Vanuatu: Valdkund Okeanijas

Vanuatu, täuz' oficialine form om Vanuatun Tazovaldkund (bisl.: Ripablik blong Vanuatu, franc.: République du Vanuatu, angl.: Republic of Vanuatu; edel 1980 vot sen sijas oli Uded Gebridad), om valdkund Valdmerimaiš, niiden Melanezijas.

Sen pälidn da kaikiš suremb lidn om Port Vil.

Vanuatun Tazovaldkund
Ripablik blong Vanuatu (bislama)
République du Vanuatu (fr.)
Republic of Vanuatu (angl.)
 Flag
Vanuatu: Etimologii, Istorii, Geografijan andmused
 Valdkundznam
Vanuatu: Etimologii, Istorii, Geografijan andmused
Pälidn Port Vil
Eläjiden lugu (2018) 288,037 ristitud
Pind 12,281 km²
Vanuatun Tazovaldkund Ripablik blong Vanuatu (bislama) République du Vanuatu (fr.) Republic of Vanuatu (angl.)
Kel' bislama, francijan, anglijan
Valdkundan pämez' Tallis Mozes
Päministr Šarlot Salvai
Religii hristanuskond
Valüt vanuatun vatu (VUV)
Internet-domen .vu
Telefonkod +678
Aigvö UTC+11

Etimologii

Vanuatu-nimituz om saudud kahtes avstronezižes sanaspäi: vanua (znamoičeb «ma» vai «kodi») da tu («jäda»), mi ühthe vanuatu «se ma kaikeks igäks» znamoičeb. Se uz' nimi erigoitab ripmatomuden aig kolonijan aigoišpäi.

Istorii

Vl 1980 heinkun 30. päiväl Vanuatu sai ripmatomut Francijaspäi i Sures Britanijaspäi.

Valdkundan Konstitucii (angl. i franc.: Constitution) om vahvištadud vl 1979, se om väges ripmatomuden sandan kurospäi. Jäl'gmäižed vajehtused datiruišoiš vl 2006.

Geografijan andmused

Vanuatu: Etimologii, Istorii, Geografijan andmused 
Vanuatun kart

Valdkund om meriröunoiš Udenke Kaledonijanke suvipäivlaskmas (matkad sihepäi läz 230 km), Avstralijanke päivlaskmas (1750 km), Solomonan Saridenke pohjoižes (170 km), Fidžinke päivnouzmas (800 km). Sariden suvipäivlaskmaižed randad lainištab Tünen valdmeren Koralloidenmeri. Randanpird om 2528 kilometrad.

Vanuatu otab Uziden Gebrididen-sarišton 83 sart vulkaniženke augotižlibundanke ei vanhemba 22 mln vozid. Sariden čep' vedase pohjoižespäi suvhe 1176 kilometrad. Espiritu Santo-sar' om kaikiš järedamb niišpäi, sil valdkundan kaikiš korktemb čokkoim seižub, Tabvemasan-mägi, 1879 m meren pindan päl. Sariden tobmad palad om kall'oikahid mägid korallidenke randveziš.

Vl 1452 Epi- da Tongoa-sared sünduiba Kuvae-vulkanan jäl'gmäižes kümnes tuhas vodes kaikiš suremban rehkaidusen satuseks. Manrehkaidusen aigan äi tuhkad (läz 35 km³) oli heittud Man atmosferha, se jagoi enččen Kuvae-saren poikpoli kahtheks sareks da märiči mail'man klimatan severdas-se vodes.

Politine sistem

Vanuatu: Etimologii, Istorii, Geografijan andmused 
Vanuatun parlamentan sauvuz Port Vilas.

Ohjandusen form om unitarine demokratine parlamentine tazovaldkund. Valdkundan pämez' om prezident (franc.: Président de la République de Vanuatu, angl.: President of Vanuatu), no hänel ei ole äi reališt tobmut. Valičijoiden kollegii paneb händast radsijha. Prezident kut Konstitucijan garant kacub parlamentan käskusid kožundha Konstitucijanke, hänen valdatusiden strok om viž vot.

Üks'kodine Parlament (franc.: Parlement du Vanuatu, angl.: Parliament of Vanuatu), mülütab 52 deputatad, kaik rahvaz valičeb heid nelläks vodeks. Parlament paneb päministrad (bisl.: Praem Minista, franc. Premier ministre, angl. Prime Minister) radsijha. Kaik ministrad sen-žo aigan parlamentan deputatad-ki.

Parlamentan ühtnijoiden edelstrokuižed pävaličendad oliba vn 2016 22. päiväl vilukud, edeline mülükund om pästtud radmaspäi korrupcijan tagut. Vs 2017 heinkun 6. päiväspäi prezident om Tallis Mozes (ühesanz' lugul), om valitud 3..6. heinkud nelläs turas (valičijoiden kollegijan 40 än't 57:späi) edeližen prezidentan varastamatoman surman jäl'ghe. Vs 2016 uhokun 11. päiväspäi päministr om Šarlot Salvai.

Administrativiž-territorialine jagand

   Kacu kirjutuz: Vanuatun administrativiž-territorialine jagand.

Administrativiž-territorialižikš Vanuatu jagase kudeks agjaks (provincijaks).

Eläjad

Vanuatus elädas vanuatulaižed. Vn 2014 heinkus valdkundan ristitišt oli 266 937 eläjad.

Rahvahad (2016): melanezijalaižed — 99,2%, toižed rahvahad — 0,8%.

Uskondan mödhe (2009): protestantad — 70,0%, Riman katolikad — 12,4%, toižed uskojad — 16,3%, religijatomad — 1,1%, märhapanendata — 0,2%.

Kodikelen mödhe (2009): sijaližed keled (enamba sadad) — 63,2%, bislama — 33,7%, anglijan kel' — 2,0%, francijan kel' — 0,6%, toižed keled — 0,5%.

Vanuatun järedad lidnad (enamba 10 tuh. ristituid, 2010, surembaspäi penembha): Port Vil i Lüganvil'. Kaikes valdkundas om 17 eländpunktad enamba mi 600 ristitud eläjiden lugunke.

Rahvahanižanduz

Vl 2009 päeksport Vanuatuspäi oli kül'menzoittud kala (71%), laivad da venehed (14%); toine eksport — sured pullasižed strukturad, kakao, kopr, maplodud.

Homaičendad

Irdkosketused



Valdmerimaiden valdkundad
Vanuatu: Etimologii, Istorii, Geografijan andmused 
Valdmerimaiden valdkundad
Avstralii | Federativižed Mikronezijan Valdkundad | Fidži | Kiribati | Maršalan Sared | Nauru | Palau | Papua — Uz' Gvinei | Samoa | Solomonan Sared | Tong | Tuvalu | Uz' Zelandii | Vanuatu

Tags:

Vanuatu EtimologiiVanuatu IstoriiVanuatu Geografijan andmusedVanuatu Politine sistemVanuatu Administrativiž-territorialine jagandVanuatu EläjadVanuatu RahvahanižanduzVanuatu HomaičendadVanuatu IrdkosketusedVanuatuAnglijan kel'Francijan kel'Port VilValdmerimad

🔥 Trending searches on Wiki Vepsän:

NorvegiiMoroniSTSIbn SinaTurkmenistan1949HadiženskŽanna d'ArkEvropKundlimedKolumbiiTellurÜhthižrahvazkundadManrehkaiduzMezjäine1. AigkirjJäkondiKäziEländkodiGvatemal (lidn)KiviojaKazmusedDallasKatoviceTsvanan kel'AvtobusKonstantin I Sur'BratislavMail'man tervhudenorganizaciiKärmojaOlivanpuMaksvell Džeims KlerkViluku26 (lugu)EstinmaKazahan kel'BörmingemAziiLiviiEsperantoBakterijadKažiMark TvenEmpair Steit BildingIngušetijan TazovaldkundNaval'nii AlekseiMontokMekkVilusodaNikolajev (Nikolajevan agj, Ukrain)Kezaolimpiad-2012BrnoVenän kel'MalaiziiSakramento (Kalifornii)PuAvstralii (kontinent)BonnOugSant Jago🡆 More