Swaweldioksied: Chemiese verbinding

By kamertemperatuur is dit 'n kleurlose gas met 'n stekende, verstikkende reuk.

Eienskappe

Algemeen
Naam	Swaweldioksied
Chemiese formule	SO2
Molêre massa	64,1 [g/mol]
CAS-nommer	7446-09-5
Reuk	verstikkend
Reukdrempel	3-5 dpm
Fasegedrag
Smeltpunt	-75.5 °C
Kookpunt	-10 °C
Digtheid	2,25 (rel t.o. lug)
Oplosbaarheid
Henry se konstante	1,26 [L/mol.atm] 3050 [K]
Suur-basis eienskappe
pKa
Veiligheid
Flitspunt	onbrandbaar
LD50	2520 dpm (inaseming by rotte)
Tensy anders vermeld is alle data vir standaardtemperatuur en -druk toestande.
Portaal Chemie

Die gas word by verbranding van swawel gevorm:

${\displaystyle S+O_{2}\to SO_{2}}$

Die swawelatoom het 'n oksidasiegetal van +4 in hierdie molekuul, wat nie die hoogste moontlike waarde is nie. Dit wil sê dat dit nog met suurstof kan reageer en swaweltrioksied kan vorm volgens:

${\displaystyle 2SO_{2}+O_{2}\to 2SO_{3}}$

Hierdie reaksie is nogtans slegs in aanwesigheid van 'n katalisator soos vanadium(V)oksied V₂O₅ moontlik.

Swaweldioksied is 'n taamlik sterk Lewis-suur wat met water swaeligsuur H₂SO₃ vorm:

${\displaystyle SO_{2}+H_{2}O\to H_{2}SO_{3}}$

Hierdie reaksie kan ekologiese gevolge inhou. Die verbranding van brandstowwe wat swawel bevat, soos steenkool of olie, stel swaweldioksied vry wat in die water van riviere en mere oplos.