Kilimandjaro

Met sy hoogte van 5 895 meter is dit die hoogste berg in Afrika, asook die hoogste alleenstaande berg ter wêreld. Die massief bestaan uit die drie vulkane: Kibo, Mawenzi en Shira. Dit is een van die Vulkaniese Sewe Kruine.

Kilimandjaro
Berg Kilimandjaro
Ligging	Kilimandjaro-gebied, Tanzanië; histories: Duits-Oos-Afrika
Hoogte	5 895 meter bo seevlak
Reeks	Alleenstaande berg in die Kilimandjaro-massief
Koördinate	3°4′33″S 37°21′12″O / 3.07583°S 37.35333°O / -3.07583; 37.35333 37°21′12″O / 3.07583°S 37.35333°O / -3.07583; 37.35333
Bergtipe	Stratovulkaan
Eerste bestyging	1899
Eerste bestyger(s)	Hans Meyer Ludwig Purtscheller
Maklikste roete	Voetslaan
Kilimandjaro

Tussen 1885 en 1918 was die berg die hoogste punt op Duitse gebied (Duits-Oos-Afrika) en vanaf 1902 tot 1918 is die berg ná Keiser Wilhelm Kaiser-Wilhelm-Spitze of Wilhelmskuppe genoem. Die Kilimandjaro Nasionale Park is in 1987 deur Unesco as wêrelderfenisgebied gelys.

Die hoogste punt op die berg staan bekend as Uhuru-piek (Swahili vir: "Vryheid") . Daar is sewe roetes wat lei na Uhuru-piek met slegs een wat werklike klimwerk vereis. Die temperatuur daal tot by -30 °C bo-op die berg.

Roetes na die bergtop neem 5-8 dae. Hoe meer tyd bestee word om te klim, hoe makliker sal dit wees om te akklimatiseer.

• Wiki Afrikaans  Wiki Commons het meer media in die kategorie Kilimandjaro.
• (en) (fr) Amptelike Unescobladsy
• (en) "Kilimanjaro". Encyclopædia Britannica. Besoek op 9 Junie 2017.