ଆଟ୍ଲାସରସ୍ ଏକ ମଧ୍ୟମ ଆକାରର ସରୋପଡ଼ ପ୍ରଜାତିର ଡାଇନୋସର ଥିଲା । ଏହା ଆଫ୍ରିକାରେ ମଧ୍ୟ ଜୁରାସିକ ଯୁଗରେ ବସବାସ କରୁଥିଲା ।
ଆଟ୍ଲାସରସ୍ ୧୯୯୯ରେ ମନ୍ବାରନ୍, ରସେଲ୍ ଓ ଟାକ୍ୱେଙ୍କଦ୍ୱାରା ଆବିଷ୍କୃତ ହୋଇଥିଲା । ଏହାର ନାମକରଣ ମରୋକ୍କୋର ଆଟଲାସ୍ ପର୍ବତଶୃଙ୍ଖଳା (ଯେଉଁଠି ଆଟଲାସ୍ ଆକାଶକୁ ଟେକି ଧରିବାର କିମ୍ବଦନ୍ତୀ ରହିଛି)ର ନାମାନୁସାରେ ହୋଇଛି ଯେଉଁଠି ଏହି ଜୀବାଶ୍ମ ଆବିଷ୍କୃତ ହୋଇଥିଲା । ଏହାର ଆକାର ୧୫ ମିଟର (୫୦ ଫୁଟ) ଲମ୍ବା । ଜୀବାଶ୍ମରେ ଏହାର ଖପୁରୀ ସହ ପ୍ରାୟ ସମଗ୍ର କଙ୍କାଳ ରହିଛି । ଖପୁରୀଟି ଅଲଗାରୁ ଆଜିଲାଲ୍ର ଟିଓଗୁଇ ଶିଳା ସଂରଚନାରୁ ମିଳିଥିଲା ।
ଏହାର ଜାତିର ନାମ ଆଟ୍ଲାସରସ୍ ଇମେଲାକେଇ । ଇମେଲାକେଇ ନାମଟି ଆରବୀ ଭାଷାର ଇମେଲାକେ ନାମକ ଦୈତ୍ୟର ନାମରୁ ଆନୀତ ।
ମେରୁହାଡ଼ ଓ ଗୋଡ଼ର ସମାନତା ଅନୁସାରେ ବିଭିନ୍ନ ସରୋପଡ଼ମାନଙ୍କ ମଧ୍ୟରୁ ବ୍ରାକିଓସରସ୍ର ନିକଟତର । ତେବେ ବ୍ରାକିଓସରସ୍ଠାରୁ ଏହାର ଖପୁରୀ ବଡ଼, ବେକ ସାନ (୧୩ଟି ଗ୍ରୀବା ମେରୁହାଡ଼, ବ୍ରାକିଓସରସ୍ ତୁଳନାରେ ଛୋଟ), ଲାଞ୍ଜ ଓ ଗୋଡ଼ ଗୁଡ଼ିକ ଲମ୍ବା । ଚିବୁକ ପ୍ରାୟ ୬୯ ସି.ମି., ବେକ ପ୍ରାୟ ୩.୮୬ ମି., ହ୍ୟୁମେରସ୍ ୧.୯୬ ମି. ଓ ଜଙ୍ଘହାଡ଼ ପ୍ରାୟ ୨ ମି. ଲମ୍ବା ଥିଲା । ଏହାର ଆନୁମାନିକ ଓଜନ ୨୨.୫ ଟନ୍ ଥିଲା । ଏହାର ଦାନ୍ତ ଗୁଡ଼ିକ ଚାମଚ ଆକୃତିର ଥିଲା ।
This article uses material from the Wikipedia ଓଡ଼ିଆ article ଆଟ୍ଲାସରସ୍, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). ଦର୍ଶାଯାଇନଥିଲେ ସମସ୍ତ ବିଷୟବସ୍ତୁ CC BY-SA 4.0 ରେ ଉପଲବ୍ଧ । Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ଓଡ଼ିଆ (DUHOCTRUNGQUOC.VN) is an independent company and has no affiliation with Wiki Foundation.