Goats Head Soup er eit album av The Rolling Stones frå 1973.
Goats Head Soup Studioalbum av The Rolling Stones | ||
Språk | engelsk | |
Utgjeve | 31. august 1973 | |
Innspelt | 25. november–21. desember 1972 og 23. mai–20. juni 1973 i Dynamic Sound Studio i Kingston på Jamaica, utanom «Hide Your Love» som var spelt inn i De Doelen i Rotterdam i Nederland, sommaren 1973 | |
Sjanger | Bluesrock | |
Lengd | 46:56 | |
Selskap | Rolling Stones | |
Produsent | Jimmy Miller | |
The Rolling Stones-kronologi | ||
---|---|---|
Exile on Main St. (1972) | Goats Head Soup | It's Only Rock 'n Roll (1974) |
Singlar frå Goats Head Soup | ||
|
Det vart spelt inn som ein oppfølgjar til det kritikarroste Exile on Main St. Goats Head Soup hadde ein meir polert produksjon enn det rå og skranglete Exile. Musikken inneheldt den særeigne rockestilen til Stones, men no òg med element av soul-pop og funk. Den kanskje best kjende songen på albumet er «Angie», som vart ein stort hit verda over.
Meldingar | |
---|---|
Karakter | |
Kjelde | Karakter |
AllMusic | |
Robert Christgau | B |
The Great Rock Discography | 6/10 |
MusicHound | 2/5 |
NME | 6/10 |
Q | |
The Rolling Stone Album Guide | |
Stylus | positiv |
Virgin Encyclopedia of Popular Music |
Innspelinga av albumet starta så tidleg som 1970. To songar, «Silver Train» og «Hide Your Love», kom frå desse tidlege innspelingane og dukka opp att i november 1972 då bandet flytta til Kingston på Jamaica og Dynamic Sound Studios. Gitaristen Keith Richards sa i 2002, «Jamaica var eit av få land der alle fekk kome inn! På denne tida var Sveits det einaste landet eg kunne opphalde meg i, og det var ein kjedeleg stad for eg likte ikkje å stå på ski. Det var ni land eg ikkje fekk kome inn i.»
Den første songen som vart spelt inn i Dynamic var «Winter», som sologitaristen Mick Taylor har sagt starta med berre Mick Jagger på gitar i studio og at resten kom inn etter kvart.
Første singelen frå albumet, «Angie», var eit upopulært val som første singel hos Atlantic Records. Dei ønskte seg ein ny «Brown Sugar» og ikkje ein ballade. I motsetnad til kva mange trur, så handla ikkje songen om den første kona til David Bowie, Angela, men om dotter til Richards, Dandelion Angela, som var nyfødd då.
Trass i den tilbakelente stilen har mange av songane på Goats Head Soup ei mørk kjensle ved seg, som opningssongen «Dancing With Mr. D» (D som i death eller død) og singelen «Doo Doo Doo Doo Doo (Heartbreaker)», som kritiserer New York-politiet for å ha skote ein ti år gammal person ved eit uhell.
Dette var det siste Rolling Stones-album produsert av Jimmy Miller, som hadde arbeidd med bandet sidan Beggars Banquet i 1968. Miller utvikla eit narkotikamisbruk i løpet av åra han var med bandet.
I tillegg til dei offisielle bandmedlemmane spelte mellom andre Billy Preston, Nicky Hopkins og Ian Stewart på albumet.
Innspelinga vart gjort ferdig i januar 1973 i Los Angeles og mai 1973 i Olympic Sound Studios i London.
Singelen «Angie» kom ut før albumet og gjekk til topps verda over. Goats Head Soup kom ut seint i august 1973 og vart òg ein bestseljar som gjekk til førsteplass i mange land. The Rolling Stones la ut på turne i 1973 i Europa.
Albumet fekk variabel mottaking av musikkpressa. I dag vert Goats Head Soup generelt rekna som albumet som markerte slutten på «gullalderen» til the Stones. Jagger starta for fullt eit jetsett liv som rockestjerne, medan Richards vart meir og meir påverka av narkotikaproblema sine. Albumet vert ofte rekna for å mangle energien og gnisten i dei tidlegare albuma, men vart ein bestseljar som mellom anna selde til trippel platina i USA.
Alle songar er skrivne av Mick Jagger og Keith Richards.
Nr. | Tittel | Lengd |
---|---|---|
1. | «Dancing with Mr. D» | 4:53 |
2. | «100 Years Ago» | 3:59 |
3. | «Coming Down Again» | 5:54 |
4. | «Doo Doo Doo Doo Doo (Heartbreaker)» | 3:27 |
5. | «Angie» | 4:33 |
Nr. | Tittel | Lengd |
---|---|---|
6. | «Silver Train» | 4:27 |
7. | «Hide Your Love» | 4:12 |
8. | «Winter» | 5:31 |
9. | «Can You Hear the Music?» | 5:31 |
10. | «Star Star» | 4:25 |
The Rolling Stones
Andre medverkande
Teknisk
Vekeslister
| Årslister
Salstrofé
|
Føregangar Foreigner Cat Stevens | Toppen av VG-lista The Rolling Stones 6 veker, Veke 39–44, 1973 | Etterfylgjar Portrett Lillebjørn Nilsen |
Føregangar Stutum 2 Bjørn Sand & Totto Osvold | Toppen av VG-lista The Rolling Stones 1 veke, Veke 4 1974 | Etterfylgjar Band on the Run Paul McCartney & Wings |
This article uses material from the Wikipedia Nynorsk article Goats Head Soup, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Teksten er tilgjengeleg under CC BY-SA 4.0 om ikkje anna er oppgjeve. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Nynorsk (DUHOCTRUNGQUOC.VN) is an independent company and has no affiliation with Wiki Foundation.