2007年: 年

• 中國
  • 中華民國：民國九十六年
• 朝鮮半島
  • 北朝鮮：主體九十六年
• 日本
  • 皇紀：2667年
  • 平成十九年
• 佛曆：2549年10月13號~2550年閏9月7號
• 回曆：1427年12月11號~1428年12月21號
• 猶太曆：5767年4月11號~5768年4月22號

• 中國鐵路第六次提速。
• 2007年毒牙膏醜聞。
• 山西河南黑磚窯案。
• 土耳其首都安卡拉發生共和示威。
• 美國次級房屋信貸危機爆發，引起跟住嘅金融海嘯。

1月

• 1月1號：斯洛文尼亞加入歐元區。
• 1月7號：微軟視窗一隻蠕蟲病毒熊貓燒香開始喺中國大陸發起大規模攻擊。
• 1月13號：2007年千島群島地震。
• 1月16號：鄧竟成接替李明逵做香港警務處處長。

2月

• 2月12號：中華郵政股份有限公司改名做台灣郵政股份有限公司。
• 2月22號：法國政府宣佈聖巴多祿繆自瓜德羅普分離，成為直轄於巴黎中央政府嘅海外行政區。
• 2月25號：香港賽馬會為精英大師舉行退役儀式，並最後一次踏足沙田草地，係首匹可以行入賽道嘅退役馬。精英大師退役之後去咗澳洲墨爾本市外一牧場頤養天年。
• 申花聯城合併。

3月

• 3月16號：澳洲虎航喺澳洲北領地成立公司。
• 3月16號：中華人民共和國第十屆全國人民代表大會第五次會議喺人民大會堂閉幕。大會批准咗政府工作報告、全國人大常委會工作報告等報告，表決通過咗物權法、企業所得稅法同埋其他法律。
• 3月25號：日本石川縣黎克特制6.9級地震，1死356傷。
• 3月25號：第3屆香港行政長官選舉，曾蔭權以649票當選。

4月

• 4月1號：日本新潟縣新潟市同靜岡縣濱松市升格為政令指定都市。
• 4月1號：第3屆卡塔爾市政選舉。
• 4月5號：伊朗放咗十五個英軍水手，英國首相貝理雅堅持無檯底交易。
• 4月8號：微軟Word嘅技術員查理士西蒙尼坐聯盟(Soyuz)上太空旅行。
• 4月15號：10歲嘅吳澋滔成為香港電影金像獎最後生嘅最佳男配角同最佳新演員。
• 4月16號：美國維珍尼亞理工大學發生校園槍擊案，做成最少33死，係美國史上針對平民最血腥嘅槍擊案。
• 4月18號：伊拉克巴格達發生連環炸彈爆炸（英文：18 April 2007 Baghdad bombings），198死251傷。
• 4月22號：第20屆敘利亞議會選舉。
• 4月22號：第9屆法國總統選舉首輪投票，結果薩爾科齊同羅雅爾進入5月6號嘅第二輪投票。
• 4月25號：天文學家搵到「地球二號」，離地球20光年。
• 4月28號：粵文維基百科打入維基百科頭一百大種話，當時約莫有2,900篇文。

5月

• 5月3號：英國女童Madeleine Beth McCann夜晚喺葡萄牙失蹤（英文：Disappearance of Madeleine McCann）。
• 5月4號：基斯坦奴朗拿度獲選英格蘭足球先生，繼早前攞到嘅PFA最佳球員同埋PFA最佳年青球員獎，佢成為史上首個同獲呢三項榮譽嘅球員。
• 5月5號：肯雅航空一客機由喀麥隆杜阿拉（英文：Douala）飛去肯雅賴羅比期間失事（英文：Kenya Airways Flight 507），機上114人咸不剌死晒。
• 5月8號：400年來銀河系內頭一粒超新星SN 2006gy爆炸，粒星有太陽嘅150倍咁大，天文學者話係咁耐以來見到最勁嘅。
• 5月10號：英國首相貝理雅宣佈會喺6月27號離任，執政工黨會選出繼任人。
• 5月15號：日本會津若松市發生一單17歲少年弒母事幹（日文：会津若松母親殺害事件）。
• 5月15號：PayPal喺盧森堡攞到銀行牌照。
• 5月15號：路透社同The Thomson Corporation（英文：The Thomson Corporation）合併。
• 5月17號：沃爾福威茨因為喺女友調職同加薪哩件事上面涉嫌徇私，宣布唔做世界銀行行長。
• 5月17號：新任法國總統薩爾科齊任命菲永做法國總理。
• 5月18號：科學家喺南極海底搵到700個新品種生物。
• 5月19號：車路士憑住杜奧巴響加時入波，以一比零贏咗曼聯成為2007年度英格蘭足總盃冠軍。
• 5月20號：第7屆越南國會選舉。
• 5月22號：火星探測車Spirit號搵倒水存在嘅直接證據。
• 5月25號：俄羅斯西伯利亞南部煤礦爆炸，38名礦工死咗。
• 5月25號：美國總統喬治·獲加·布殊喺新聞發報會畀雀屎擊中衣袖。
• 5月28號：2007年環球小姐競選喺墨西哥墨西哥城舉行，日本代表森理世攞冠軍。
• 5月30號：泰國憲法法庭宣判泰愛泰黨喺大選入面舞弊罪成，勒令解散。
• 5月31號：深圳光明新區成立，由公明街道同光明街道組成，係深圳兩個功能區其中一個。

6月

• 6月1號：香港MegaBox開幕。
• 6月11號：香港一架冇載人嘅昂坪360吊車響赤鱲角南路跌咗落嚟，政府唔畀昂坪360行六個月有多。
• 6月12號至6月14號：加沙之戰 (2007年)。
• 6月16號至6月23號：文獻十二喺德國Kassel搞。
• 6月16號：英格蘭足球代表隊嘅卡域克、謝拉特同加利尼維利不約而同喺呢一日同另一半拉埋天窗。
• 6月26號：蘇州警察博物館開張。
• 6月27號：英國首相貝理雅去白金漢宮向英女王伊利沙伯二世辭職。
• 6月29號：由美國蘋果公司研製，集流動電話、影音機、互聯網通信於一身嘅iPhone喺美國上市。

7月

• 7月1號：香港主權移交十周年‎。
• 7月1號：中國中央政府送畀香港嘅一對熊貓「樂樂」同「盈盈」喺海洋公園亮相。
• 7月4號：世界第一單手機電池爆炸炸死人。
• 7月4號：失蹤近四個月嘅英國廣播公司記者約翰斯頓（英文：Alan Johnston）畀綁架佢嘅人放咗。
• 7月4號：中國江蘇沭陽飲用水源受到污染，城區冇供水，廿萬人斷水。
• 7月5號：香港新世界集團連續第二日畀人刑事毀壞。
• 7月9號：香港發行膠嘅十緡紙，係香港首次發行塑膠銀紙。
• 7月9號：寒流吹襲南美洲，阿根廷首都布宜諾斯艾利斯響1918年以嚟首次落雪；而熱浪就由美國西部蔓延到美國東北部。
• 7月14號：香港維基媒體協會成立。
• 7月15號：巴西隊以3:0贏咗阿根廷隊捧走2007年美洲國家盃。
• 7月16號：香港獨立法定組織財務匯報局開始運作，職責主要為就有關上市實體可能喺審計或匯報方面嘅唔恰當行為進行調查，同佢可能無遵從財務匯報規定嘅事宜展開查訊。
• 7月17號：巴西天馬航空（而家合併咗落巴西南美航空）一客機由阿雷格里港飛去聖保羅，降落時失事（葡萄牙文：Voo TAM 3054），機上187人咸不剌死晒，亦做成地面12人死。
• 7月18號：中國山東濟南落暴雨（中文：2007年济南特大暴雨），25死、170幾傷、4失蹤。
• 7月21號：印度人選出Pratibha Patil做總統，係印度首位女總統。
• 7月21號：《哈利波特》第七集大結局《哈利波特：死神的聖物》全世界同一時間賣，唔同嘅地方嘅哈利波特擁躉一早就排隊。
• 7月24號：第4屆越南國家主席選舉，由阮明哲連任。
• 7月29號：第21屆日本參議院議員通常選舉。
• 7月29號：第19屆朝鮮地方選舉。

8月

• 8月5號：美國眾議院通過「乾淨能源議案」（Clean Energy Bill），以求增可再生能源使用率，同埋削石油業免稅額。
• 8月9號：美國穿梭機奮進號載住七個太空人升空，其中女太空人芭芭拉摩根係1986年失事嘅挑戰者號上教嘅後補。
• 8月13號：阿富汗塔利班組織放咗兩個南韓女人質，送咗佢地去加茲尼省嘅紅新月會。
• 8月13號：中國廣東湛江落咗200年一遇嘅大暴雨，湛江、茂名、梅州三市一共116萬人受災。
• 8月15號：香港九廣鐵路（家下港鐵東鐵綫）落馬洲支綫通車。
• 8月20號：臺灣中華航空120號班機降落日本沖繩那霸機場之後起火同爆炸，機上165名乘客同機組人員平安。
• 8月28號：香港民主建港協進聯盟選出譚耀宗為新任主席，接替8號病死嘅馬力。
• 8月30號：中華人民共和國國防部長曹剛川訪問日本。
• 8月31號：美國總統喬治·獲加·布殊宣佈一系列化解次級房屋信貸危機嘅措施。

9月

• 9月2號：有「空中巨無霸」之稱，造價成廿四億港元嘅空中巴士 A380客機去到香港，準備喺9月3號低飛維多利亞港。
• 9月4號：香港年紀最細嘅大學生沈詩鈞到香港浸會大學返學。
• 9月12號：加州一隊物理研究員整出以千計嘅雙電子偶素（di-positronium/molecular positronium）分子Ps₂。
• 9月12號：印尼蘇門答臘8.4級地震，至少10個人死200傷，重有海嘯警報。
• 9月12號：日本首相安倍晉三做唔夠一年就辭職唔做。
• 9月12號：剛果民主共和國伊波拉病毒爆發，160幾人死咗，300幾人受到感染。
• 9月14號：日本喺種子島宇宙中心射咗「月亮女神」繞月探測衛星上天。
• 9月16號：泰國One-Two-GO航空（泰文：วัน-ทู-โก）一內陸客機喺降落布吉國際機場時失事（英文：วัน-ทู-โก แอร์ไลน์ เที่ยวบินที่ 269），88死42傷。
• 9月18號：微軟輸咗上訴，要畀4.97億歐元罰款歐盟委員會。
• 9月25號：福田康夫當選第91任日本首相。
• 9月29號：Anand喺墨西哥城捉和Leko，做咗國際象棋世界冠軍。
• 9月30號：香港皇后戲院結業。
• 9月30號：第19屆烏克蘭議會選舉。

10月

• 10月7號：北京地鐵5號綫通車。
• 10月8號：美、英三個科學家憑基因打靶技術獲得2007年度諾貝爾生理學或醫學獎。
• 10月15號：上海證券交易所綜合股價指數（上證綜合指數）突破6000點。
• 10月24號：香港now新聞台啟播。
• 10月24號：中國自己整嘅第一架月球探測器「嫦娥一號」用火箭射上天。
• 10月26號：蘋果公司出Mac OS X 10.5 Leopard。
• 10月28號：阿根廷現任總統嘅老婆克里斯蒂娜贏咗總統大選，係阿根廷首個民選女總統。
• 10月29號：Bangor大學研究人員發現一隻405到410歲嘅蜆，係有記錄最長壽嘅動物。
• 10月30號：香港恒生指數創多項紀錄，包括即市新高31,958.41點，收市新高31,638.22點，同埋單日最大成交額2,098.08億港元。

11月

• 11月6號：比利時大選之後149日都組成唔到聯合政府，係177年嚟最嚴重嘅政治危機。
• 11月7號：芬蘭圖蘇拉鎮嘅約凱拉學校發生校園槍擊案，連埋槍手在內有9死10傷，芬蘭考慮收緊槍械法例。
• 11月7號：美國發現號穿梭機完咗15日嘅太空之旅，降落佛羅里達州嘅甘迺迪太空中心。
• 11月8號：美國國會聽證會批抨雅虎喺洩露中國記者師濤身份一案舊年嘅詅訊中冇對外交小組講實話。
• 11月10號：喺智利聖地亞哥舉行嘅第17屆伊比利亞-美洲高峰會，委內瑞拉總統查韋斯猛噉打斷西班牙首相薩帕特羅嘅演講，西班牙王環卡洛斯一世大鬧查韋斯：點解你唔收聲？，跟住爾句話就成為徂西班牙文名句。
• 11月18號：第3屆香港區議會選舉。

12月

• 12月2號：兩鐵合併，九廣鐵路同地下鐵路網絡合併成為港鐵。同時，旺角站改為旺角東站。
• 12月2號：第3屆香港立法會香港島地方選區補選，由陳方安生當選。
• 12月10號：瑞典一隊研究員發現，腦入面嘅basal ganglia活躍程度同過濾環境干繞嘅能力同埋記性好有關。
• 12月19號：第17屆韓國總統選舉，由李明博當選。
• 12月23號：沙馬贏咗大選成為泰國第25任總理。
• 12月23號：第3屆烏茲別克總統選舉，由伊斯蘭·卡里莫夫連任。
• 12月26號：科學家發現甲蟲嘅分枝（lineages）喺侏羅紀已經出現，重早過有花植物。
• 12月27號：巴基斯坦前總理貝娜齊爾喺出席完伊斯蘭堡拉瓦爾品第一個支持者集會之後受到襲擊死亡。
• 12月27號：2007年肯雅大選（英文：Kenyan general election, 2007）。
• 12月31號：第1屆不丹國家委員會選舉第一次選舉。
• 12月31號：香港數碼地面電視廣播開始。

• 9月27號：尹樂瞳，香港童星
• 11月5號：柯驊汧，香港童星
• 11月21號：陳偲穎，香港童星