Sir Ahmed Salman Rushdie,Kt.
(احمد سلمان رشدی, /sælˈmɑːm ˈrʊʃdi/;Bombain, 19 de Júnio de 1947) ye un ansaísta i outor de fiçon británico d'ourige andiana. Creciu an Mumbai (antiga Bombain) i studou na Anglaterra, adonde se formou cun agabon (with honours) ne l King's College, Ounibersidade de Cambridge. L sou stilo narratibo, mesclando l mito i la fantasia cula bida rial, ten sido çcrito cumo conetado cul rialismo mágico. Rushdie casou-se cula famosa atriç i modelo andiana Padma Lakshmi, de quien anunciou dibórcio an júlio de 2007.
Rushdie fui cundecorado an 15 de júnio de 2007 cumo Cabalheiro Celibatário (Knight Bachelor), fato que probocou dibersos protestos ne l mundo eislámico.
Streou na literatura an 1975 cul romance Grimus.
Duonho dun stilo própio i dominando eicelentes técnicas de narraçon, Rushdie yá era un outor cunsagrado quando benceu l Prémio Booker an 1981 cula obra Ls Filhos de la Meia-Nuite.
Tornou-se ancumparabelmente mais famoso passado la publicaçon de l libro Bersos Satánicos (títalo ne l Brasil) ó Ls Bersiclos Satánicos (títalo an Pertual), an 1989 (que cundenaba l Eislon por perseguiçon contra bárias religiones crestianas i hindus), que causou cuntrobérsia ne l mundo Eislámico, debido l'este libro tener sido cunsidrado oufensibo al profeta Maomé. A 14 de Febreiro de 1989, la fatwa ourdenando la sue eisecuçon fui proferida pul Aiatolá Ruhollah Khomeni, líder de l Eiran, chamando l sou libro de "blasfémia contra l Eislon". Para para alhá desso, Khomeni cundenou Rushdie pul crime de "apostasia" - fomentar l'abandono de la fé eislámica - l que d'acuordo cula Hadith ye punible cula muorte. Esto porque Rushdie quemunicaba atrabeç de l romance que yá nun acraditaba ne l Eislon. Khomeni ourdenou a todos ls "muçulmanos zelosos" l deber de tentar assassinar l scritor, ls eiditores de l libro que soubissen de ls cunceitos de l libro i quien tomasse coincimiento de sou cuntenido, cunforme la fatwa. Debido l'este fatos Rushdie fui fuorçado a bebier ne l'anonimato por muitos anhos.
L'obra anfanto-jubenil Haroun i l Mar de Stórias fui scrita pul outor cumo ua forma de splicar al sou filho por que rezon tenie perdido la libardade de spresson.
Cul sou purmeiro romance pós-fatwa, antitulado L Radadeiro Suspiro de l Mouro, fui bencedor de l Prémio Whitebread..
This article uses material from the Wikipedia Mirandés article Salman Rushdie, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Cuntenido çponibelizado ne ls termos de la CC BY-SA 4.0, salbo andicaçon an cuntrairo. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Mirandés (DUHOCTRUNGQUOC.VN) is an independent company and has no affiliation with Wiki Foundation.