Vanuatu

	Ripablik Blong Vanuatu (Bislama); République de Vanuatu (frz.); Republic of Vanuatu (engl.); Republik Vanuatu
{{{ARTIKEL-FLAGGE}}}	{{{ARTIKEL-WAPPEN}}}
Amtsspraach	Bislama, Französisch und Änglisch
Hauptstadt	Port Vila
Staatsoberhaupt	Nikenike Vurobaravu
Regierigschef	Bob Loughman
Flächi	12.190 km²
Iiwohnerzahl	243.304 (Volkszelig 2009)
Bevölkerigsdichti	19,96 Iiwohner pro km²
Bruttoinlandsprodukt nominal (2007)	455 Mio. US$ (173.)
Bruttoinlandsprodukt pro Iiwohner	1.989 US$ (114.)
Human Development Index	0,693 (126.)
Währig	1 Vatu = 100 Centimes
Unabhängigkeit	30. Juli 1980 vo FR und UK
Nationalhimne	Yumi, Yumi, Yumi
Nationalfiirtig	30. Juli
Zitzone	UTC +11
Kfz-Kennzeiche	VU
Internet-TLD	.vu
Vorwahl	+678

Dr Staat bestoht us 83 Insle bzw. Inselgruppe und het bis 1980 Neui Hebride gheisse. Hüte het er über 243.000 Iiwohner.

Geographii

S Inselgebiet vo Vanuatu isch über 1.300 km gross, lit im Südpazifik und zelt zu Melanesie. Zum Staat ghöre 83 Insle, drvo 67 bewohnti, wo fast alli zur Inselgruppe vo de Neue Hebride zele. Ihre Ursprung isch meistens vulkanisch. Au d Banks- und die Torresinsle ghöre geopolitisch zu Vanuatu.

Die meiste vo de Insle si chlii und ohni Bedütig. Die grösste si Espiritu Santo (3.626 km²) und Malakula (1.994 km²). Dr höchsti Punkt uf Vanuatu isch dr Tabwemasana mit 1.879 m uf dr InsleEspiritu Santo.

Bemerkenswärt isch dr aktivi Vulkan Mount Yasur uf dr Insle Tanna und dr Lombenben uf Ambae, wo im Novämber 2005 Aktivität zeigt het. Immer wider hai Ärdbebe d Insle erschütteret. D Ärdbebe in 2002 hai in dr Hauptstadt Port Vila erheblige Schade aagrichdet. Noch beide Ärdbebe isch e Tsunami cho.

Bevölkerig

Vanuatu het 243.304 Iiwohner (2009), öbbe 98,5 % von ene si Melanesier.

32,6 % vo dr Bevölkerig si jünger as vierzähni, 63,7 % si zwüsche 15 und 64, über 64i si nume 3,7 % vo de Iiwohner. Vanuatu het e jöhrligs Bevölkerigswachsdum vo öbbe 1,5 %, wobii d Geburteroote bi 22,72 pro 1000 Iiwohner und d Dodesroote bi 7,82 pro 1000 Iiwohner lit. D Buschistärblikeit lit bi 5,4 %. D Läbenserwartig vo dr Bevölkerig lit bi 62,85 Johr (Manne: 61,34, Fraue: 64,44 Johr). 26 % vo de über 15-jöhrige si Analphabete.

Sprooche

72 % vo dr Bevölkerig gäbe as Muetersprooch eini vo de 108 lokale Sproochen aa. Mit son e Hufe Sprooche het Vanuatu die höchsti Sprooche-Dichti (Sprooche pro Iiwohner) uf dr Wält. Bislama wird vo knapp eme Viertel as ersti Muetersprooch aagee, datsächlich isch es aber die dägligi Sprooch vo de Iiwohner vom Inselstaat. Näbe Bislama gälten au Änglisch und Französisch as Amtssprooche, wärden aber kuum me gschwätzt.

Iiwohner ohni e gmeinsami Sprooch hai sich früehner mit Zeichnige verständigt, wo si in Sand gmoolt hai. Die Sandzeichnige si 2003 vo dr UNESCO as Kulturerb vo dr Menschheit anerkannt worde.

Religion

31,1 % vo dr Bevölkerig ghöre zur presbyterianische Chille, 13,4 % zur anglikanische. 13,1 % vo de Iiwohner si römisch-katholisch, 10,8 % si Siibte-Dag-Adventiste und 13,8 % ghöre zun ere andere Glaubensrichtig. Drnäbe git es non e baar iiheimischi Religione, drunder Cargo-Kült wie d John-Frum-Bewegig und d Prinz-Philip-Bewegig. (Alli demographische Aagoobe si uf em Stand vo 2006)

Litratur

Andreas Holtz: Nation-Building und die Frage nach Souveränität im Südpazifik vor dem Hintergrund der politischen Geschichte der Republik Vanuatu. Lit, Münster 2003, ISBN 3-8258-6413-8.
Felix Speiser: Ethnology of Vanuatu. An early twentieth century study. Crawford House, 1991. ISBN 1-86333-021-6.

Weblingg

Commons: Vanuatu – Sammlig vo Multimediadateie

Wikimedia-Atlas: Vanuatu – geographischi un historischi Charte

Offizielle Website vo dr Regierig vo Vanuatu
CIA World Factbook: Vanuatu (englisch)

Fuessnote

Politischi Gliiderig vo Australie und Ozeanie

¹ Lit zum grösste Däil in Asie.

-1716817° S, 168° O

This article uses material from the Wikipedia Alemannisch article Vanuatu, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Dr Inhalt isch verfiegbar unter CC BY-SA 4.0, wänn nyt andersch aagee isch. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Alemannisch (DUHOCTRUNGQUOC.VN) is an independent company and has no affiliation with Wiki Foundation.