f
Килиманжаро уул свах. Kilimanjaro, Англи: Mount Kilimanjaro | ||
---|---|---|
Кибо тогоо, Килиманжаро уул | ||
Байрлал | Танзани | |
Солбицол | , 37° 21′ 33″ З3° 4′ 0″ Ө, 37° 21′ 33″ З | |
| ||
Төрөл | Давхаргат галт уул | |
Онцлог | Африк тивийн хамгийн өндөр уул, дэлхийн байгалийн өв, байгалийн цогцолборт газар | |
Килиманжаро уулын 3D график |
Килиманжаро уул (мөн Килиманжаро хөвч уул, Англи: Kilimanjaro эсвэл Mount Kilimanjaro) нь Танзани улсын нутагт, дэлхийн экватороос урагш 350 км, Энэтхэгийн далайгаас 280 км, Викториа нуураас 400 км зайд байрлах галт уул юм. Уг уул нь Кибо, Мавенси, Шира гэсэн 3 тогоотой. Килиманжаро нь далайн түвшнээс дээш 5895 м өндөрт өргөгдсөн Африк тивийн хамгийн өндөр хөвч уул юм. Танзанийн зүүн хойд хэсэгт орших энэхүү хөвч ууланд Африк тивийн хамгийн өндөр уул болох Кибо байдаг.
1987 онд энэ нутгийг ЮНЕСКО-оос дэлхийн байгалийн өвд бүртгэн авчээ. Килиманжарогийн байгалийн цогцолборт газар нь бүр 1973 оноос хойш байсан. Оргилын мөнх цас нь хэдийгээр зузаан боловч дэлхийн дулаарлаас шалтгаалан ихээхэн нимгэрсэн бөгөөд 1912 оноос 2020 оныг хүртэл мөсөн давхаргын 85 % алга болсон бол 2030 он гэхэд бүрмөсөн хайлж дуусна гэсэн судалгаа байгаа аж.
Килиманжаро хөвч уул нь экватороос урагш 350 км зайтай, Дар-эс-Салам хотоос баруун хойд зүгт ойролцоогоор 500 км-ийн зайтай, Кенийн хилийн ойроолцоо оршдог. Энэ хөвчийн эргэн тойронд 750-1000 м өндөр байхад дорно зүгт 2463 м өндөр Парегийн нурууг өнгөрөөд Энэтхэгийн далайг хүртэл алгуур намсана. Харин баруун болон хойд зүгт Танзани, Кенийн уулархаг бүстэй, өмнө зүгт Массаин тал руу уусна.
This article uses material from the Wikipedia Монгол article Килиманжаро, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Тусгай тайлбар байхгүй бол энэ агуулгыг CC BY-SA 4.0 лицензийн дагуу хэрэглэх боломжтой. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Монгол (DUHOCTRUNGQUOC.VN) is an independent company and has no affiliation with Wiki Foundation.