當年今日/4月

今日係 2024年 4月30號，禮拜二；而家係（標準時）01 點 45 分

按月導航：

1月 – 2月 – 3月 – 4月 – 5月 – 6月 – 7月 – 8月 – 9月 – 10月 – 11月 – 12月

喺呢一日...改改佢

4月30號：衛塞節

1803年：美國由法蘭西買入法屬路易斯安那，令到美國領土多咗一倍有凸。
1945年：希特拉（圖）喺柏林自殺。
1948年：美洲國家組織成立。
1975年：北越攻陷南越首都西貢，南越政權無條件投降，即西貢淪陷，越戰打完。
1991年：中華民國總統李登輝宣佈動員戡亂時期會喺第二日終止。

上幾日：4月29號 – 4月28號 – 4月27號

舊文 – 更多當年今日

． ↓ 睇吓． ↓ 傾吓． ↓ 改吓． ↓ 記錄．

4月1號：愚人節

1867年：星加坡（圖）由英屬印度轉手，升格倂入三州府。
1939年：佛朗哥宣佈西班牙內戰打完，開始獨裁統治。
1948年：丹麥國民議會立法，任由法羅群島自治。
1976年：蘋果電腦創辦。
2001年：荷蘭全國都畀相同性別嘅人結婚，係世界各國第一。

上幾日：3月31號 – 3月30號 – 3月29號

舊文 – 更多當年今日

． ↓ 睇吓． ↓ 傾吓． ↓ 改吓． ↓ 記錄．

4月2號：阿根廷馬爾維納斯日

1792年：美國國會通過《鑄幣法案》，確定美金做通貨單位，成立美國鑄幣局。
1800年：路德維希·范·貝多芬傑作《第一交響曲》喺維也納第一次演出。
1982年：阿根廷突然出兵攻擊福克蘭羣島嘅英國駐軍，話要攞返福克蘭羣島，福克蘭戰爭爆發。
2005年：教宗若望保祿二世（圖）喺梵蒂岡死。
2016年：香港亞洲電視由於牌照到期、唔畀續期，被迫停播，廣播歷時59年。

上幾日：4月1號 – 3月31號 – 3月30號

舊文 – 更多當年今日

． ↓ 睇吓． ↓ 傾吓． ↓ 改吓． ↓ 記錄．

4月3號：

1559年：法國國王亨利二世同西班牙國王菲臘二世簽和約，意大利戰爭收場。
1922年：史太林（圖）成為蘇聯共產黨第一個總書記。
1948年：美國總統哈利·S·杜魯門簽馬蘇計劃，落力復興歐洲。
1986年：第一部手提電腦 IBM PC Convertible 出爐。
2010年：蘋果公司平板電腦iPad有得賣。

上幾日：4月2號 – 4月1號 – 3月31號

舊文 – 更多當年今日

． ↓ 睇吓． ↓ 傾吓． ↓ 改吓． ↓ 記錄．

4月4號：中華民國香港兒童節

1721年：英國國王佐治一世欽定羅拔華波爾做下議院領袖，後人認佢係頭一個英國首相。
1949年：12國喺華盛頓特區簽《北大西洋公約》，成立北大西洋公約組織。
1968年：美國黑人民權運動領袖馬丁路德金（圖）喺酒店畀人槍殺，終年39歲。
1979年：港穗直通車停咗三十年，通返。
1990年：中國大陸全國人民代表大會開會通過《香港基本法》。

上幾日：4月3號 – 4月2號 – 4月1號

舊文 – 更多當年今日

． ↓ 睇吓． ↓ 傾吓． ↓ 改吓． ↓ 記錄．

4月5號：

1815年：印尼坦博拉火山爆發，係人類錄得嘅最勁火山爆發。
1879年：玻利維亞對智利宣戰，智利對玻利維亞、秘魯宣戰，硝石戰爭（太平洋戰爭）爆發。
1955年：英國首相邱吉爾辭職，以80歲高齡正式退出政壇。
1975年：中華民國總統兼中國國民黨總裁蔣介石（蔣中正）（圖）死。
1998年：日本嘅明石海峽大橋通車，係世界跨距最大嘅橋同懸索橋。

上幾日：4月4號 – 4月3號 – 4月2號

舊文 – 更多當年今日

． ↓ 睇吓． ↓ 傾吓． ↓ 改吓． ↓ 記錄．

4月6號：體育促進發展與和平國際日

1896年：頭一屆現代奧林匹克運動會喺希臘雅典開幕。
1938年：中華民國國軍打贏台兒莊戰役，擊退日本軍。
1994年：盧旺達胡圖族總統同布隆迪胡圖族總統搭嘅飛機畀人打低，一齊死，演變成盧旺達大屠殺導火線。
2011年：香港演員羅樂林24個鐘頭內死喺五套唔同劇集，成為國際新聞。
2012年：阿扎華德由馬里獨立，定都湯瀑圖。

上幾日：4月5號 – 4月4號 – 4月3號

舊文 – 更多當年今日

． ↓ 睇吓． ↓ 傾吓． ↓ 改吓． ↓ 記錄．

4月7號：世界衞生日

1795年：法蘭西最先立法用公制做計量單位，包括米同埋克。
1945年：第二次世界大戰，世界最大戰列艦日本大和號（圖）畀美軍擊沉。
1948年：聯合國成立世界衞生組織。
1969年：第一份RFC出爐，象徵互聯網出世。
2003年：美軍攻入伊拉克首都巴格達。

上幾日：4月6號 – 4月5號 – 4月4號

舊文 – 更多當年今日

． ↓ 睇吓． ↓ 傾吓． ↓ 改吓． ↓ 記錄．

4月8號：日本灌佛會（浴佛節）

1710年：康熙帝要人編纂《康熙字典》。
1767年：泰國大城王朝（阿瑜陀耶王朝）（圖）畀緬甸入侵而滅亡。
1904年：英國同法蘭西簽英法協約，夾埋對抗德國。
1913年：美國憲法第17條修正案起效，畀公民直接選舉聯邦參議員。
1913年：中國頭一屆國會開幕；巴西最先承認中華民國。

上幾日：4月7號 – 4月6號 – 4月5號

舊文 – 更多當年今日

． ↓ 睇吓． ↓ 傾吓． ↓ 改吓． ↓ 記錄．

4月9號：

1241年：大蒙古國軍隊喺力尼卡之役兩日內，打殘古波蘭同班騎士團聯軍主力。
1865年：美利堅聯盟國軍總司令羅拔李（圖）對合眾國軍投降，南北戰爭完。
1931年：紐約市帝國大廈落成，高1250呎，係當時全世界最高嘅建築物。
1967年：波音737首航。
2003年：多國聯軍佔領伊拉克首都巴格達，薩達姆侯賽因政權滅亡。

上幾日：4月8號 – 4月7號 – 4月6號

舊文 – 更多當年今日

． ↓ 睇吓． ↓ 傾吓． ↓ 改吓． ↓ 記錄．

4月10號：

837年：人類最先知嘅彗星哈雷彗星喺歷史上最近地球，近到0.0342 AU。
1710年：全世界第一部保護版權嘅法令《安妮法規》喺英國施行。
1941年：納粹德國同意大利王國扶植嘅傀儡政權克羅地亞獨立國成立。
1963年：美國海軍核潛艇USS Thresher沉沒，入邊129人死晒。
2019年：全世界頭一張直接影到黑洞（圖）嘅相公佈。

上幾日：4月9號 – 4月8號 – 4月7號

舊文 – 更多當年今日

． ↓ 睇吓． ↓ 傾吓． ↓ 改吓． ↓ 記錄．

4月11號：世界柏金遜症日

1241年：大蒙古國可汗拔都大軍喺莫喜之役打敗匈牙利王國。
1868年：日本廢除幕府制度。
1899年：西班牙割讓波多黎各（圖）畀美國。
1970年：阿波羅13號太空船氧氣槽爆炸。
2003年：香港感染沙士人數過千。

上幾日：4月10號 – 4月9號 – 4月8號

舊文 – 更多當年今日

． ↓ 睇吓． ↓ 傾吓． ↓ 改吓． ↓ 記錄．

4月12號：載人空間飛行國際日

1849年：意大利科學家加斯帕里斯發現健神星，係小行星系入面第10粒被發現嘅小行星。
1945年：美國總統富蘭克林羅斯福（圖）死，副總統哈利·S·杜魯門繼任。
1961年：頭一個太空人加加林搭蘇聯東方一號升空，呢部太空船以一萬八千哩每小時飛咗一個鐘頭廿九分鐘。
1975年：赤柬攻入柬埔寨首都金邊。
1981年：第一架太空穿梭機、美國哥倫比亞號第一次發射升空，任務代號係「STS-1」。

上幾日：4月11號 – 4月10號 – 4月9號

舊文 – 更多當年今日

． ↓ 睇吓． ↓ 傾吓． ↓ 改吓． ↓ 記錄．

4月13號：

1598年：法國國王亨利四世頒佈南特令，容許新教徒有宗教自由。
1814年：拿破崙喺巴黎楓丹白露宮簽退位詔書，退位後被流放到地中海嘅厄爾巴島。
1829年：英國國會通過畀羅馬天主教徒宗教自由。
1987年：葡萄牙同中華人民共和國簽紙，約定喺1999年12月20號將澳門（圖）交畀中華人民共和國。
2002年：委內瑞拉總統查韋斯重登總統職位。佢喺幾日前畀軍方逼簽辭職書，帶咗去軍事基地監禁。

上幾日：4月12號 – 4月11號 – 4月10號

舊文 – 更多當年今日

． ↓ 睇吓． ↓ 傾吓． ↓ 改吓． ↓ 記錄．

4月14號：

1865年：美國總統林肯（圖）遇刺重傷，一日之後死。
1894年：愛迪生展出佢發明嘅活動電影放影機。
1912年：鐵達尼號響夜晚11點14分撞到冰山，兩個鐘頭40分鐘之後沉咗。
1931年：西班牙議會驅逐國王亞利方疎十三世，成立西班牙第二共和國。
2010年：中國青海玉樹藏族自治州玉樹縣結古鎮發生7.1級地震，最少2698人死，270失蹤，12135傷。

上幾日：4月13號 – 4月12號 – 4月11號

舊文 – 更多當年今日

． ↓ 睇吓． ↓ 傾吓． ↓ 改吓． ↓ 記錄．

4月15號：

1452年：意大利畫師達文西出世。
1850年：三藩市建城。
1983年：東京迪士尼樂園開幕。
1989年：前中共總書記胡耀邦（圖）喺北京死咗。
2019年：名列聯合國世界遺產嘅巴黎聖母院發生火燭，尖塔被燒毀。

上幾日：4月14號 – 4月13號 – 4月12號

舊文 – 更多當年今日

． ↓ 睇吓． ↓ 傾吓． ↓ 改吓． ↓ 記錄．

4月16號：丹麥國慶日

1917年：列寧（圖）結束流亡生涯，由芬蘭返聖彼得堡。
1945年：蘇聯紅軍響柏林周圍，向德軍發動最後一擊。
2007年：美國維珍尼亞理工大學發生校園槍擊案，做成最少33死，係美國史上針對平民最血腥嘅槍擊案。
2014年：世越號沉船，導致304人罹難。
2016年：熊本地震，釀成273人死亡，超過2千人受傷。

上幾日：4月15號 – 4月14號 – 4月13號

舊文 – 更多當年今日

． ↓ 睇吓． ↓ 傾吓． ↓ 改吓． ↓ 記錄．

4月17號：

1814年：喺伊比利半島打嘅半島戰爭完，「反法同盟」打贏。
1895年：大清同大日本帝國喺下關市簽《馬關條約》，割臺灣、澎湖列島同附近島嶼畀日本，甲午戰爭完。
1961年：由美國中央情報局訓練嘅1500個流亡古巴人喺古巴豬灣登陸，向菲德爾·卡斯特羅政府進攻，豬灣事件爆發。
1975年：波爾布特嘅赤柬攻陷柬埔寨首都金邊，成立民主柬埔寨政權。
2019年：被指喺總統任期內受賄嘅秘魯前總統阿蘭加西亞（圖）喺臨俾差人拉之前開槍自殺。

上幾日：4月16號 – 4月15號 – 4月14號

舊文 – 更多當年今日

． ↓ 睇吓． ↓ 傾吓． ↓ 改吓． ↓ 記錄．

4月18號：津巴布韋國慶日

1906年：美國三藩市黎克特制7.8級地震，引起多處大火，最少3000人死。
1980年：非洲羅得西亞獨立，改名津巴布韋。
1983年：黎巴嫩貝魯特美國大使館發生汽車炸彈爆炸（英文：1983 United States embassy bombing），63死，約莫120傷。
2007年：伊拉克巴格達發生連環炸彈爆炸（英文：18 April 2007 Baghdad bombings），198死251傷。
2013年：伊拉克巴格達發生炸彈爆炸（英文：18 April 2013 Baghdad bombing），27死65傷。

上幾日：4月17號 – 4月16號 – 4月15號

舊文 – 更多當年今日

． ↓ 睇吓． ↓ 傾吓． ↓ 改吓． ↓ 記錄．

4月19號：Primrose Day（英文：Primrose Day）：紀念英國首相迪斯雷利死忌

1839年：歐洲列強同荷蘭聯合王國同比利時王國喺倫敦簽《倫敦條約（英文：Treaty of London (1839)）》，確認比利時同荷蘭分離咗，歐洲列強承認同保證比利時嘅獨立同埋中立。
1861年：1861年巴爾的摩暴動（英文：Baltimore riot of 1861）。
1965年：Gordon Moore（英文：Gordon Moore）喺《電子學（英文：Electronics (magazine)）》雜誌發表文章，預言半導體晶片上整合嘅電晶體同電阻數量將每年增加一倍，是為摩爾定律（英文：Moore's law）。
1995年：奧克拉荷馬市爆炸案（英文：Oklahoma City bombing），最少百幾人死六百幾人傷。
2005年：梵蒂岡選出德國籍嘅樞機主教拉青格（圖）做新教宗，聖號係本篤十六世。

上幾日：4月18號 – 4月17號 – 4月16號

舊文 – 更多當年今日

． ↓ 睇吓． ↓ 傾吓． ↓ 改吓． ↓ 記錄．

4月20號：聯合國中文日

1653年：克倫威爾（圖）解散英國國會。
1792年：法國向奧地利宣戰，開始咗法國大革命戰爭。
1945年：第二次世界大戰，美軍攻陷德國萊比錫。
1978年：大韓航空902號班機誤入蘇聯領空而畀蘇聯空軍攻擊，逼降莫曼斯克州，2死。
1984年：英國外相賀維訪問完北京之後到香港開記者會，宣佈英國決定放棄1997年之後對香港嘅主權同治權。

上幾日：4月19號 – 4月18號 – 4月17號

舊文 – 更多當年今日

． ↓ 睇吓． ↓ 傾吓． ↓ 改吓． ↓ 記錄．

4月21號：世界創意和創新日

前753年：史學家計過，羅末盧士同埋林末士應該係喺當年嘅呢一日夾手起羅馬。
1870年：美國內戰之後，德薩斯州入返美國。
1960年：巴西將首都由里約熱內盧搬去巴西利亞。
1967年：希臘軍人發動政變，重廢咗國王。
2019年：斯里蘭卡喺復活節發生針對基督徒嘅一連串自殺式炸彈襲擊，最少253死500幾傷。

上幾日：4月20號 – 4月19號 – 4月18號

舊文 – 更多當年今日

． ↓ 睇吓． ↓ 傾吓． ↓ 改吓． ↓ 記錄．

4月22號：世界地球日

1945年：蘇聯紅軍開入柏林，守城嘅納粹德國軍隊抵抗。
1991年：中華民國政府因應民主化、台灣化訴求，頭一次增修憲法條文。
1992年：墨西哥瓜達拉哈拉連環氣體爆炸，206人死，超過500人傷，萬五人無家可歸，幾十棟建築物夷為平地。
1997年：126日嘅日本駐祕魯大使官邸人質危機結束。
2004年：北韓龍川火車站爆炸，至少54人死、千二人傷。

上幾日：4月21號 – 4月20號 – 4月19號

舊文 – 更多當年今日

． ↓ 睇吓． ↓ 傾吓． ↓ 改吓． ↓ 記錄．

4月23號：英國國慶日

1660年：瑞典帝國、波蘭立陶宛聯邦、勃蘭登堡-普魯士、神聖羅馬帝國四國簽和約（圖），瑞典帝國如日中天。
1895年：俄國、德國、法蘭西夾埋威逼日本還返大清割讓嘅遼東半島畀大清。
1949年：中國共產黨旗下解放軍攻佔中華民國故都南京。
1993年：厄立特里亞喺聯合國監督之下公投，決定由埃塞俄比亞獨立。
2005年：YouTube第一條片上載，標題係Me at the zoo。

上幾日：4月22號 – 4月21號 – 4月20號

舊文 – 更多當年今日

． ↓ 睇吓． ↓ 傾吓． ↓ 改吓． ↓ 記錄．

4月24號：

1877年：俄羅斯帝國同鄂圖曼帝國喺坡勤半島拗咗好耐，卒之宣戰。
1898年：西班牙王國拒絕美國最後通牒，對美國宣戰。
1916年：愛爾蘭首府都柏林爆發復活節起義。
1990年：哈勃太空望遠鏡（圖）由發現號穿梭機發射升空，進入地球軌道。
2005年：本篤十六世登基，成為天主教會第265任教宗。

上幾日：4月23號 – 4月22號 – 4月21號

舊文 – 更多當年今日

． ↓ 睇吓． ↓ 傾吓． ↓ 改吓． ↓ 記錄．

4月25號：澳紐軍團日

1644年：李自成帶農民軍攻入北京，大明皇帝朱由檢（圖）吊頸自殺，大明滅亡。
1859年：蘇彝士運河開挖。
1974年：葡萄牙首都里斯本發生康乃馨革命。
1999年：過萬法輪功修煉人士去北京國級信訪局和平上訪請願。
2015年：尼泊爾發生7.8級地震，差唔多九千人死。

上幾日：4月24號 – 4月23號 – 4月22號

舊文 – 更多當年今日

． ↓ 睇吓． ↓ 傾吓． ↓ 改吓． ↓ 記錄．

4月26號：世界知識產權日

1942年：滿洲國本溪湖煤礦爆炸，至少千五人死，係全世界歷來礦難之最。
1964年：坦噶尼喀同桑給巴爾合併成坦桑尼亞聯合共和國（圖）。
1986年：蘇聯切爾諾貝爾核電廠爆炸，輻射大洩，引發歷來最嚴重核災。
1989年：中共黨報《人民日報》出篇《必須旗幟鮮明地反對動亂》，話悼念胡耀邦活動係動亂，焫著民衆運動。
1989年：日本動畫劇集《龍珠Z》喺日本開播，之後風靡世界。

上幾日：4月25號 – 4月24號 – 4月23號

舊文 – 更多當年今日

． ↓ 睇吓． ↓ 傾吓． ↓ 改吓． ↓ 記錄．

4月27號：馬約特塞拉利昂多哥國慶日

1911年：中國同盟會喺廣州發起黃花崗起義。
1960年：多哥由法國獨立。
1961年：塞拉利昂由英國獨立。
1993年：臺灣同中國大陸分別都有官方岌頭嘅民間團體話事人喺星加坡謦欬，算係卌幾年嚟兩邊最高層次接觸。
1994年：南非第一次唔分種族、全民大選，曼德拉當選總統。

上幾日：4月26號 – 4月25號 – 4月24號

舊文 – 更多當年今日

． ↓ 睇吓． ↓ 傾吓． ↓ 改吓． ↓ 記錄．

4月28號：世界工作安全與健康日

1788年：馬梨連省加入美國，即係馬利蘭州。
1920年：阿塞拜疆畀蘇俄紅軍霸住，成立阿塞拜疆蘇維埃社會主義共和國。
1945年：意大利獨裁者墨索里尼（圖）畀意大利抵抗運動人士捉住打靶。
1952年：《三藩市和約》起效，同盟國結束軍事佔領日本。日本又同中華民國簽《中日和約》，確認結束戰爭，放棄台灣、澎湖等權利。
2008年：膠濟鐵路撞車，72死416傷。

上幾日：4月27號 – 4月26號 – 4月25號

舊文 – 更多當年今日

． ↓ 睇吓． ↓ 傾吓． ↓ 改吓． ↓ 記錄．

4月29號：

1882年：維亞納·馮·西門子發明、全世界第一部無軌電車（圖）頭一次開騷。
1991年：熱帶氣旋吹襲孟加拉吉大港一帶，至少13萬人死，成千萬人冇得返屋企。
1992年：美國洛杉磯爆發暴動，數以千計黑人、拉美人示威抗議，有人放火燒屋、搶掠商鋪。幾日落嚟，幾十人死千幾人傷，拉咗成萬人。
2005年：中國共產黨總書記胡錦濤同中國國民黨主席連戰響北京謦欬，係國共兩黨黨首喺國共內戰之後前所未有。
2011年：英國威廉王子同嘉芙蓮結婚。

上幾日：4月28號 – 4月27號 – 4月26號

舊文 – 更多當年今日

． ↓ 睇吓． ↓ 傾吓． ↓ 改吓． ↓ 記錄．

4月30號：衛塞節

1803年：美國由法蘭西買入法屬路易斯安那，令到美國領土多咗一倍有凸。
1945年：希特拉（圖）喺柏林自殺。
1948年：美洲國家組織成立。
1975年：北越攻陷南越首都西貢，南越政權無條件投降，即西貢淪陷，越戰打完。
1991年：中華民國總統李登輝宣佈動員戡亂時期會喺第二日終止。

上幾日：4月29號 – 4月28號 – 4月27號

舊文 – 更多當年今日

This article uses material from the Wikipedia 粵語 article 4月, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). 呢度嘅所有文字係根據 CC BY-SA 4.0 牌照嘅條款發佈；可能會有附加嘅條款。 Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki 粵語 (DUHOCTRUNGQUOC.VN) is an independent company and has no affiliation with Wiki Foundation.

當年今日/4月

Tags:

🔥 Trending searches on Wiki 粵語: