အရေးကြီးပြီ
အရေးကြီးပြီ (သွေးသစ္စာ) သီချင်းသည် စိတ်ဓာတ်ခွန်အားပေးသော တော်လှန်ရေးသီချင်းတစ်ပုဒ်ဖြစ်သည်။ ဤသီချင်းသည် ၂၀၂၁ မြန်မာနိုင်ငံစစ်အာဏာသိမ်းခံရခြင်းဖြစ်ရပ် ပြီးနောက် ပေါ်ပေါက်လာခဲ့သော မြန်မာနိုင်ငံနေရာအနှံ့က ဆန္ဒပြပွဲများအတွင်း ပြန်လည်ရေပန်းစားလာခဲ့ကာ သီဆိုကြွေးကြော်ကြသော သီချင်းတစ်ပုဒ်လည်းဖြစ်လာခဲ့သည်။ သီချင်းကို တေးရေး/တေးဆို ထူးအိမ်သင် က ရေးစပ်ခဲ့၍ မွန်းအောင်က သီဆိုခဲ့သည်။ ၂၀၂၁ မတ်လ တွင် ဤသီချင်းကို သံစုံတီးဝိုင်းဖြင့် တီးခတ်ကာ ပြည်သူများ၏ ကြွေးကြော်သံများကိုပါထည့်သွင်း၍ စိတ်အားတက်ဖွယ်ပုံစံအသစ်ဖြင့် ဖန်တီးသီဆိုခဲ့ကြသည်။
ဖြစ်ပေါ်လာပုံ
၁၉၈၉ ခုနှစ်တွင် မြန်မာနိုင်ငံလုံးဆိုင်ရာကျောင်းသားများဒီမိုကရက်တစ်တပ်ဦး မြေအောက်စခန်း၌ တေးရေး ထူးအိမ်သင် တောခိုစဉ်က ရေးသားခဲ့၍ ၁၉၉၁ ခုနှစ်တွင် အဆိုတော် မွန်းအောင်က ဘန်ကောက်မြို့တွင် သီဆို အသံသွင်းခဲ့ပြီး ၁၉၉၂ ခုနှစ်တွင် ဘန်ကောက်မြို့၌ပင် လျှို့ဝှက် ဖြန့်ချိခဲ့သည်။ သီချင်းသည် ၁၉၉၂ နောက်ပိုင်း စစ်အာဏာရှင် ဆန့်ကျင်ရေးနှင့် ဒီမိုကရေစီလှုပ်ရှားမှုများတွင် ချီတက်သီချင်းတစ်ပုဒ် ဖြစ်လာခဲ့သည်။ သီချင်း မူပိုင်ခွင့် နှင့်ပက်သက်၍လည်း ဒီမိုကရေစီအရေးလှုပ်ရှားမှု အခမ်းအနားများတွင် လွတ်လပ်စွာသုံးစွဲပိုင်ခွင့် ရှိသည်ဟု မူပိုင်ခွင့်တာဝန်ရှိသူ အဆိုတော် မွန်းအောင်က ဖွင့်ဟပြောကြားခဲ့သည်။
သီချင်းစာသား
"အရေးကြီးပြီ ညီနောင်အပေါင်းတို့ ... သွေးစည်းကာ ညီစေညီကြစို့ ....
ငါတို့ရဲ့ သမိုင်းတစ်ခေတ်ကို ငါတို့သွေးနဲ့ ရေးခဲ့သည် ... သွေး သစ္စာလည်း ပြုခဲ့ပြီ ...
အရေးကြီးပြီ ညီနောင်အပေါင်းတို့ ... သွေးစည်းကာ ညီစေညီကြစို့ ...
ငါတို့ရဲ့ သမိုင်းတစ်ခေတ်ကို ငါတို့သွေးနဲ့ ရေးခဲ့သည် ... သွေး သစ္စာလည်း ပြုခဲ့ပြီ ...
နိုင်ငံတော်အတွက်ဆို အသက်ကိုလည်း ဘာမထီ ... သေပါစေ ခွပ်ဒေါင်းသွေးဟေ့ ရဲရဲရှေ့ကိုချီ
နိုင်ငံတော်အတွက်ဆို အသက်ကိုလည်း ဘာမထီ ... သေပါစေ ခွပ်ဒေါင်းသွေးဟေ့ ရဲရဲရှေ့ကိုချီ
လွပ်လပ်ခွင့်နဲ့ ငြိမ်းချမ်းရေးအတွက်ရည် ... အဆုံးသတ်တိုက်ပွဲ ငါတို့နွှဲရမည်
အခြားကြည့်ရန်
ကိုးကား
 | ဤ မြန်မာနိုင်ငံနှင့် သက်ဆိုင်သော ဆောင်းပါးမှာ ဆောင်းပါးတိုတစ်ပုဒ် ဖြစ်သည်။ ဖြည့်စွက်ရေးသားခြင်းဖြင့် မြန်မာဝီကီပီးဒီးယားကို ကူညီပါ။ |
This article uses material from the Wikipedia မြန်မာဘာသာ article အရေးကြီးပြီ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). အကြောင်းအရာများကို အခြားမှတ်ချက်မရှိပါက CC BY-SA 4.0 အောက်တွင် ရရှိနိုင်ပါသည်။ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki မြန်မာဘာသာ (DUHOCTRUNGQUOC.VN) is an independent company and has no affiliation with Wiki Foundation.