Svoveldioksid: Kjemisk sambinding

Svoveldioksid reagerer med oksygen og er lett løyseleg i vatn. Dette gjer at svoveldioksid kan medføre uønskte helseeffektar.

Reaksjonslikninga viser at eit svovelatom kan reagere med oksygengass og danne svoveldioksid:
S + O₂ → SO₂

Reaksjonslikninga nedanfor viser at dersom svoveldioksid vert oppløyst i vatn, vert det danna svovelsyrling:
SO₂ + H₂O → H₂SO₃

Svovelsyrling kan igjen reagere med vatn og danne svovelsyre, som vist i reaksjonslikninga nedanfor:
2 H₂SO₃ + O₂ → 2 H₂SO₄

SO₂ er eit bøygd molekyl med C_2v symmetrigruppe. Svovelatomet har eit oksidasjonstrinn på +4, ei lading på 0 og er omgjeve av 5 elektronpar og kan skildrast som eit hypervalent molekyl. Frå perspektiv av molekylorbitalteorien, er dei fleste valenselektrona bunde opp i S-O bindingar.

Tre resonansstruktur av svoveldioksid

S-O-bindingane er kortare i SO₂ (143.1 pm) enn i svovelmonoksid, SO (148,1 pm), medan O-O-bindingane er lenger i O₃ (127.8 pm) enn i dioksigen, O₂ (120,7 pm). Bindingsenergien er større i SO₂ (548 kJ mol⁻¹) enn i SO (524 kJ mol⁻¹), medan han er mindre i O₃ (297 kJ mol⁻¹) enn i O₂ (490 kJ mol⁻¹). Desse dataa fører kjemikarar til å konkludere med at S-O-bindingane i svoveldioksid har ein bindingsorden på minst 2, som er forskjellig frå O-O-bindingane i ozon, som har ein bindingsorden på 1,5

• Miljøstatus i Noreg: Svoveldioksid Arkivert 2008-10-17 ved Wayback Machine.