I Damaso, izay antsoina hoe Papa Damaso I, dia evekan' i Rôma teo anelanelan' ny taona 366 sy 384.
Olom-pirenena rômana izy nefa Espaniôla ny ray aman-dreniny. Teraka tamin' ny taona 305 tao Rôma sy maty tamin' ny 11 Desambra 384 tao Rôma ihany koa izy. Izy no eveken' i Rôma faha-37, nandimby an' i Liberio izay maty tamin' ny taona 366. Isan' ny papa nalaza indrindra tamin' ireo taonjato voalohandohany izy ka nisaina tao amin' ireo Rain' ny Fiangonana (na Aban' ny Eglizy).
I Damaso no nitarika ny fanavaozana tao amin' ny Fiangonana. Narovany indrindra ny fahambonian' ny Fiangonan' i Rôma amin' ny Fiangonan' i Kônstantinôpôly. Niady tamin' ny fampianaran-diso izy, indrindra fa ny arianisma. Papa sy mpitia asa soratra ary poeta i Damaso. I Damaso no naniraka an' i Hierônimo (na Jerôma) mpitan-tsorany sy mpanolotsainy, mba hanitsy ny lahatsoratry ny Baiboly amin' ny teny latina tamin' izay ka nipoiran' ny Volgata. Tamin' ny androny no naha fiteny litorjika ny fiteny latina izay nasolo ny fiteny grika.
Izy koa no nanomboka nanokana toerana hitehirizana ireo tahirin-kevitry ny papa sady nanamboatra indray ireo lavabato anaty tany fandevenana ny maty.
This article uses material from the Wikipedia Malagasy article Damaso I, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Mitondra ny lisansa CC BY-SA 4.0 ny votoatiny raha tsy misy zava-kafa ambara. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Malagasy (DUHOCTRUNGQUOC.VN) is an independent company and has no affiliation with Wiki Foundation.