手淫

有啲人鍾意響手淫嗰陣時用到其他平日可以見到嘅野、性玩具刺激自己。好多研究都話打飛機響社會入面好普遍，無分性別同年紀，雖然每個人用嘅方法都有啲唔同。科學家搵唔到打飛機同隨便一種病之間有啲咩關係。

手淫自古就有，見諸文物古籍。但唔同地方，會有唔同觀感。唔可以喺大庭廣眾手淫，要偷偷手淫。除咗人之外，動物都會有類似手淫行為，令佢哋興奮。

有啲細路仔，甚至嬰兒都會自慰。人自青春期起，性慾大增，手淫行為亦更多。

男

現代大多數男性都有手淫嘅習慣，有啲甚至每日多次。其實手淫唔一定要用手，可以用蕉皮、生豬肉、毛巾、甚至二手底褲、趴喺張床郁陰莖等等。

打飛機通常都需要性幻想來增加性興奮，達到射精為止。男同性戀者亦會以互相打飛機作男男性行為，因為較為方便、簡單。

有啲人以為手淫係壞習慣，所以以後戒除，其實手淫係正常嘅現象，可以解決性需要，而且有啲動物都有自慰嘅習慣。好似熊噉，佢哋會將陰莖放喺樹幹上面磨擦，以達到性興奮。但係如果覺得手淫帶來困擾，可以嘗試戒除，因為自慰唔係必要嘅。

開始進入發育期嘅時候（最早11歲），因為體內激素分泌好多，扯旗嘅次數多咗。無論幾時都會扯旗，不過瞓醒之後，好多人都會有慣性扯旗嘅情況。有啲人扯旗嘅時候好奇，而嘗試捽自己嘅陰莖，噉就達到性興奮，射精。亦都有男性係睇鹹片、㚻片，或者同其他男性朋友互相交流嘅時候，俾人教咗射精。有啲人一世都唔學手淫，係正常嘅。男同性戀手淫嘅時候幻想是但一個性感男人。

好多男性都有打飛機，以下簡單寫有關男性打飛機：

1. 男性打飛機係喺廁所或者喺鎖咗門嘅房入面
2. 通常利用想像力或者用手刺激，達至扯旗
3. 大部份男性都要做性幻想或者睇鹹片
4. 跟住會用握拳嘅方式套條脧
5. 喐動塊包皮令佢上下移動，刺激龜頭同成條脧
   1. 割咗包皮嘅人，可能需要潤滑劑或者口水，再喺龜頭喥捽
   2. 有啲男性可能喺自慰當中，同時用手按摩/刺激屎眼、陰囊，甚至用手指塞入屎眼
   3. 有啲男性用手捽陰莖捽到啲精液出為止
   4. 有啲男性鍾意將枕頭或者其他柔軟嘅嘢上面摩擦賓舟，直到精液出為止
6. 之後好快就會性高潮同射精

男性手淫又叫打飛機（daa2 fei1 gei1）、打JJ、打J、打丁。「淫」字喺中文有「過多」嘅意思。大陸網絡詞有打手槍同擼管。

男人興奮時叫火，手淫高潮射精，就叫「出火」。

女

唔少女性亦都有自慰習慣，隨着性知識普及、刑罰同禁令逐漸消失，自慰更加多女人為之及述之。唔少女性開始自慰並唔係特登，而係摩擦到下面嗰陣有快感，之後先開始自慰。

女性常見自慰方法：

1. 摸陰核同外陰嘅地方
2. 用自慰器（例如假陰莖）或條型嘅嘢插入陰道
3. 用手指插入陰道
4. 部分女性可能會同時用手按摩乳房（尤其是乳頭），或刺激肛門、會陰
5. 最後有高潮

女性手淫又叫打潛艇。

• 鹹片
• 㚻片
• 活塞男案