香港武漢肺炎疫苗接種計劃

香港武漢肺炎疫苗接種計劃

喺九龍灣體育館接種中心外排隊等候嘅人士
日期	2021年2月26號 (2021-02-26)至今
地點	香港
起因	武漢肺炎香港疫情
參加嘅人	4,801,706人至少打咗一劑疫苗 4,570,191人打咗兩劑疫苗 242,968人打咗三劑疫苗 （累計共9,614,865劑次）
結果	71.3%嘅香港合資格人口至少打過第一劑疫苗 67.9%嘅香港合資格人口打咗兩劑疫苗
網站	https://www.covidvaccine.gov.hk/
截至2021年12月10號

出面圖片嘅拎

香港累計武漢肺炎疫苗接種量，由Our World in Data提供

香港累計已接種至少一劑武漢肺炎疫苗的人數佔人口比例，由Our World in Data提供

香港每天每100人嘅武漢肺炎疫苗接種量，由Our World in Data提供

截至2021年5月16號夜晚8點，香港政府表示香港已經接種超過200萬劑武漢肺炎疫苗。一共接獲大約2890宗接種疫苗後嘅異常報告，20宗接種疫苗之後喺14日內死亡報告，政府聲稱呢啲死亡個案經過評估後同接種疫苗無任何因果關係。

2021年6月23號，聶德權表示香港已經有超過200萬人接種第一劑武漢肺炎疫苗，接種率近3成。

香港政府分別採購牛津-阿斯利康疫苗（AZD1222）、輝瑞疫苗（BNT162b2）同埋克爾來福（CoronaVac）三款疫苗，各750萬劑。以每人需接種兩劑計算，三款疫苗嘅總數理論上可以滿足1,125萬人接種需求，但係實際運作中或者會有部分疫苗因為已經被解凍，或太少人選用而出現浪費。截至2021年8月，在香港法例第599K章《預防及控制疾病（使用疫苗）規例》下獲得緊急使用批核（EUA）共有兩款疫苗，分別係克爾來福以及輝瑞疫苗，並喺2021年2月中旬開始先後交付並投入使用。政府表示，牛津-阿斯利康疫苗將會喺2021年第二季末交付香港，但係隨後再改為唔早於2022年初。

香港疫苗可預防疾病科學委員會主席劉宇隆喺2021年3月13號表示，香港政府或者將會採購第四款武漢肺炎疫苗供呢個計劃使用，預計係由Novavax開發嘅NVX-CoV2373蛋白質次單位疫苗。

以下係三款武漢肺炎疫苗嘅基本資料同使用狀況。

疫苗品牌	疫苗類型	研發機構	研發國家	供港產地	III期臨床試驗有效率	已訂購劑量	香港批核狀況	啟用日期
牛津-阿斯利康疫苗（AZD1222）	腺病毒載體疫苗	牛津大學、阿斯利康製藥	英國	（仲未出貨）	70.4%	7,500,000	未獲緊急批核	未交付
輝瑞武漢肺炎疫苗（BNT162b2）	mRNA疫苗	BioNTech、輝瑞製藥	德國、美國	德國	95.0%	7,500,000	2021年1月25號獲緊急批核	2021年3月6日開始接種
克爾來福（CoronaVac）	滅活疫苗	科興生物	中華人民共和國	中華人民共和國	50.7% - 83.5%	7,500,000	2021年2月18號獲緊急批核	2021年2月26號開始接種

交付時程

輝瑞武漢肺炎疫苗

克爾來福

香港政府界定咗五個「優先接種組別」，有得優先打疫苗：

1. 60歲或者以上嘅長者（陪70歲或者以上嘅長者去打疫苗嘅人，都有得一齊打，最多兩位）
2. 醫療服務場所工作人員同埋參與抗疫工作人員
3. 安老院同殘疾人士院舍院友同埋員工
4. 維持必要公共服務嘅人員
5. 跨境運輸、口岸、港口工作人員

香港政提供下面三款嘅疫苗種類，合共2,250萬劑疫苗：

1. 由科興控股研發嘅滅活病毒疫苗「克爾來福」（俗稱「科興疫苗」）
2. 由復星醫藥同BioNTech研發嘅信使核糖核酸疫苗「復必泰」（俗稱「BioNTech疫苗」）
3. 由阿斯利康同牛津大學研發嘅病毒載體疫苗

2021年

• 2月23號：開始接受網上預約接種「科興疫苗」
• 2月26號：開始喺5間社區疫苗接種中心同醫管局轄下18間普通科門診中心為已預約嘅市民接種「科興疫苗」
• 3月3號：開始接受網上預約接種「復必泰疫苗」
• 3月6號：接種「科興疫苗」嘅社區疫苗接種中心增加到8間
• 3月10號：開始喺7間社區疫苗接種中心為已預約嘅市民接種「復必泰疫苗」
• 3月24號：當局用「包裝有瑕疵」做理由，暫停接種「復必泰疫苗」
• 4月5號：恢復接種「復必泰疫苗」
• 4月23號：開始接受30歲以下嘅人預約接種疫苗，其中16歲以上嘅人可以接種「復必泰疫苗」，而「科興疫苗」就要18歲以上先可以接種。
• 截至2021年4月5號，聶德權聲稱已經有100萬人接種咗疫苗。