相

九成九嘅相係用相機影嘅。相機通過鏡頭聚焦可見波長嘅光線，造成一個人眼睇到嘅影像，射落感光面上面，感光面記錄低個影像。呢個過程叫影相或攝影。

電影普遍被認為係一連串嘅相。

法國發明家瑟夫尼埃普斯（Joseph Nicéphore Niépce）喺1826年發明第一張（黑白）相。佢用咗翰海因里希舒爾茨（Johann Heinrich Schultz）喺1724年嘅發現：銀加白堊（chalk）混合物曝光會變黑。涅普斯同路易斯（Niépce and Louis Daguerre）改善咗呢個方法，喺曝光之前，先將碘蒸汽加入銀混合物，曝光之後，用水銀煙嚟灴，潛在形象形成，再用鹽水洗，咁就定形。呢啲方法就係有名嘅達蓋爾攝影法（daguerreotype）。

達蓋爾攝影法有佢嘅問題：特別易爛，淨係得正片，冇得復印。發明者着手改善，搵實際嘅方法。1848年涅普斯短時間之後引進幾個方法。膠型濕玻璃板底片加蛋白相紙（Collodion-based wet-glass plate negatives with prints made on albumen paper）用咗一輪。1871年，明膠方法（gelatin process）出台。明膠方法慢慢成為主流，到今時今日，黑白相都係用緊呢個方法，唔同嘅係以前用玻璃，而家用屈得嘅膠菲林。

 

維基同享有多媒體嘅嘢：
相

呢篇影相文係楔位文。歡迎幫維基百科擴寫佢。 睇 • 論 • 改 • 歷