愛·回家之開心速遞: 香港電視劇

愛回家之開心速遞 Lo And Behold
別名	開心速遞
編劇	馬俊縈、徐樂思、袁寶慧、曾樹仁、 馮日進、梁恩東、李綺華、丘海琦、 伍佩儀、黃秀清、陳可兒、何世傑、 梁志賢、蕭國華、區嘉慧、許世軒、 呂正清、陳佩華、吳子華、湯健萍、 翁善瑩、戴慧文、劉偉傑、羅雲芳、 陳穎新、冼翠貞、招美兒、徐　笑、 蔡進希、龐士榤、黃靜雯、陳愷翹
編導	邱南隆、冼燕芳、黃惠芬、尹之維、 胡家斌、黃汝樂、林建祥、曾穎詩、 陳艷琪、何耀宗、黎棨源、謝浩洋、 楊嘉寧、羅鎮岳、吳超榮、陳可怡、 何樂然、郭偉星、林子欣、歐振業、 馮肇均、梁啟政、姚天堂、張家能、 伍兆榮、梁廷軒、陳江鴻、吳喜兒、 陳漢城、李健和、鍾國強、林瑋澄、 黎栢堅、黃浩輝、黃志華、林文聲、 潘逸豪
助理編導	梁媛貽、黃淑賢、呂穎憧、馮肇均、 蔡嘉雯、曾穎詩、陳俊諺、鍾卓琪、 黃家榮、曾孝娸、張美雪、葉幗欣、 何維達、陳道銘、謝浩洋、潘錦麟、 李陽雪、楊嘉寧、李　倩、黎芷齊、 高靖嵐、葉洋恩、陳可怡、鍾祖輝、 張靄琳、郭梓泓、張凱雁、周勤超、 馬國安、黃立剛、梁鍵泓、蘇嘉樂、 廖俊華、黎仲熙、龔芷琦、李康御、 鄧依婷、周顯宗、楊敏彙、吳家裕、 林紀進、俞汶蔚、黃家茵、楊　麗、 張家能、李淑敏、許雅嵐、劉冠信、 翁嘉兒、鄧愛娣、馮冠熹、馮曦舜、 何世豪、朱曉晴、李汶澔、王君怡、 蘇詠賢、鄧崇瀚、黃珮琪、張思永、 鄧惠之、梁曉靜、方心宜、李雪維、 范國平、姚芷君、蘇淑芝、葉卓輝、 彭　程、吳桂芳、舒志勇、鄧浩輝、 鄺可琪、黎愷旻、盧思韻、李超琦、 黎志雯、謝月晴、張曉雯
主演	劉　丹、單立文、滕麗名、湯盈盈、 呂慧儀、蘇韻姿、周嘉洛、吳偉豪、 羅樂林、張景淳、林淑敏、袁文傑、 馬貫東、許家傑、歐瑞偉、鄭世豪、 李偉健、陳浚霆、黎彼得、謝芷倫、 姚瑩瑩、劉思希、陳榮峻、招浩明、 繆家慶、邵珮詩、沈可欣、何綺雲、 李泳豪、林凱恩、梁　茵、岑杏賢、 阮政峰、鍾志光
國家／地區	香港
集數	超過2100集（直到2024年1月）
每集長度	30分鐘（含廣告）
主題曲	愛心灌溉 https://www.youtube.com/watch?v=xq97YwhYZvk
作曲	韋景雲
填詞	楊熙
主唱	王灝兒
製作
拍攝／製作年份	2017年1月—
製作統籌	陳健珊、李鳳明、周慕妍
監製	羅鎮岳（第1-109集） 林建祥（第71集開始） 梁耀堅
編審	馬俊縈（第1-40集） 李綺華、袁寶慧（第1集至今） 湯健萍（第741-1068集，唔包括第916集） 翁善瑩（第741-1155集，唔包括第916集） 陳可兒（第1069集開始）
無綫電視翡翠台首播
播出日期	2017年2月20號—
播出時間	禮拜一到五晚（2017年2月20號至2019年12月30號）/ 每晚（2019年12月31號開始）：20:00-20:30（含廣告） 2017年3月14日 暫停播映 2017年6月30號 21:25 - 21:55 2018年2月16號 暫停播映 2018年10月1號 暫停播映 2019年2月5號同6號 暫停播出 2020年1月25號 暫停播出 2020年6月6號 暫停播出 2021年1月10號 暫停播出 2021年1月17出 暫停播出 2021年5月29號 暫停播出 2022年1月2號 暫停播出
海外推出
播出國家／地區	馬來西亞 Astro華麗台HD（16:9，高清電視） Astro華麗台（16:9，標清電視）
播出日期	2017年2月20號-
相關節目
前作	愛·回家 愛·回家 (第二輯) 愛·回家之八時入席
相關節目	愛·回家系列 PARK YOHO週末速遞
出面網頁
官方網站

呢套劇起初係用「熊氏一家」嘅生活作為故仔嘅主要背景，其後因應故事發展，個故仔亦都隨住熊家各人嘅工作同就學嘅地方而延伸出「速熊運輸」、「威龍百貨」、「龍氏家族」、「尋寶圖網店」、「香港島大學」、「潮偉電影公司」、「泰池運輸」、「道德重整會小學」等虛擬機構、組織同人物，並發展多個場景同人物關係、感情線。

呢套劇係愛·回家系列嘅第四輯故仔，好似《八時入席》噉，但故仔背景、角色都同之前各輯無關連。

劇集最初得180集，後來因為收視唔錯而多次添食，2019年9月9號宣布加到900集，而電視台發佈嘅2020年6月節目表顯示暫定加到1110集，之後一路未有話會播完嘅消息。

呢套劇喺2019年6月24號播出嘅第606集錄得32.3點，係呢套劇播出以嚟收視最高嘅一集。

• 第1集到第224集用咗純音樂版本嘅Latin Soul Strut做主題曲。
• 第225集開始改由黃心穎主唱嘅《在心中》做主題曲。2019年4月16號，黃心穎爆出安心偷食事件，好多網民唔滿意電視台繼續播佢首歌，電視台就喺第二日（第558集開始）決定喺香港翡翠台版本將主題曲改成純音樂版，而海外版就喺第562集開始改用。
• 第606集開始，再改主題曲做《開心速遞》，由湯盈盈、呂慧儀、蘇韻姿、滕麗名、周嘉洛、吳偉豪、林淑敏、鄭世豪、張景淳、單立文、許家傑（片尾統稱做「一家人」）主唱。
• 第1327集開始，再改主題曲做《愛心灌溉》，由王灝兒主唱。其中兩句歌詞好容易誤聽成「無家的溫暖」同「將個天塌下來」。

熊家相關人物

龍家相關人物

威龍集團職員

香港島大學相關人物

其他常設角色

呢套劇嘅演員林淑敏喺《萬千星輝頒獎典禮2018》入面憑住大小姐「龍力蓮」一角奪得「最佳女配角」。

呢套劇嘅演員周嘉洛喺《萬千星輝頒獎典禮2019》入面憑住「金城安」一角奪得「最佳男配角」。

《愛．回家之開心速遞》有一啲集數，曾經涉及一啲同《港區國安法》有關嘅爭議。

以涉國安法威脅逼害同唔合理解僱導演

喺2020年9月9號播出嘅一集，疑似出現咗香港修例風波嘅「五大訴求，缺一不可」抗爭手勢畫面，但事件其實只係有藝人喺拍攝之前將其中一隻黃色手套擺出「舉中指」手勢，同社會運動無關，同時亦有藝人睇到大笑。不過，無綫係查明真相之後，仍然要負責嗰集個導演馮肇均自己辭職，唔係就會以國安法為理由報警。

事件引起唔少人批評，有知情人士就話無綫咁做係唔想賠長期服務金同辭職代通知金畀嗰個導演。泛民主派支持者黃秋生揶揄《愛．回家》改名《愛．國家》，叫劉丹日日唱紅歌。另外，王宗堯同職工盟總幹事蒙兆達都形容無綫咁做係文革式批鬥手段，蒙兆達仲話無綫咁做令員工步步為營、提心吊膽，扼殺創作自由。

錯誤宣傳《港區國安法》

喺2021年4月13號嘅一集，為咗配合嚟緊15號嘅全民國家安全教育日，一開始就花咗超過兩分鐘植入「國家安全」宣傳，當中以陳榮峻飾演嘅譚道德，同林凱恩飾演嘅女譚育英嘅對話，大篇幅講述點樣國家安全，甚至提及食物安全。不過，翻查全民國家安全教育日網頁，食物安全並唔屬於「國家安全重點領域」，《香港國安法》亦無提及食物安全。

硬插打疫苗宣傳

喺2021年5月3號、10號同24號等等嘅集數，都植入咗呼籲打「疫苗」嘅宣傳，但完全唔理會到處境劇入面係個無疫情嘅平行時空，又無限聚令，又無人戴口罩，令到個宣傳無乜說服力。到2023年8月16號播出嘅第2047集，先至開始出現有員工染疫返唔到工嘅劇情，打破咗套劇唔存在疫情嘅設定。

• 《PARK YOHO週末速遞》