據宴文士校長喺1912年嘅報告,辦呢間學校不單止係為咗華人教育同總體福祉,更係要將基督教嘅精神,展示俾啲學友同學校嘅贊助人。經學校同董事會嘅努力,1920年嘅第一屆嶺南本科畢業生,可以直接北美十間名校嘅研究生部進修,令嶺南聲望大增。到1927年廣州嶺南正名做咗大學,時任校長鍾榮光博士俾稱之為「嶺南之父」。同年向國民政府呈請立案,俾當局確定係私立基督教大學,而俾納入咗國民政府教育體系。跟著來自大馬、星洲、印尼、泰國、緬甸、美洲等地嘅華僑紛紛捐錢俾嶺南,為康樂園嘅建造貢獻唔少,由呢啲捐款起出嚟嘅校舍有張弼士紀念堂、陸佑堂、陳嘉庚紀念堂、爪哇堂、榮光堂、馬應彪護養院、招待室、譚禮庭同學屋等等。而就嗰陣嘅華南地區嚟講,嶺南大學嘅聲譽,其實係仲要高過香港大學嘅。
1938年日軍南下,廣州嶺南大學遷香港,四年後遷至粵北大村復校。1945年光復後返回咗廣州康樂校園。1952年廣州嶺大畀中共政府分拆嗮啲院系,將河南校園交咗俾中山大學繼續用。嶺南大學喺廣州冇咗後,一班住香港嘅嶺大舊生就喺1967年,用「嶺南書院」名義喺司徒拔道復校。開頭香港嶺南嘅使費比較多,1980年代時書院嘅董事會主席利榮康,就自己嚟補足啲唔夠嘅經費。1987年後香港高教委員會將學校納入咗公共教育體系,由政府補助啲經費而緩解財困。而1987年經北京中央嘅批准,喺廣州中山大學(康樂園)入邊又成立返個嶺南(大學)學院。到1999年,香港嶺南恢復返咗嶺南大學個名。 (成篇文章……)
2006年2月10號至26號,意大利拖連奴舉辦冬季奧林匹克運動會,香港以「中國香港」嘅名義派隊出賽。今次係香港第二次參加冬奧,代表團由一位運動員組成,佢就係短道速滑選手韓月雙,佢參加咗三個賽事,最好成績係喺女子一千米入面攞到第18。
This article uses material from the Wikipedia 粵語 article 頭版, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). 呢度嘅所有文字係根據 CC BY-SA 4.0 牌照嘅條款發佈;可能會有附加嘅條款。 Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki 粵語 (DUHOCTRUNGQUOC.VN) is an independent company and has no affiliation with Wiki Foundation.