သွားကိုက်ခြင်း
သွားပိုးစားရောဂါ သို့မဟုတ် သွားဖုံးရောဂါများကြောင့် သွားနာခြင်းကို သွားကိုက်ခြင်းဟု ခေါ်သည်။ သွားရောဂါ များကြောင့်ဖြစ် နိုင်သလို သွားကြောင့်မဟုတ်ပဲ တစ်ခြားရောဂါများကြောင့်လည်း ဖြစ်နိုင်သည်။ အဓိက ဖြစ်စေသော အကြောင်းအရာများအရာများမှာ သွားပိုးစားရောဂါသည် မွသွားလွှာအထိ ရောက်သွားသောကြောင့်၎င်း၊ သွားကိုထိခိုက်မိသောကြောင့်၎င်း သွားမြစ်ထိပ် ပြည်တည်နာများကြောင့် သော်လည်းကောင်း သွားမျက်နှာပြင်ပေါ်တွင် ကြွေလွှာများပြုန်းတီး၍ ဆင်စွယ်လွှာပေါ်လာခြင်းကြောင့် ၎င်း ဖြစ်စေနိုင်သည်။
သွားကိုက်ခြင်းဖြစ်စေသော အကြောင်းအရာများ
- သွားနှင့်ပက်သက်၍သွားကိုက်ခြင်း
- အခြားရောဂါများကြောင့် သွားကိုက်ခြင်း
သွားနှင့်ပက်သက်၍သွားကိုက်ခြင်း
၁။မွသွားလွှာရောင်ခြင်း
သွားတစ်ချောင်းဖွဲ့စည်းမှုတွင် အတွင်းဆုံးအလွှာမှာ မွသွားလွှာဖြစ်ပြီး ထိုအလွှာထဲတွင် နာကျင်မှကို ခံစားရသော အာရုံကြောများ သွေးကြောများတည်ရှိခြင်းကြောင့် သွားပိုးစားရောဂါဟာ မွသွားလွှာကို ရောက်နေပြီဆိုပါက သွားကိုက်ခြင်းကို ခံစားရမည်ဖြစ်သည်။
၂။သွားကျင်ခြင်း
မွသွားလွှာ၏ အပေါ်ရှိ ဆင်စွယ်လွှာတွင် မွသွားလွှာနှင့်ဆက်ထားသော tubules များရှိနေခြင်းကြောင့် ဆင်စွယ်လွှာတွင် သွားပိုးစားခြင်း ကြွေလွှာပြုန်းတီးခြင်းကြောင့် ဆင်စွယ်လွှာပေါ်နေမည် ဆိုပါကလည်း သွားကိုက်ခြင်းကိုခံစားရမည်ဖြစ်သည်။
သွားဖုံးရောဂါများ
သွားပတ်ပတ်လည်ရှိ သွားဖုံးများရောင်ရမ်းခြင်း သွားဖုံးများပြည်တည်ခြင်းကြောင့်လည်း သွားကိုက်ခြင်းကို ဖြစ်ပေါ်စေသည်။
ထိခိုက်မိခြင်း
သွားကို ထိခိုက်မိ၍ဖြစ်စေ မာကျောသောအရာများကို ကိုက်မိ၍ဖြစ်စေ သွားမျက်နှာပြင်အက်ပြီး မွသွားလွှာကို ထိသွားလျှင်လည်း သွားကိုက်ခြင်း ဖြစ်နိုင်သည်။
This article uses material from the Wikipedia မြန်မာဘာသာ article သွားကိုက်ခြင်း, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). အကြောင်းအရာများကို အခြားမှတ်ချက်မရှိပါက CC BY-SA 4.0 အောက်တွင် ရရှိနိုင်ပါသည်။ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki မြန်မာဘာသာ (DUHOCTRUNGQUOC.VN) is an independent company and has no affiliation with Wiki Foundation.