東亞

東亞（粵拼：dung1 aa3），亦叫遠東jyun5 dung1，係亞洲東部，呢笪地嘅範圍，眾說紛紜，地理同埋文化，都有唔同定義。地理上，東亞有一千二百萬平方公里大，約莫佔亞洲兩成八左右，大歐洲一成半。東亞住大概十五億人，佔亞洲四成，全世界四分之一，係歐洲人口嘅兩倍。東亞係全世界最熱鬧嘅地方，人口密度有每平方公里一百卅人，係全球平均嘅三倍。

以文化而言，東亞係指啲長期受中華文化影響嘅地方，呢類文化特徵出現嘅地方同以上所講嘅地理東亞差唔多：

• 受古漢語影響，包括漢字
• 儒家思想
• 大乘佛教
• 道教

東亞舊時叫遠東。遠東呢個名，係以歐洲為中心而改，無表達到東亞一帶喺亞洲嘅位置。而聯合國所用嘅「東亞」一詞通常係話緊東北亞。

包括東北亞、東南亞同埋西伯利亞東部嘅所有國家同地區。以下嘅政治體系通常都算係地理東亞嘅一部分：

• 中華人民共和國
• 中華民國
• 香港
• 澳門
• 日本
• 朝鮮
• 韓國
• 蒙古

下面嘅人同社會一般算入東亞文化：

• 華人社群，包括海外華人，例如新加坡華僑
• 日本人社群
• 韓國人社群
• 蒙古人社群
• 越南人社群

由於唔同人對於東亞呢個地方嘅定義唔同，有啲地方多數時候算係東亞嘅一部分，有啲地方就少啲。以下嘅地方，就係屬於呢一類，喺下面用算係東亞一部分嘅情況多至少嚟排列：

• 中國入面古時唔係漢人統治嘅地方，例如青海、西藏、新疆，當中西藏通常算係中亞或者南亞問題大致出於文化嘅分別，有時地理位置都關事。
• 蒙古由於文化同地理位置嘅關係，有時算係中亞嘅一部分
• 新加坡嘅地理位置通常算係東南亞。
• 越南嘅地埋位置通常都算係東南亞。
• 俄羅斯東部好多時叫做北亞或者甚至係歐洲，主要係因為政治嘅關係。

有啲時候，東亞會畀人專登用來代表埋東南亞，尤其係同西亞作比較嘅時候。西亞另一方面就通常包括中亞同西南亞。

 

維基同享有多媒體嘅嘢：
East Asia

 

維基遊埠有呢篇旅遊嘅資源：East Asia

• "South East Asia - Department of Foreign Affairs and Trade" (英文). 澳洲外交貿易部（英文：Department of Foreign Affairs and Trade (Australia)）.