ଆକାଶବାଣୀ ସମ୍ବଲପୁର
ଆକାଶବାଣୀ ସମ୍ବଲପୁର କେନ୍ଦ୍ର ୧୯୬୩ ମସିହା ମଇ ୨୬ ତାରିଖରୁ ଆରମ୍ଭ ହୋଇଥିଲା । ଏହି କେନ୍ଦ୍ରଦ୍ୱାରା ପ୍ରସାରିତ କାର୍ଯ୍ୟକ୍ରମକୁ ସମ୍ବଲପୁର, ସୁନ୍ଦରଗଡ଼, {ବଲାଙ୍ଗୀର ଜିଲ୍ଲା|ବଲାଙ୍ଗୀର]], ବରଗଡ଼, ଝାରସୁଗୁଡ଼ା, ଦେବଗଡ଼, ସୋନପୁର, ବୌଦ୍ଧ ତଥା ଅନୁଗୁଳ ଜିଲ୍ଲାର ଆଠମଲ୍ଲିକ ଅଞ୍ଚଳର ଲୋକ ଶୁଣିପାରନ୍ତି । ଏହି କେନ୍ଦ୍ର ପ୍ରଥମେ ଏହା ସାକ୍ଷୀପଡ଼ାର ଏକ ଭଡ଼ା ଘରୁ କାର୍ଯ୍ୟାରମ୍ଭ କରିଥିଲା । ୧୯୮୪ରେ କଚେରୀ ରୋଡସ୍ଥିତ ନୂଆ କୋଠାକୁ ସ୍ଥାନାନ୍ତରିତ ହୋଇଥିଲା । ଆରମ୍ଭରୁ ୧୦ କିଲୋୱାଟ ଯୋଗେ କାର୍ଯ୍ୟକ୍ରମ ପ୍ରସାର କରାଯାଉଥିବା ବେଳେ ପରବର୍ତ୍ତୀ ସମୟରେ ତାହା ୧୦୦ କିଲୋୱାଟକୁ ବୃଦ୍ଧି ପାଇଥିଲା । ସମ୍ବଲପୁର ତଥା ପଶ୍ଚିମ ଓଡ଼ିଶାର ଭାଷା, ସଂସ୍କୃତି, ପରମ୍ପରା, ସଙ୍ଗୀତ ଓ ନାଟକ ଆଦିର ପ୍ରଚାର ପ୍ରସାର କ୍ଷେତ୍ରରେ ଆକାଶବାଣୀ ସମ୍ବଲପୁର କାର୍ଯ୍ୟ କରିଥାଏ । ରଙ୍ଗବତୀ ଭଳି ବିଶ୍ୱପ୍ରସିଦ୍ଧ ଗୀତ ଏହି କେନ୍ଦ୍ରର ସୃଷ୍ଟି ।
ଇତିହାସ
- ୧୯୬୩ ମସିହା ମଇ ୨୬ ତାରିଖରେ ସାକ୍ଷୀପଡ଼ାରୁ ଆରମ୍ଭ
- ୧୯୮୪ ମସିହାରେ କଚେରୀ ରୋଡସ୍ଥିତ ଆକାଶବାଣୀର ନୂଆ କୋଠାକୁ ସ୍ଥାନାନ୍ତର
- ୨୦୧୫ ମସିହା ନଭେମ୍ବର ୨୬ ତାରିଖରେ ସମ୍ବଲପୁର କେନ୍ଦ୍ରର ଏଫଏମ୍ ସେବାର ଲୋକାର୍ପଣ
- ୨୦୧୬ ମସିହା ଜାନୁଆରୀ ୨୩ ତାରିଖରୁ ସମ୍ବଲପୁରୀ ଭାଷାରେ ସମ୍ବାଦ ପ୍ରସାରଣ ଆରମ୍ଭ
ଆଧାର
ବାହାର ଆଧାର
This article uses material from the Wikipedia ଓଡ଼ିଆ article ଆକାଶବାଣୀ ସମ୍ବଲପୁର, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). ଦର୍ଶାଯାଇନଥିଲେ ସମସ୍ତ ବିଷୟବସ୍ତୁ CC BY-SA 4.0 ରେ ଉପଲବ୍ଧ । Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ଓଡ଼ିଆ (DUHOCTRUNGQUOC.VN) is an independent company and has no affiliation with Wiki Foundation.