Brit Pettersen
Brit Pettersen Tofte (fødd 29.
november">29. november 1961) er ein tidlegare norsk langrennar frå Lillehammer. Ho vart nummer to i verdscupen i langrenn både i 1982- og i 1983-sesongen, og nummer tre i 1985- og i 1986-sesongane. Til saman vann ho ti renn i verdscupen og kom på pallen 23 gongar. I løpet av si internasjonale skikarriere vann ho seks VM- og OL-medaljar. Ho tok ni gullmedaljar og fekk tre kongepokalar frå ulike NM på ski. Pettersen, som representerte Søre Ål IL, er gift med Hans Erik Tofte.
| Brit Pettersen | |
|
| |
| Statsborgarskap | Noreg |
| Fødd | 24. november 1961 (62 år) Lillehammer kommune |
| Idrett | langrenn, friidrett |
| Tok del i | Vinter-OL 1984, Vinter-OL 1980, Ski-VM 1982, Ski-VM 1985, Ski-VM 1987 |
| Utmerkingar | Holmenkollmedaljen, Porsgrunds Porselænsfabriks Ærespris |
Aktiv
Pettersen kom med i OL-troppen i 1980 og fekk gå opningsetappen på Noregs stafettlag som tok bronse etter DDR og Sovjetunionen. To år seinare fekk ho æra av å gå Noreg inn til VM-gull i 4x5 km stafett på heimebane i Holmenkollen, dei andre på laget var Anette Bøe, Inger Helene Nybråten og Berit Aunli. I same verdsmeisterskapen vart Pettersen nummer tre på 5 km og kom på fjerdeplassen på 10 km.
Saman med Nybråten og Aunli tok Pettersen ein ny stafettsiger under vinter-OL 1984, då saman med Anne Jahren. Pettersen gjekk sterke løp i alle OL-tevlingane i Sarajevo; ho tok bronsemedaljen på 10 km og vart nummer seks både på 5 km og 20 km. I VM 1985 i Seefeld vart ho nummer sju og sist av dei fem norske deltakarane på 5 km, dermed fekk ho ikkje plass på stafettlaget. Derimot gjekk ho inn til sølv på 20 km, ei tevling der dei fire norske utøvarane toppa resultatlista, med Grete Ingeborg Nykkelmo aller øvst.
Pettersen deltok på 5 km og 10 km i ski-VM 1987 i Oberstdorf. Ho sikra seg ein bronsemedalje på 10 km, og vart nummer seks på 5 km. Under vinter-OL 1988 i Calgary gjekk ho dei same to distansane, men måtte nøye seg med 11. og 14. plass. Ved sesongslutt i 1988 la ho opp som langrennsløpar.
Medaljar og besteplasseringar i internasjonale meisterskap
- Vinter-OL 1980 i Lake Placid: Bronsemedalje på stafetten
- Ski-VM 1982 i Oslo: Bronsemedalje på 5 km, gullmedalje på stafetten
- Vinter-OL 1984 i Sarajevo: Bronsemedalje på 10 km, gullmedalje på stafetten
- Ski-VM 1985 i Seefeld: Sølvmedalje på 20 km
- Ski-VM 1987 i Oberstdorf: Bronsemedalje på 10 km
- Vinter-OL 1988 i Calgary: Nr 11 på 5 km
Medaljar og besteplasseringar i noregsmeisterskap
- Ski-NM 1980: Bronsemedalje på 10 km og på 20 km i Asker
- Ski-NM 1981: Bronsemedalje på 5 km og 10 km på Eidsvoll
- Ski-NM 1982: Gullmedalje på 20 km, sølv på 5 km og på 10 km
- Ski-NM 1983: Gullmedalje på 5 km og 20 km, bronse på 10 km på Lillehammer
- Ski-NM 1984: Gullmedalje på 5 km og 10 km i Hof
- Ski-NM 1985: Sølv på 5 km og 20 km, bronse på 10 km i Tromsø
- Ski-NM 1986: Gullmedalje på 10 km og sølv på 20 km på Vang
- Ski-NM 1987: Gullmedalje på 5 km i Steinkjer
- Ski-NM 1988: Sølvmedalje på 10 km på Vang
Ymse
I 1983 mottok Pettersen Porsgrunds Porselænsfabriks Ærespris og i 1986 vart ho tildelt Holmenkollmedaljen.
Ymse
Pettersen har arbeidd i forsikringsbransjen og seinare utstyrsfirmaet Swix. Ein periode var ho styremedlem i Norges Skiforbund.
Kjelder
- Sportsboken, aktuelle årgangar
Bakgrunnsstoff
- «Brit Pettersen» (på engelsk). Olympedia.
This article uses material from the Wikipedia Nynorsk article Brit Pettersen, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Teksten er tilgjengeleg under CC BY-SA 4.0 om ikkje anna er oppgjeve. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Nynorsk (DUHOCTRUNGQUOC.VN) is an independent company and has no affiliation with Wiki Foundation.