മലയാള ചലച്ചിത്ര സംഗീത സംവിധായകൻ, കർണാടക സംഗീതഞ്ജൻ, എന്നീ നിലകളിൽ പ്രശസ്തനായ ലളിതഗാനങ്ങളുടെ ചക്രവർത്തി എന്ന പേരിലറിയപ്പെടുന്ന കലാകാരനായിരുന്നു എം.ജി.രാധാകൃഷ്ണൻ.(1940-2010) ആകാശവാണിക്ക് വേണ്ടി അദ്ദേഹം ചിട്ടപ്പെടുത്തിയ ലളിത ഗാനങ്ങൾ ചലച്ചിത്ര ഗാനങ്ങളോളം തന്നെ ജനപ്രിയവും കേരളത്തിലെ കലോത്സവ വേദികളിൽ ഏറ്റവുമധികം ആലപിക്കപ്പെടുന്നവയും ആണ്.
സൂപ്പർഹിറ്റ് സിനിമാ ഗാനങ്ങൾക്കും അദ്ദേഹം സംഗീതം പകർന്നു നൽകി.
എം.ജി.രാധാകൃഷ്ണൻ | |
---|---|
ജനനം | 1940 ജൂലൈ 29 ഹരിപ്പാട്, മാവേലിക്കര, ആലപ്പുഴ ജില്ല |
മരണം | ജൂലൈ 2, 2010 തിരുവനന്തപുരം | (പ്രായം 69)
തൊഴിൽ | ചലച്ചിത്ര സംഗീത സംവിധായകൻ, ഗായകൻ |
സജീവ കാലം | 1978 - 2010 |
ജീവിതപങ്കാളി(കൾ) | പത്മജ |
കുട്ടികൾ | 2 |
ദക്ഷിണേന്ത്യയിലെ നാടകവേദികളിൽ ഏറെ പ്രശസ്തനായിരുന്ന സംഗീതഞ്ജൻ മലബാർ ഗോപാലൻറെയും ഹരികഥാ കലാക്ഷേപകാരിയായിരുന്ന കമലാക്ഷി മാരാസ്യാരുടേയും മൂത്ത മകനായി 1940 ജൂലൈ 29ന് ആലപ്പുഴ ജില്ലയിലെ മാവേലിക്കര താലൂക്കിലെ ഹരിപ്പാട് ഒരു അമ്പലവാസി കുടുംബത്തിൽ ജനനം. പ്രശസ്ത പിന്നണി ഗായകനായ എം.ജി.ശ്രീകുമാർ, കർണ്ണാടക സംഗീതഞ്ജ ഡോ. കെ ഓമനക്കുട്ടി എന്നിവർ സഹോദരങ്ങളാണ്. ഹരിപ്പാട് ബോയ്സ് സ്കൂളിൽ നിന്ന് പ്രാഥമിക വിദ്യാഭ്യാസം നേടിയ രാധാകൃഷ്ണൻ അലപ്പുഴ എസ്.ഡി.കോളേജിൽ പ്രീഡിഗ്രിക്ക് പഠിക്കുമ്പോൾ തന്നെ സംഗീതത്തിൻ്റെ വഴിയെ തന്നെ ആയിരുന്നു. തിരുവനന്തപുരം സ്വാതി തിരുനാൾ സംഗീത അക്കാദമിയിൽ നിന്ന് ഗാനഭൂഷണത്തിൽ ബിരുദം നേടിയ ശേഷം കേരളത്തിനകത്തും പുറത്തുമായി നിരവധി സംഗീത കച്ചേരികൾ നടത്തി.
1962-ൽ ആകാശവാണിയിൽ തംബുരു ആർട്ടിസ്റ്റായി ജീവിതം ആരംഭിച്ച എം.ജി.രാധാകൃഷ്ണൻ 2000 വരെ ആകാശവാണിയിൽ ജീവനക്കാരനായിരുന്നു. നിരവധി പ്രഗത്ഭരായ സംഗീത സംവിധായകർക്കൊപ്പം ആകാശവാണിയിൽ ജോലി ചെയ്യാൻ സാധിച്ചത് ലളിത സംഗീതത്തിലും ശാസ്ത്രീയ സംഗീതത്തിലുമുള്ള കഴിവുകളെ കൂടുതൽ മെച്ചപ്പെടുത്താൻ സഹായിച്ചു.
ഓടക്കുഴൽ വിളി ഒഴുകിയൊഴുകി വരും... ജയദേവകവിയുടെ ഗീതികൾ... ഘനശ്യാമസന്ധ്യാ ഹൃദയം... പ്രാണസഖി നിൻ മടിയിൽ... തുടങ്ങിയ ഗാനങ്ങളാണ് എം.ജി.രാധാകൃഷ്ണൻ സംഗീത സംവിധാനം നിർവഹിച്ച ലളിത ഗാനങ്ങൾ.
പിന്നണി ഗായകനായാണ് സിനിമയിലെത്തിയത് എങ്കിലും സംഗീത സംവിധാന രംഗത്താണ് പിൽക്കാലത്ത് ഏറെ പ്രശസ്തനായത്. 1969-ൽ റിലീസായ കള്ളിച്ചെല്ലമ്മ എന്ന ചിത്രത്തിലെ ഉണ്ണി ഗണപതിയെ എന്ന ഗാനമാണ് ആദ്യമായി രാധാകൃഷ്ണൻ ആലപിച്ച ഗാനം. 1978-ൽ റിലീസായ തമ്പ് എന്ന ചിത്രമാണ് ആദ്യമായി സംഗീതസംവിധാനം ചെയ്ത സിനിമ.
ചാമരം, ഞാൻ ഏകനാണ്, ജാലകം, രാക്കുയിലിൻ രാഗസദസിൽ, അയിത്തം, ദേവാസുരം, മണിചിത്രത്താഴ്, അദ്വൈതം, മിഥുനം, അഗ്നിദേവൻ, രക്തസാക്ഷികൾ സിന്ദാബാദ്, കണ്ണെഴുതി പൊട്ടുംതൊട്ട് തുടങ്ങി എൺപതിലധികം സിനിമകൾക്ക് അദ്ദേഹം ഗാനങ്ങൾ ചിട്ടപ്പെടുത്തി.
2001-ൽ അച്ഛനെയാണെനിക്കിഷ്ടം, 2006-ൽ അനന്തഭദ്രം എന്നി സിനിമകൾക്ക് നൽകിയ സംഗീത സംവിധാനത്തിന് മികച്ച സംഗീത സംവിധായകർക്കുള്ള സംസ്ഥാന പുരസ്കാരം ലഭിച്ചു.
കെ.എസ്.ചിത്ര, ജി.വേണുഗോപാൽ, കെ.എസ്.ബീന, അരുന്ധതി തുടങ്ങിയ ഒട്ടേറെ ചലച്ചിത്ര പിന്നണി ഗായകരെ മലയാളസംഗീതത്തിന് ആദ്യമായി പരിചയപ്പെടുത്തിയത് എം.ജി.രാധാകൃഷ്ണനാണ്.
കരൾ രോഗത്തിന് ചികിത്സയിലിരിക്കെ 2010 ജൂലൈ 2ന് തിരുവനന്തപുരത്തെ സ്വകാര്യ ആശുപത്രിയിൽ വച്ച് അന്തരിച്ചു.
സ്വകാര്യ ജീവിതം
ആലപിച്ച ഗാനങ്ങൾ
കള്ളിച്ചെല്ലമ്മ 1969
കുമാരസംഭവം 1969
അഭയം 1970
നിങ്ങളെന്നെ കമ്മ്യൂണിസ്റ്റാക്കി 1970
ഒതേനൻ്റെ മകൻ 1970
പുത്തൻവീട് 1971
ശരശയ്യ 1971
മഴക്കാറ് 1973
തമ്പ് 1978
താളം മനസിൻ്റെ താളം 1981
ഞങ്ങളുടെ കൊച്ച് ഡോക്ടർ 1989
പൂരം 1989
സ്വാഗതം 1989
അഭയം 1989
അമ്മയാണെ സത്യം 1993
ദേവാസുരം 1993
കുസൃതി 2003
ആരവം 1978
ഞാൻ ഏകനാണ് 1982
ഒരു തിര പിന്നെയും തിര 1982
രാക്കുയിലിൻ രാഗസദസിൽ 1986
ജാലകം 1987
സർവകലാശാല 1987
അദ്വൈതം 1992
മിഥുനം 1993
ദേവാസുരം 1993
മണിചിത്രത്താഴ് 1993
കാശ്മീരം 1994
തക്ഷശില 1995
അഗ്നിദേവൻ 1995
കുലം 1997
രക്തസാക്ഷികൾ സിന്ദാബാദ് 1998
കണ്ണെഴുതി പൊട്ടും തൊട്ട് 1999
സാഫല്യം 1999
സ്റ്റാലിൻ ശിവദാസ് 1999
നരസിംഹം
പൈലറ്റ്സ് 2000
കാറ്റ് വന്ന് വിളിച്ചപ്പോൾ 2000
നരിമാൻ 2001
അച്ഛനെയാണെനിക്കിഷ്ടം 2001
പ്രജ 2001
മേഘസന്ദേശം 2001
അനന്തഭദ്രം 2005
This article uses material from the Wikipedia മലയാളം article എം.ജി. രാധാകൃഷ്ണൻ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). പ്രത്യേകം പറയാത്ത പക്ഷം ഉള്ളടക്കം CC BY-SA 4.0 പ്രകാരം ലഭ്യം. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki മലയാളം (DUHOCTRUNGQUOC.VN) is an independent company and has no affiliation with Wiki Foundation.