମ୍‌ଗୁଡ଼ିକ ହେଲା ଟିକ୍ ଟକ୍, ଉଇ ଆର୍ ହୁ ଉଇ ଆର୍ ଏବଂ ଟିମ୍ବର୍ । ଟିମ୍ବର୍‌ରେ ପିଟ୍‌ବୁଲ୍ ମଧ୍ୟ କାର୍ଯ୍ୟ କରିଥିଲେ । ଏକା ସମୟରେ ସେ ଅନ୍ୟ କଳାକାରମାନଙ୍କ ପାଇଁ ଗୀତ ଲେଖିଥିଲେ ଏବଂ ନିଜର ଆଲବମ୍‌ରେ ମଧ୍ୟ କାର୍ଯ୍ୟ କରିଥିଲେ । ସେ ବ୍ରିଟେନୀ ସ୍ପିୟରସ୍‌ଙ୍କ ପାଇଁ ଟିଲ୍ ଦ ୱାରଲ୍ଡ ଏଣ୍ଡସ୍। ୨୦୧୨ରେ ତାଙ୍କର ୨ୟ ଷ୍ଟୁଡ଼ିଓ ଆଲବମ୍ ୱାରିଅର୍ ମୁକ୍ତିଲାଭ କରିଥିଲା । ଏହାପରେ ଲଗାତାର ଆଠଟି ଆଲବମ୍ ସଫଳ ହୋଇଥିଲା । ତାଙ୍କର ଆଲବମ୍ ଟିକ୍ ଟକ୍ ସେତେବେଳେ ସବୁଠାରୁ ଅଧିକ ବିକ୍ରି ହୋଇଥିଲା । ଏହି ଆଲବମ୍‌ଟି ସାରା ବିଶ୍ୱରେ ୧୬.୫ କୋଟିରୁ ଅଧିକ ବିକ୍ରି ହୋଇଥିଲା ।

୨୦୧୩ ମସିହାରୁ କେଶା ଏବଂ ତାଙ୍କର ପୂର୍ବତନ ପ୍ରଯୋଜକ ଡ. ଲୁକେଙ୍କର ଆଇନତଃ ବିବାଦ ଲାଗିରହିଛି । ଏହି ବିବାଦ ଉଭୟ କେଶା ଏବଂ ଲୁକେଙ୍କର ତରଫରୁ ରୁଜ୍ଜୁ ହୋଇଛି । କେଶା ଲୁକେଙ୍କ ଉପରେ ଶାରିରୀକ, ମାନସିକ ଏବଂ ଯୌନ ଅତ୍ୟାଚାର ସ‌ହ ପାଉଣାର ଭେଦଭାବ କରିବାର ଅଭିଯୋଗ କରିଥିଲେ । ତେଣେ ଲୁକେ ମଧ୍ୟ କେଶାଙ୍କ ଉପରେ ଚୁକ୍ତିରେ ଖିଲାପ ଏବଂ ମାନହାନୀ ମୋକଦ୍ଦମା ଆଣିଥିଲେ । ଏହି ମୋକଦ୍ଦମା ସମୟରେ କେଶା ମାତ୍ର କେବଳ ଗୋଟିଏ ଗୀତ ନିର୍ମାଣ କରିବାରେ ସଫଳ ହୋଇଥିଲେ । ଏହାପରେ ସେ ୨୦୧୭ ମସିହାରେ ତାଙ୍କରୁ ତୃତୀୟ ଷ୍ଟୁଡ଼ିଓ ଆଲବମ୍ ନିର୍ମାଣ କରି ମୁକ୍ତିଲାଭ କରାଇଥିଲେ । ଏହି ଆଲବମ୍‌ଟି ଥିଲା ରେନ୍‌ବୋ । ଏହି ଆଲବମ୍‌ଟିର ଶୀର୍ଷକ ଗୀତଟି ଏବଂ ପ୍ରେୟିଙ୍ଗ୍ ଗୀତଟି ଗ୍ରାମି ପୁରସ୍କାର ପାଇଁ ମନୋନୀତ ହୋଇଥିଲା ।

କେଶା ଅନେକ ପୁରସ୍କାର ପାଇବା ସ‌ହ ଅନେକ ପୁରସ୍କାର ପାଇଁ ମନୋନୀତ ହୋଇଥିଲେ । ସେ ୨୦୧୦ ମସିହାରେ ଏମ୍‌ଟିଭି ଇଉରୋପ୍ ସଙ୍ଗୀତ ପୁରସ୍କାରରେ ଶ୍ରେଷ୍ଠ କଳାକାର ପୁରସ୍କାର ପାଇଥିଲେ । ୨୦୧୩ ନଭେମ୍ବର ସୁଦ୍ଧା ତାଙ୍କର ଗୀତ ଯୁକ୍ତରାଷ୍ଟ୍ର ଆମେରିକାରେ ୬କୋଟି ପାଖାପାଖି ବିକ୍ରି ହୋଇଥିଲା ଏବଂ ସମଗ୍ର ବିଶ୍ୱରେ ୭.୬ କୋଟିରୁ ଅଧିକ ବିକ୍ରି ହୋଇଥିଲା ।