2015年尼泊爾地震

  中國

西藏日喀有大量冧咗嘅屋，都反映出尼泊爾7.9級嘅強烈地震威力，加上之後發生過多次餘震，都令到大量建築物損毀，唔少人都疏散去室外。

而消防官兵就搭建臨時帳蓬畀民眾住著先，但係峽谷入面嘅重災區之一聶拉木縣，去嗰度嘅路好多都被冧落嚟嘅石頭塞住咗，要用到爆破嘅方式先可以打通返條路，加上落雪，都阻延救援隊伍入災區嘅時間。

第一批救援嘅嘢，包括糧食、發電機之類都會喺4月26號運到災區，而拉薩亦都調派人手去吉隆、樟木、聶拉木等災區地方，進行地毯式搜救。

國土資源部提醒，要小心餘震引發嘅山泥傾瀉同雪崩。

  印度

同尼泊爾南部有連接嘅印度北部廣泛地區，包括首都新德里亦都受災嚴重，有成十幾人死咗。

  尼泊爾

地震引發珠穆朗瑪峰雪崩，令到喺尼泊爾一邊嘅登山大本營有好多帳篷被雪掩埋，部分登山人士重未揾返。有英國登山隊成員話，呢度啱啱發生餘震：「就同我哋喺星期六遇到嘅地震係一樣，搖得特別勁。」

  中國

中國國際救援隊幾十人帶埋醫療用品之類嘅救援物資，去尼泊爾參加救災，佢哋大部分人都曾加過汶川、海地等地震救援工作。中國國際救援隊隊員王念法話：「最大嘅難度就係磚頭震爛咗之後好易變成粉沙造成活埋，掩埋之後佢埋得好入，佢又唔係鋼筋石屎咁樣有罅可以畀人有生存空間。」國務院總理李克強第一時間打電話慰問尼泊爾總理柯伊拉臘，又話畀佢聽中國會為尼泊爾提供緊急援助。而國家主席習近平就打電話畀總統亞達夫表達深切哀悼，又話中方願意向尼泊爾提供援助。

  印度

印度空軍要派飛機去到尼泊爾陸續撤走超過五百個國民，又計劃派運輸機，諗住運流動醫院要用到嘅嘢去尼泊爾參加救災。

  美國

美國初步撥一百萬美元出嚟救災，又派出災害小組幫手搜救。

  聯合國

聯合國亦準備開始救援，無國界醫生四支救援隊亦都出發去尼泊爾，同埋運送醫療用品去當地。