ᱱᱟᱠᱥᱟᱞ
ᱱᱟᱠᱥᱟᱞ ᱟᱱᱫᱚᱲ, ᱫᱚ ᱢᱤᱫᱴᱮᱱ ᱠᱚᱢᱤᱱᱤᱥᱴ ᱟᱱᱫᱚᱲ ᱨᱮᱭᱟᱜ ᱧᱩᱛᱩᱢ ᱠᱟᱱᱟ| ᱵᱟᱨ ᱜᱮᱞ ᱥᱟᱭᱱᱟᱜ ᱥᱮᱨᱢᱟ ᱨᱮᱭᱟᱜ ᱮᱭᱮᱟᱭ ᱜᱮᱞᱟᱱᱟᱜ ᱥᱮᱨᱢᱟ ᱨᱮ ᱯᱟᱹᱪᱷᱤᱢ ᱵᱟᱝᱞᱟ ᱨᱮᱭᱟᱜ ᱱᱟᱠᱥᱟᱞᱵᱟᱲᱤ ᱨᱮ ᱮᱛᱚᱦᱚᱵ ᱠᱟᱛᱮ ᱱᱟᱦᱟᱜ ᱫᱚ ᱛᱟᱞᱟ ᱥᱤᱧᱚᱛ ᱨᱮᱭᱟᱜ ᱪᱷᱚᱛᱛᱤᱥᱜᱟᱲ ᱟᱨ ᱟᱱᱫᱽᱨᱟ ᱯᱨᱟᱫᱮᱥ ᱮᱢᱟᱱ ᱴᱚᱴᱷᱟ ᱠᱚᱨᱮ ᱯᱟᱥᱱᱟᱣ ᱪᱟᱞᱟᱣᱮᱱᱟ| ᱵᱟᱹᱭ ᱵᱟᱹᱭ ᱛᱮ ᱱᱚᱣᱟ ᱫᱚ ᱢᱤᱫᱴᱮᱱ ᱦᱟᱰᱨᱟᱯᱤᱭᱟᱹ ᱟᱱᱫᱚᱲ ᱨᱮᱭᱟᱜ ᱢᱩᱴᱷᱟᱹᱱᱮ ᱦᱟᱛᱟᱣ ᱠᱮᱫᱟ| ᱱᱟᱠᱥᱟᱞ ᱥᱮ ᱱᱟᱠᱥᱟᱞᱵᱟᱫᱤ ᱢᱮᱱᱞᱮᱠᱷᱟᱱ ᱦᱟᱰᱨᱟᱯ ᱠᱚᱸᱭᱮᱸᱯᱚᱱᱛᱷᱤ ᱫᱚᱞ ᱠᱚᱜᱮ ᱵᱩᱡᱷᱟᱹᱣᱚᱜ-ᱟ|
ᱱᱤᱭᱟᱹ ᱫᱚᱞ ᱨᱮᱭᱟᱜ ᱡᱟᱱᱟᱢ ᱦᱚᱭ ᱞᱮᱱᱟ ᱪᱤᱱ ᱥᱚᱵᱷᱤᱭᱚᱴ (Sino-Soviet split) ᱨᱮᱭᱟᱝ ᱪᱷᱤᱱ ᱪᱷᱟᱹᱛᱩᱨᱚᱜ ᱚᱠᱛᱮ ᱨᱮ| ᱢᱚᱛᱟᱢᱚᱛ ᱞᱮᱠᱟ ᱛᱮ ᱱᱩᱠᱩ ᱫᱚ ᱢᱟᱣ ᱡᱮᱫᱚᱝ ᱟᱜ ᱛᱟᱲᱟᱢ ᱰᱟᱦᱟᱨ ᱯᱟᱜᱯᱟᱧᱡᱟ ᱠᱚ ᱠᱟᱱᱟ ᱠᱚ| ᱱᱟᱠᱥᱟᱞ ᱟᱱᱫᱚᱲ ᱮᱛᱚᱦᱚᱵ ᱞᱮᱱᱟ ᱥᱤᱧᱚᱛ ᱨᱮᱭᱟᱜ ᱯᱟᱹᱪᱷᱤᱢ ᱵᱟᱝᱞᱟ ᱯ[ᱚᱱᱚᱛ ᱨᱮ| ᱵᱟᱹᱭ ᱵᱟᱹᱭ ᱛᱮ ᱥᱤᱧᱚᱛ ᱨᱮᱭᱟᱜ ᱮᱴᱟᱜ ᱴᱚᱴᱷᱟ ᱠᱚ ᱨᱮ ᱦᱚᱸ ᱯᱟᱯᱟᱥᱱᱟᱣ ᱪᱟᱟᱞᱟᱣ ᱮᱱᱟ, ᱡᱮᱞᱮᱠᱟ- ᱪᱷᱚᱛᱛᱤᱥᱜᱟᱲ, ᱢᱚᱫᱽᱭᱚ ᱯᱨᱚᱫᱮᱥ, ᱟᱱᱫᱷᱨᱟ ᱯᱨᱚᱫᱮᱥ, ᱳᱰᱤᱥᱟ, ᱡᱷᱟᱨᱠᱷᱟᱱᱰ ᱮᱢᱟᱱ ᱮᱢᱟᱱ ᱯᱚᱱᱚᱛ ᱠᱚᱛᱮ| ᱱᱩᱠᱩ ᱫᱚ ᱫᱚ ᱢᱟᱨᱠᱥᱵᱟᱫᱤ ᱥᱮ ᱞᱮᱱᱤᱱ ᱵᱟᱫᱤ ᱯᱟᱹᱯᱟᱹᱛᱤᱭᱟᱹᱣᱚᱜ ᱦᱚᱲ ᱠᱟᱱᱟ ᱠᱚ ᱒᱐᱐᱔ ᱥᱮᱨᱢᱟ ᱨᱮ ᱥᱤᱧᱚᱛ ᱨᱮᱭᱟᱜ ᱠᱚᱢᱤᱱᱤᱥᱴ ᱯᱟᱨᱴᱤ (ᱢᱟᱣᱵᱟᱫᱤ) ᱧᱩᱛᱩᱢᱟᱱ ᱫᱚᱞ ᱠᱚ ᱵᱟᱱᱫᱷᱟᱣ ᱞᱮᱫᱟ ᱟᱨ ᱱᱤᱡᱟᱹᱨᱟᱜ ᱠᱟᱹᱢᱤᱦᱚᱨᱟ ᱠᱚᱠᱚ ᱯᱟᱥᱱᱟᱣ ᱤᱫᱤ ᱠᱮᱫᱟ|
ᱥᱤᱧᱚᱛ ᱨᱮᱭᱟᱜ ᱟᱢᱫᱟᱡᱽ ᱘% ᱦᱤᱸᱥ ᱴᱚᱴᱷᱟ ᱨᱮ ᱱᱩᱠᱩᱣᱟᱜ ᱠᱟᱹᱢᱤ ᱦᱚᱨᱟ ᱫᱚ ᱵᱟᱹᱲᱛᱤ ᱤᱫᱤᱜ ᱠᱟᱱ ᱛᱟᱠᱚᱣᱟ, ᱟᱥᱚᱠᱟᱭ ᱛᱮ ᱨᱮᱰ ᱠᱚᱨᱤᱰᱚᱨ ᱴᱚᱴᱷᱟ ᱠᱚ ᱨᱮ ᱙᱒,᱐᱐᱐ ᱪᱟᱹᱣᱠᱟᱹ ᱠᱤᱞᱚᱢᱤᱴᱟᱨ ᱴᱚᱴᱷᱟ ᱵᱷᱤᱛᱨᱤ ᱨᱮ ᱱᱩᱠᱩᱣᱟᱜ ᱦᱟᱰᱨᱟᱯ ᱠᱟᱹᱢᱤᱦᱚᱨᱟ ᱫᱚ ᱵᱟᱹᱲᱛᱤ ᱤᱫᱤᱜ ᱛᱟᱠᱚᱣᱟ|ᱥᱤᱧᱚᱛ ᱥᱚᱨᱠᱟᱨᱟᱜ ᱛᱚᱫᱟᱨᱚᱛ ᱜᱟᱶᱛᱟ ᱨᱤᱥᱟᱨᱟᱪ ᱮᱱᱰ ᱮᱱᱟᱞᱟᱭᱥᱤᱥ ᱣᱤᱝ (RAW) ᱨᱮᱭᱟᱜ ᱨᱤᱯᱚᱨᱴ ᱞᱮᱠᱟ ᱛᱮ ᱒᱐,᱐᱐᱐ ᱢᱟᱣᱵᱟᱫᱤ ᱠᱟᱹᱡᱽᱣᱟᱹ (ᱮᱠᱴᱤᱵᱷ) ᱠᱟᱹᱢᱤᱦᱚᱨᱟ ᱥᱮᱞᱮᱫ ᱡᱚᱲᱟᱣ ᱢᱮᱱᱟᱜ ᱠᱚᱣᱟ| ᱩᱱᱠᱩᱣᱟᱜ ᱵᱟᱹᱭ ᱵᱟᱹᱭ ᱛᱮ ᱵᱟᱹᱲᱛᱤ ᱪᱟᱞᱟᱜ ᱠᱟᱱ ᱮᱞᱟᱝ ᱚᱨᱥᱚᱝ ᱠᱚ ᱧᱮᱞ ᱠᱟᱛᱮ ᱩᱱᱚᱠᱛᱮ ᱨᱮᱱ ᱢᱟᱨᱟᱝ ᱢᱚᱱᱛᱨᱤ ᱢᱟᱱᱚᱛᱟᱱ ᱢᱚᱱᱢᱚᱦᱚᱱ ᱥᱤᱝ ᱫᱚᱭ ᱢᱮᱱ ᱞᱮᱫᱟ ᱢᱟᱣᱵᱟᱫᱤ ᱫᱚ ᱥᱤᱧᱚᱛ ᱨᱮᱭᱟᱜ ᱵᱷᱤᱛᱟᱹᱨ ᱚᱲᱟᱜ ᱞᱟᱹᱜᱤᱫ ᱟᱯᱚᱛᱟᱱ ᱠᱚ ᱠᱟᱱᱟ ᱠᱚ|
ᱞᱮᱠᱷᱟ ᱡᱚᱠᱷᱟ
᱒᱐᱐᱖ ᱥᱮᱨᱢᱟ ᱨᱮ ᱥᱤᱧᱚᱛ ᱥᱚᱨᱠᱟᱨᱟᱜ ᱛᱚᱫᱟᱨᱚᱛᱤᱭᱟᱹ ᱜᱟᱶᱛᱟ ᱨᱤᱥᱟᱨᱪ ᱮᱱᱰ ᱮᱱᱟᱞᱟᱭᱥᱤᱥ ᱣᱤᱝ ᱠᱷᱚᱱ ᱠᱚ ᱥᱚᱫᱚᱨ ᱟᱠᱟᱫᱟ ᱵᱟᱝᱢᱟ ᱕᱐ᱹ᱐᱐᱐ ᱥᱛᱷᱟᱭ ᱠᱮᱰᱟᱨ ᱟᱨᱦᱚᱸ ᱒᱐,᱐᱐᱐ ᱥᱟᱯᱟᱵ ᱠᱮᱰᱟᱨ ᱠᱟᱹᱢᱤ ᱨᱮᱜᱮ ᱢᱮᱱᱟᱜ ᱠᱚᱣᱟ| ᱥᱤᱧᱚᱛ ᱨᱮᱱ ᱢᱟᱨᱟᱝ ᱢᱚᱱᱛᱨᱤ ᱱᱩᱠᱚ ᱫᱚ ᱵᱷᱤᱛᱟᱹᱨ ᱚᱲᱟᱜ ᱨᱮᱱ ᱢᱟᱨᱟᱝ ᱟᱯᱚᱛᱟᱱ ᱢᱮᱱᱛᱮᱭᱮ ᱞᱟᱹᱭ ᱡᱟᱹᱦᱤᱨ ᱟᱠᱟᱫᱟ| ᱱᱟᱠᱥᱟᱞ ᱟᱨ ᱮᱴᱟᱜ ᱢᱤᱫ ᱵᱟᱨ ᱥᱚᱨᱠᱟᱨ ᱵᱤᱨᱩᱫᱷᱤ ᱦᱟᱰᱨᱟᱯ ᱜᱟᱶᱶᱛᱟ ᱠᱚᱫᱚ ᱢᱤᱫ ᱫᱷᱟᱣ ᱛᱮ 'ᱟᱞᱴᱨᱟᱡᱽ' ᱠᱚ ᱞᱮᱠᱷᱟ ᱠᱚᱣᱟ| ᱥᱤᱹᱯᱤᱹᱟᱭᱹ (ᱢᱟᱮᱵᱟᱫᱤ) ᱟᱨ ᱟᱫᱚᱢ ᱱᱟᱠᱥᱟᱞ ᱯᱚᱱᱛᱷᱤ ᱫᱚᱞ ᱠᱚ ᱥᱤᱧᱳᱛ ᱥᱚᱨᱠᱟᱨ ᱦᱟᱰᱨᱟᱯᱤᱭᱟᱹ ᱜᱟᱶᱛᱟ ᱠᱟᱱᱟ ᱠᱚ ᱢᱮᱱᱛᱮᱭᱮ ᱞᱟᱹᱭ ᱡᱟᱹᱦᱤᱨ ᱟᱠᱟᱫᱟ| ᱒᱐᱐᱙ ᱥᱮᱨᱢᱟ ᱨᱮᱭᱟᱜ ᱯᱷᱮᱵᱽᱨᱩᱣᱟᱨᱤ ᱨᱮ ᱥᱤᱧᱚᱛ ᱥᱚᱨᱠᱟᱨ ᱫᱚ ᱱᱟᱠᱥᱟᱞ ᱠᱚ ᱥᱟᱯᱷᱟ ᱢᱟᱨᱟᱣ ᱠᱚ ᱞᱟᱹᱜᱤᱫ ᱢᱤᱫᱴᱮᱱ ᱯᱚᱨᱛᱚᱱᱮ ᱦᱟᱛᱟᱣ ᱞᱮᱫᱟ| ᱦᱟᱰᱨᱟᱯᱤᱭᱟᱹ ᱛᱮ ᱡᱟᱹᱵᱽᱲᱤ ᱟᱠᱟᱱ ᱴᱚᱴᱷᱟ ᱠᱚ ᱡᱮᱞᱮᱠᱟ- ᱪᱷᱟᱛᱛᱤᱥᱜᱟᱲ, ᱩᱲᱤᱥᱥᱟ, ᱟᱱᱫᱷᱨᱟ ᱯᱨᱚᱫᱮᱥ, ᱢᱚᱦᱟᱨᱟᱥᱴᱨᱚ, ᱡᱷᱟᱨᱠᱷᱟᱱᱰ, ᱵᱤᱦᱟᱨ, ᱩᱛᱛᱟᱹᱨ ᱯᱨᱚᱫᱮᱥ, ᱟᱨ ᱯᱟᱹᱪᱷᱤᱢ ᱵᱟᱝᱞᱟ ᱠᱚᱨᱮ ᱩᱱᱠᱩᱣᱟᱜ ᱫᱟᱹᱫᱟᱹᱲ ᱨᱮᱭᱟᱜ ᱡᱚᱛᱚ ᱰᱟᱦᱟᱨ ᱠᱚ ᱵᱚᱱᱫᱷᱚ ᱞᱮᱫᱟ|
ᱱᱟᱜᱟᱢ
ᱱᱟᱠᱥᱟᱞ ᱟᱹᱲᱟᱹ ᱫᱚ ᱦᱮᱡ ᱟᱠᱟᱱᱟ ᱯᱟᱹᱪᱷᱤᱢ ᱵᱟᱝᱞᱟ ᱨᱮᱭᱟᱜ ᱢᱤᱫᱴᱮᱱ ᱦᱩᱰᱤᱧ ᱟᱹᱛᱩ ᱱᱟᱠᱥᱟᱞᱵᱟᱲᱤ ᱧᱩᱛᱩᱢ ᱠᱷᱚᱱ| ᱱᱚᱱᱰᱮ ᱜᱮ ᱥᱤᱧᱚᱛᱤᱭᱟᱹ ᱠᱚᱢᱤᱱᱤᱥᱴ ᱯᱟᱨᱴᱤ (ᱢᱟᱨᱠᱥᱵᱟᱫᱤ) ᱨᱮᱱ ᱟᱫᱚᱢ ᱦᱚᱲ ᱑᱙᱖᱗ ᱥᱮᱨᱢᱟ ᱨᱮ ᱩᱱᱠᱩ ᱨᱮᱱ ᱟᱹᱜᱭᱩᱨᱤᱭᱟᱹ ᱠᱚ ᱵᱤᱨᱩᱫᱽ ᱠᱟᱛᱮ ᱥᱤᱧᱚᱛᱤᱭᱟᱹ ᱠᱚᱢᱤᱱᱤᱥᱴ ᱯᱟᱨᱴᱤ (ᱢᱟᱨᱠᱥᱵᱟᱫᱤ-ᱞᱮᱱᱤᱱᱵᱟᱫᱤ) ᱢᱤᱫᱴᱮᱱ ᱵᱮᱜᱟᱨ ᱦᱟᱰᱨᱟᱯ ᱠᱚᱸᱭᱮᱸᱯᱚᱱᱛᱷᱤ ᱫᱚ ᱠᱚ ᱵᱟᱱᱫᱷᱟᱣ ᱞᱮᱫᱟ| ᱱᱚᱣᱟ ᱦᱩᱞᱜᱟᱹᱨᱤᱭᱟᱹ ᱫᱚᱞ ᱠᱚ ᱟᱹᱭᱩᱨ ᱞᱮᱫᱟ ᱥᱟᱨᱩ ᱢᱚᱡᱩᱢᱫᱟᱨ ᱟᱨ ᱠᱟᱱᱩ ᱥᱟᱱᱱᱟᱞ ᱛᱟᱹᱠᱤᱱ| ᱱᱚᱝᱠᱟᱛᱮ ᱦᱩᱞ ᱨᱮᱭᱟᱜ ᱮᱛᱚᱦᱚᱵ ᱦᱚᱭ ᱞᱮᱱᱟ ᱑᱙᱖᱗ ᱥᱮᱨᱢᱟ ᱨᱮᱭᱟᱜ ᱒᱕ ᱢᱟᱹᱦᱤᱛ ᱨᱮ| ᱩᱱ ᱚᱠᱛᱮ ᱱᱟᱠᱥᱟᱞᱵᱟᱲᱤ ᱥᱟᱱᱛᱟᱞ-ᱟᱹᱫᱤᱵᱟᱹᱥᱤ ᱟᱹᱫᱩ ᱠᱚᱨᱮ ᱢᱟᱦᱟᱡᱚᱱ ᱠᱚ ᱵᱷᱟᱲᱟ ᱜᱩᱱᱰᱟᱣᱟᱜ ᱜᱚᱜᱲᱚ ᱛᱮ ᱵᱟᱹᱯᱩᱲᱤᱡ ᱥᱟᱱᱛᱟᱞ-ᱟᱹᱫᱤᱵᱟᱹᱥᱤ ᱪᱟᱹᱥᱤ ᱪᱮᱛᱟᱱ ᱨᱮ ᱱᱟᱦᱟᱪᱟᱨ ᱠᱚ ᱪᱟᱞᱟᱣᱮᱫ ᱠᱟᱱ ᱛᱟᱦᱮᱸᱠᱟᱱᱟ| ᱱᱚᱣᱟ ᱫᱚ ᱛᱟᱦᱮᱸᱠᱟᱱᱟ ᱱᱟᱠᱥᱟᱞ ᱟᱱᱫᱚᱲ ᱨᱮᱭᱟᱜ ᱯᱟᱹᱦᱤᱞ ᱫᱷᱟᱯ|
ᱥᱟ.ᱠᱷᱭᱟ.ᱛ
This article uses material from the Wikipedia ᱥᱟᱱᱛᱟᱲᱤ article ᱱᱟᱠᱥᱟᱞ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ᱥᱟᱱᱛᱟᱲᱤ (DUHOCTRUNGQUOC.VN) is an independent company and has no affiliation with Wiki Foundation.