Naxalittar
Naxalittar er medlemmer av ein revolusjonær venstreradikal rørsle i India.
Ho har namn etter Naxalbariområdet i Vest-Bengal, der ho oppstod på 1960-talet. Rørsla dreiv omfattande geriljaverksemd rundt 1970, men blei svekka etter ein motoffensiv frå dei indiske styresmaktene i 1971.
I 1990-åra var enkelte fraksjonar aktive, særleg i Bihar og Andhra Pradesh. Naxalittane er ideologisk forankra i maoismen, og knytte band til maoistgeriljaen i Nepal. Rørsla har også hatt aktivitet i delstatane Jharkhand, Orissa, Bihar, Chhattisgarh, Andhra Pradesh, Uttar Pradesh, Karnataka og opphavsstaden Vest-Bengal.
Rørsla var framleis aktiv på 2010-talet, og er eit viktig tryggleiksspørsmål i India. Kampen mellom naxalitane og styresmaktene har kravd fleire tusen dødsoffer, mange av dei sivile. Rørsla hevder ho kjempar for rettane til oversette bønder. Naxalittane ønskjer å skipa eit kommunistisk samfunn gjennom ein væpna kamp mot det dei meiner er den «semi-koloniale» og «semi-føydale» styreforma i India.
Kjelder
This article uses material from the Wikipedia Nynorsk article Naxalittar, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Teksten er tilgjengeleg under CC BY-SA 4.0 om ikkje anna er oppgjeve. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Nynorsk (DUHOCTRUNGQUOC.VN) is an independent company and has no affiliation with Wiki Foundation.