ဒိုင်းခင်ခင် (၁၈၆၃ ဝန်းကျင် - ၁၈၈၂) သည် သီပေါမင်းလက်ထက် စုဖုရားလတ်အောက်ရှိ အပျိုတော်ဖြစ်ပြီး သီပေါမင်းနှင့် နောက်တိုးသံယောဇဉ်ပြဿနာကြောင့် လူသိများခဲ့သည်။ သီပေါမင်းက တောင်နန်းစံမိဖုရားရာထူးပေးမည်ဖြစ်ကာ မည်သူ၏ရန်ပြုမှုမှမရှိစေရန် 'ကတိဖျက်ပါက ထီးနန်းကိုဆုံးရှုံးရပြီး၊ တိုင်းပြည်ပျက်ပါစေသား'ဟု ကတိသစ္စာကျိန်ဆိုခဲ့သော်လည်း စုဖုရားလတ်၏ ဒိုင်းခင်ခင်အားအဆုံးစီရင်စေမှုကိုလျစ်လျူရှုခဲ့ခြင်းကြောင့် သီပေါမင်း၏ကိုယ်ဝန်ကိုလွယ်ထားလျက်နှင့် အဆုံးစီရင်ခံခဲ့ရသည်။
ဤဆောင်းပါးကို ဝီကီစံနှင့် ကိုက်ညီစေရန် ပြင်ဆင်တည်းဖြတ်ရန် လိုအပ်နေသည်။ အကယ်၍သင်ပြင်ဆင်နိုင်ပါက ဤဆောင်းပါးအား တိုးတက်စေရန် ကျေးဇူးပြု၍ ပြင်ဆင်ပေးပါ။ ဆွေးနွေးချက် စာမျက်နှာတွင် အကြံပေးမှုများ ပါဝင်လိမ့်မည်။ |
ဤ ဆောင်းပါးသည် စိစစ်အတည်ပြုနိုင်ရန်အတွက် နောက်ထပ်ကိုးကားချက်များ လိုအပ်နေသည်။ |
ဒိုင်းခင်ခင် | |
---|---|
မွေးဖွား | ခင်ခင်ကြီး c. 1863 ကုန်းဘောင် |
ကွယ်လွန် | ဧပြီ ၁၈၈၂ အကျဉ်းထောင် |
နိုင်ငံလူမျိုး | ဗမာ |
အခြား အမည်များ | ဆွဲရ |
တက်ကြွလှုပ်ရှားနှစ်များ | ၁၇ |
ကျော်ကြားမှုအရင်းခံ | စုဖုရားလတ်၏ အပျိုတော်၊ ေြမာက်နန်းမိဖုရားအရာကို ချီးမြှင့်မယ် ဟုလျာထား ခြင်းခံရ ဖူးသူ |
ကနီမြို့စားနှင့် မြို့စားကတော်တို့မှ ၁၈၆၃-ခု ဝန်းကျင်၌ မွေးဖွားသည်။ အမွေးခက်သဖြင့် ဆွဲရ ဟု ငယ်မည်တွင်သည်။ အမည်ရင်းမှာ ခင်ခင်ကြီး ဖြစ်သည်။
နောင်သော် သားသမီးမထွန်းကားသော ဒိုင်းအတွင်းဝန် ဦးဘိုကြီးနှင့် ဒိုင်းဝန်ကတော်တို့က မွေးစားသဖြင့် ဒိုင်းခင်ခင်ဟူ၍ အမည်တွင်လာသည်။ ကနီမြို့စားမှာ ဝန်ကတော်၏မောင် တော်စပ်သည်။
သီပေါမင်း လက်ထက်၌ ပြိုင်ဘက်ဖြစ်လာနိုင်သော မင်းညီမင်းသားအားလုံးကို သုတ်သင်ပြီးနောက် ဇာတာတက်စေရန် သီရိပဝေသနာ ရာဇဘိသေက ထပ်ရန် ကြံသည်။ နဝရတ်ခြယ် ရွှေဖလားကိုင်ရန် အပျိုတော်ရွေးရာ မောင်မောင်တုတ်က ဒိုင်းခင်ခင်ကို စာရင်းသွင်းသဖြင့် ဖလားကိုင်ရပြီး စုဖုရားလတ်၏ အပျိုတော်ဖြစ်လာသည်။
ငယ်သူငယ်ချင်း မောင်ဖေငယ်က ဒိုင်းခင်ခင်အားလည်းကောင်း၊ မောင်မောင်တုတ်က သီပေါမင်းအားလည်းကောင်း ဘေးတီးရာ စုံမက်သွားကြသည်။ စုဖုရားလတ်မှာ ဒုတိယကိုယ်ဝန်ဆောင်စဉ်ဖြစ်၍ သီပေါမင်းနှင့် လက်လှမ်းမီခဲ့သည်။ မီးဖွားပြီးနောက် တောင်ဥယျာဉ် ပန်းခုံတော်၌ လူပျိုတော်အသွင် ဝတ်ဆင်ကာ သီပေါမင်းနှင့် ချိန်းတွေ့နေသော ဒိုင်းခင်ခင်ကို စုဖုရားလတ်မိ၍ ရိုက်နှက်ကာ ထောင်သွင်းချသည်။
၁၈၈၂-ခု၊ ဧပြီလတွင် ညချမ်းအချိန်၌ တိုင်းတာမင်းကြီး၏ မြင်းဇောင်းအတွင်း နန်းဝတ်နန်းစားများချွတ်စေကာ ဒူးထောက်၊ ဦးမော့ကာ လည်မြိုအား ဝါးစိမ်းတုတ်နှင့် ရိုက်လျက် အဆုံးစီရင်ခံရသည်။ အဆုံးမစီရင်မီ သီပေါမင်း၏မျက်နှာတော်အား မော်ဖူးခွင့်ရရန် အသနားခံပါသော်လည်း သီပေါမင်းကလျစ်လျူရှူခဲ့သည်။ အဆုံးစီရင်ချိန်တွင် သီပေါမင်း၏ နန်းသွေးအားလွယ်ထားရပြီး ကိုယ်ဝန်ရင့်မာချိန်ဖြစ်သည်။ မွေးစားမိဘများဖြစ်သည့် ဒိုင်းဝန်နှင့် ဒိုင်းဝန်ကတော်တို့သည်လည်း အဆစ်ပါ အဆုံးစီရင်ခံရသည်။
This article uses material from the Wikipedia မြန်မာဘာသာ article ဒိုင်းခင်ခင်, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). အကြောင်းအရာများကို အခြားမှတ်ချက်မရှိပါက CC BY-SA 4.0 အောက်တွင် ရရှိနိုင်ပါသည်။ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki မြန်မာဘာသာ (DUHOCTRUNGQUOC.VN) is an independent company and has no affiliation with Wiki Foundation.