നാലു പതിറ്റാണ്ടോളം മലയാള സിനിമയിൽ നിറഞ്ഞു നിന്ന ചലച്ചിത്ര അഭിനേതാവും നിർമ്മാതാവുമായിരുന്നു പ്രതാപചന്ദ്രൻ (1941-2004) മുന്നൂറിലധികം ചിത്രങ്ങളിൽ അഭിനയിച്ച അദ്ദേഹം വില്ലൻ വേഷങ്ങളിലാണ് കൂടുതലും ശ്രദ്ധേയനായത്.
ഒരു സി.ബി.ഐ ഡയറിക്കുറിപ്പ്, കോട്ടയം കുഞ്ഞച്ചൻ, തനിയാവർത്തനം എന്നിവയാണ് പ്രധാന സിനിമകൾ.
പ്രതാപചന്ദ്രൻ | |
---|---|
ജനനം | 1941 |
മരണം | 2004 (വയസ്സ് 62–63) |
ദേശീയത | ഇന്ത്യ |
തൊഴിൽ | അഭിനേതാവ്, പ്രൊഡ്യൂസർ, മലയാളം സിനിമ |
സജീവ കാലം | 1962–2004 |
ജീവിതപങ്കാളി(കൾ) | ചന്ദ്രിക |
കുട്ടികൾ | അനൂപ്, ദീപക് പ്രതിഭ |
പത്തനംതിട്ട ജില്ലയിലെ ഓമല്ലൂർ സ്വദേശിയായ പ്രതാപചന്ദ്രൻ 9-ാം ക്ലാസ് വരെ പഠിച്ചുള്ളുവെങ്കിലും സ്കൂൾ പഠനകാലത്ത് കലാരംഗത്ത് പ്രശസ്തനായിരുന്നു. 1955-ൽ തൻ്റെ പതിനാലാം വയസിൽ അഭിനയമോഹവുമായി മദ്രാസിലെത്തിയെങ്കിലും സിനിമയിൽ കാര്യമായ അവസരങ്ങളൊന്നും ലഭിച്ചില്ല. 1958 വരെ മദ്രാസിൽ താമസിച്ച് മദ്രാസിലെ മലയാളി അസോസിയേഷൻ്റെ റേഡിയോ നാടകങ്ങളിൽ അഭിനയിച്ചു പോന്നു.
1962-ൽ റിലീസായ വിയർപ്പിൻ്റെ വിലയാണ് പ്രതാപചന്ദ്രൻ്റെ ആദ്യ മലയാള സിനിമ. വാർധക്യം ബാധിച്ച വൈദ്യരുടെ വേഷമായിരുന്നു ആ സിനിമയിലേത്. അതിനു ശേഷം കുറച്ച് സിനിമകളിൽ ചെറിയ വേഷങ്ങൾ ചെയ്തെങ്കിലും അവയൊന്നും ശ്രദ്ധിക്കപ്പെടാഞ്ഞതിനെ തുടർന്ന് 1968-ൽ തിരിച്ച് നാട്ടിലേക്ക് മടങ്ങിയെത്തിയ പ്രതാപചന്ദ്രൻ കൊല്ലം കാളിദാസ കലാകേന്ദ്രത്തിൻ്റെ നാടകങ്ങളിൽ അഭിനയിച്ചു നാടകത്തിൽ ശ്രദ്ധ കേന്ദ്രീകരിച്ചു.
1975-ൽ വീണ്ടും സിനിമയിലേക്ക് തിരിച്ചെത്തിയ പ്രതാപചന്ദ്രൻ്റെ അഭിനയ ജീവിതത്തിൽ വഴിത്തിരിവായ സിനിമയായിരുന്നു ജഗത്ഗുരു ആദി ശങ്കരാചാര്യർ. ഈ സിനിമക്ക് ശേഷം മലയാള സിനിമയിലെ തിരക്കുള്ള നടനായി മാറി. ഒരു വർഷം ഏകദേശം 38 സിനിമകളിൽ വരെ അഭിനയിച്ച കാലം പ്രതാപചന്ദ്രൻ്റെ അഭിനയജീവിതത്തിലുണ്ട്.
ഒരു സി.ബി.ഐ ഡയറിക്കുറിപ്പ്, സംഘം, മനു അങ്കിൾ, കോട്ടയം കുഞ്ഞച്ചൻ, ഓഗസ്റ്റ് 1 എന്നീ സിനിമകളിലെ കഥാപാത്രങ്ങൾ അദ്ദേഹത്തിന് പ്രേക്ഷക പ്രശംസ നേടിക്കൊടുത്ത ചിത്രങ്ങളാണ്.
മലയാളത്തിൽ ഏകദേശം 350-ഓളം സിനിമകളിൽ അഭിനയിച്ച പ്രതാപചന്ദ്രൻ 20 തമിഴ് സിനിമകളിലും വേഷമിട്ടു.
മലയാളത്തിൽ അഞ്ച് സിനിമകൾ നിർമ്മിച്ചെങ്കിലും അവ വെള്ളിത്തിരയിൽ പരാജയപ്പെട്ടു. കോടതി, കാട്ടുതീ എന്നീ സിനിമകൾക്ക് തിരക്കഥ എഴുതിയ പ്രതാപചന്ദ്രൻ ദൂരദർശനു വേണ്ടി ദീപം എന്നൊരു സീരിയലിൻ്റെ നിർമാണവും സംവിധാനവും നിർവഹിച്ചു.
2004 ഡിസംബർ 16ന് 63-ആം വയസിൽ ഹൃദയാഘാതത്തെ തുടർന്ന് പ്രതാപചന്ദ്രൻ അന്തരിച്ചു.
സ്വകാര്യ ജീവിതം
നിർമ്മാതാവ്
കഥ
ശബ്ദം നൽകിയത്
This article uses material from the Wikipedia മലയാളം article പ്രതാപചന്ദ്രൻ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). പ്രത്യേകം പറയാത്ത പക്ഷം ഉള്ളടക്കം CC BY-SA 4.0 പ്രകാരം ലഭ്യം. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki മലയാളം (DUHOCTRUNGQUOC.VN) is an independent company and has no affiliation with Wiki Foundation.