尖東站(粵拼:zim1 dung1 zaam6;英文:East Tsim Sha Tsui Station)係個港鐵屯馬綫嘅中途站,以前東鐵綫嘅南行總站、2009年至2021年係西鐵綫嘅中途站,響香港九龍油尖旺區尖沙咀東部梳士巴利道及中間道交界中間道兒童遊樂場地底。
尖東站1號月台 | |
站名 | |
中文名 | 尖東站 |
英文名 | East Tsim Sha Tsui Station |
站代碼 | ETS |
基本資訊 | |
座標 | 22°17′44″N 114°10′31″E / 22.295472°N 114.175367°E 114°10′31″E / 22.295472°N 114.175367°E |
車站色 | 黃色 米色 |
途經路線 | 屯馬綫 |
站服務時間 | 0545-0100 尾班車時間 |
接駁交通 | 巴士、小巴 |
車站結構 | |
站類 | 地底 |
月台類 | 1島式月台 |
月台數 | 2 |
出口數 | 車站大堂 - 3個 行人隧道 - 14個 共17 |
其它設施 | 其它無障礙設施 |
地圖 | |
英文 | |
---|---|
英: | East Tsim Sha Tsui |
字面解釋: | 東尖沙咀 |
尖東站係當時東鐵綫第一個地底站,有全世界最長嘅月台幕門,亦係東鐵綫唯一有冷氣同月台幕門嘅站。尖東站有行人隧道系統連接周圍同荃灣綫尖沙咀站。
呢個站最初由九廣鐵路公司(九鐵公司)管理。至2007年12月2號即係兩鐵合併後,尖東站嘅車站結構,由九鐵公司租畀港鐵公司營運用,同埋合併成為一個車站管理。
2009年8月16號,九龍南綫通車,西鐵綫伸延由南昌起至紅磡,而尖東站變咗做西鐵綫嘅中途站。因此,東鐵綫乘客需要喺紅磡站轉至西鐵綫去到尖東站。1號月台會改為去屯門,2號月台就改為去紅磡。
2021年6月27號,屯馬綫全綫通車,由屯馬綫一期啟德起至紅磡連接西鐵綫,尖東站變成屯馬綫嘅中途站。尖東站1號月台維持去屯門,2號月台就改為去烏溪沙。
Pk/PD 公園/平台 | 公園/平台 | 中間道兒童遊樂場、尖沙咀東海濱平台花園 |
G 地面出口 | 出 | 出口、尖東站公共運輸交匯處、 尖東(麼地道)公共運輸交匯處 |
C/S 大堂/隧道 | 大堂 | J出口、客務中心、洗手間 |
車站商店、自動售賣機 | ||
自動櫃員機 | ||
行人隧道 | 行人隧道系統駁住尖沙咀站、彌敦道、 中間道、麼地道、河內道、尖沙咀東部、尖沙咀 | |
P 月台 | 路軌 | |
往烏溪沙 | ||
島式月台,右邊嘅車門將會打開。 | ||
往屯門 | ||
路軌 |
尖東站車站大堂位於梳士巴利道地底,車站大堂收費區喺大堂中間,畀行人隧道同車站店鋪包圍,因此店鋪主要喺大堂非收費區,收費區內設有多架扶手電梯同樓梯來回月台。
尖東站內提供唔同類型店鋪畀乘客買嘢或食嘢,例如有7-Eleven及OK便利店、麵包糕餅店、咖啡店、書店、花店、恒生銀行同埋DHL呢啲零售業鋪頭。港鐵收費區裏頭禁止食嘢,因此大部份食肆都唔喺收費區裏面。
此外,尖東站亦有自助服務設施,包括香港上海滙豐銀行、中銀香港同渣打銀行自動櫃員機、自動售賣機、自動影相機咁。站裏面重擺咗香港郵政郵箱,畀人寄信。
車站商店 |
|
尖東站以前係東鐵綫唯一嘅地底車站,有兩個月台,用一個島式月台咁排開。兩個月台都係去羅湖同落馬洲站方向。月台有長度為12卡列車嘅月台幕門。呢兩組月台幕門唔單只係現時世界上有月台幕門最長嘅月台,亦都係而前東鐵綫唯一有月台幕門嘅車站。但係喺尖東站轉做西鐵綫嗰時,因為西鐵綫列車比東鐵綫短,尖東站月台頭尾非站體架構嘅部份被玻璃門封閉停用,並且喺裡面加裝信號同埋月台閉路電視。由於以前尖東站按照東鐵綫排列上下行方向,同而家西鐵綫啱啱相反,所以月台編號喺西鐵綫伸延之後調轉。
由於尖東站嘅月台係響彎度較高嘅梳士巴利道地底興建,車頭尾兩邊都有一邊月台係向北面彎咗,嗰度條罅比月台中間大啲。
前九鐵公司為咗避免乘客混淆靠行人隧道相連嘅尖沙咀站同埋尖東站嘅出口,尖東站嘅出口號碼由J開始編定,並將出口H預留畀尖沙咀站未來嘅新出口。另外冇I字同埋O字出口,費事同數字1(一)同0(零)混淆。
尖東站現時設有多條行人隧道連接荃灣綫尖沙咀站、中間道、麼地道,河內道、尖沙咀同埋尖沙咀東等地區,隧道系統由港鐵管理。為方便識別,行人隧道根據區域分為紅、黃、綠三色。隧道部份路段設有自動行人道,隧道系統共設9條自動行人道,而部份出口亦都設有升降機方便行動不便人士。
屯馬綫 | ||
屯門南 - 第16區 - 屯門 - 兆康 - 洪水橋 - 天水圍 - 朗屏 - 元朗 - 錦上路 - 荃灣西 - 美孚 - 南昌 - 柯士甸 - 尖東 - 紅磡 - 何文田 - 土瓜灣 - 宋皇臺 - 啟德 - 鑽石山 - 顯徑 - 大圍 - 車公廟 - 沙田圍 - 第一城 - 石門 - 大水坑 - 恆安 - 馬鞍山 - 烏溪沙 |
荃灣綫 | ||
中環 - 金鐘 - 尖沙咀 - 佐敦 - 油麻地 - 旺角 - 太子 - 深水埗 - 長沙灣 - 茘枝角 - 美孚 - 茘景 - 葵芳 - 葵興 - 大窩口 - 荃灣 |
尖東站附近係香港文化中心、香港太空館、香港藝術館同鐘樓,行遠少少有香港科學館同香港歷史博物館。附近仲有九龍萬麗酒店同半島酒店。
尖東站上蓋設有尖東站公共運輸交匯處,位於中間道兒童遊樂場地面,設有專線小巴站同的士站方便乘客轉唔同交通工具。而喺尖東站東面地面近永安廣場旁設有尖沙咀東(麼地道)巴士總站,有部份巴士線嘅總站設喺嗰度,方便乘客轉唔同交通工具往返各區。
尖沙咀站同尖東站嘅非收費區設有轉乘通道連接,用八達通嘅乘客喺其中一個站出閘之後若果30分鐘內喺另一個站入閘,呢兩程車就會當做一程嚟計算車費。而用單程票嘅乘客若果喺本站同埋尖沙咀站之間轉乘,要另外再買車飛入閘。
尖東站隧道四通八達,可以去到彌敦道同梳士巴利道,沿隧道重可以行到尖沙咀碼頭。而尖東站亦都有巴士總站,但只係得一條小巴線。
尖東站通車之後,變咗東鐵綫沿綫居民直接去尖沙咀區購物同商業區嘅直接路線。因此每逢返放工時間同埋假日都有好多乘客使用。另外經尖沙咀站用八達通或者東鐵綫全月通轉荃灣綫往港島區嘅乘客都唔少。2009年8月16號,尖東站變成西鐵綫中途站,原本可以搭東鐵綫直達尖東站嘅新界東乘客,要喺紅磡站轉九龍南綫先至可以去到尖東站,令部分北區兩成居民放棄經本站往港島區,相信人流亦因此而有所減少。同日起,來往尖東站至南昌站嘅港鐵接駁巴士K16綫取消免費轉乘優惠,路線喺1個月後取消,由九龍巴士12線加強服務代替。
位於半島中心嘅港鐵特惠站喺2008年12月起,為用成人八達通卡嘅乘客提供港幣2元車費回贈(初時只限於尖沙咀站)。
1970年代地鐵系統嘅設計中,東九龍綫有一個站位於尖東站附近嘅位置,站名係馬連拿站,並會過海連接位於香港島嘅林士站。不過東九龍綫一直冇落實,馬連拿站最後冇起到。
直至1993年《香港鐵路研究》中,東九龍綫紅磡站至馬連拿站嘅一段被重新提出,更喺1994年嘅《香港鐵路策略》改為連接至尖東嘅尖沙咀支線,以紓緩當時唯一嘅地鐵同九廣東鐵九龍塘轉車站嘅擠迫情況。
2004年10月17號,由頭班車開始,新路段同埋車站開放畀公眾試用一日,當日來往尖東站至紅磡站車費收入將捐贈慈善機構。2004年10月24號,尖東站喺下晝3點起正式啟用。
2007年12月2號,地鐵同九廣鐵路合併做港鐵。由當日起,九廣東鐵正式改名做東鐵綫,乘客用八達通喺尖東站同埋尖沙咀站轉東鐵綫或荃灣綫,可減收轉乘車費,但分隔兩站嘅閘機永遠都唔會拆,用八達通轉乘嘅乘客喺30分鐘內轉綫,會被視作一程車費;而用單程票嘅乘客就要先出閘,然後再買過張車票入閘(兩程車費會高過喺其他轉車站轉綫,如九龍塘站、美孚站或者南昌站)。
2009年8月16號,九龍南綫通車,尖東站由東鐵綫終點站,變成西鐵綫中途站。同日起,來往尖東站至南昌站嘅港鐵接駁巴士K16綫取消免費轉乘優惠,並響九龍南綫通車1個月後取消,由九龍巴士12線加強服務代替。
由於西鐵綫嘅服務時間短過東鐵綫,所以紅磡去尖東嘅尾班車由0108提早至0008,而尖東去紅磡嘅頭班車就由0528延遲至0604,港鐵估計大約有200個乘客受影響。
2009年11月底,尖沙咀站嘅H、R出口(連接國際廣場)及尖東站嘅N3、N4出口(連接K11購物藝術館)正式啟用。同時,尖東站M2出口改名做N5出口,接駁尖沙咀站G出口嘅M3出口則改名做G出口,而接駁尖沙咀站F出口嘅L2出口就改名做F出口。
2010年2月10號,中間道行人隧道擴展工程完工啟用,新隧道將尖東站現有嘅中間道行人隧道(紅區)由九龍酒店附近,沿中間道地底向西伸延到九龍公園徑附近,並沿九龍公園徑向南同向北伸延,分別接駁原有路政署嘅梳士巴利道行人隧道同埋北京道行人隧道。新隧道南北兩邊設有L5同L6出口,方便乘客來往北京道以及香港文化中心一帶。
港鐵亦計劃喺現有行人隧道紅區加設自動人行道,方便轉荃灣綫嘅乘客。
上一站 | 港鐵 | 下一站 | ||
---|---|---|---|---|
往屯門 | 屯馬綫 | 往烏溪沙 | ||
往中環 | 荃灣綫 喺尖沙咀站度轉 | 往荃灣 |
(由2009年8月16號開始)
月台 | 方向 | 列車班次(分鐘) | 頭班車 | 尾班車 | |||||
---|---|---|---|---|---|---|---|---|---|
平日上晝 繁忙時段 | 平日下晝 繁忙時段 | 星期六上晝 繁忙時段 | 星期六下晝 繁忙時段 | 星期六 非繁忙時段 | 平日非繁忙時段/ 星期日及公眾假期 | ||||
東經114°10′34″
This article uses material from the Wikipedia 粵語 article 尖東站, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). 呢度嘅所有文字係根據 CC BY-SA 4.0 牌照嘅條款發佈;可能會有附加嘅條款。 Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki 粵語 (DUHOCTRUNGQUOC.VN) is an independent company and has no affiliation with Wiki Foundation.