La orea es la organo de oia e, en mamales, ecuilibria.
En mamales, la orea es tipal descriveda como avente tre partes: la orea esterna, la orea media, e la orea interna. La orea esterna es composada de la pina de orea e la canal de orea. La orea media inclui la caveta timpan e la tre osetas. La orea interna es en la labirinto ososa, e conteni la strutures nesesada per alga sensas: la canales semisirculo, cual furni ecuilibria e trasa de la oios cuando movente; la utriculo e la saculo, cual furni ecuilibria cuando nonmovente; e la coclea, cual furni la senso de oia. La oreas de vertebratos es locada alga simetre a cada lado de la testa, cual aida la loca de sona.
La orea developa de la pox farinjal prima e ses bultos peti cual developa en la embrio temprana de la etoderma.
La orea pote es afetada par maladia, incluinte infeta e dana traumal. Maladias de la orea pote resulta en perde de oia, tinito, e desordinadas de ecuilibrio como vertigo, an si multe de esta problemes pote ance es afetada par dana a la serebro o neurones de la orea.
La orea ia es ornada par orealetas e otra joalas en multe cultures per miles de anios, e ia es cambiada par sirurjia o cosmeticas.
This article uses material from the Wikipedia Lingua franca nova article Orea, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). La contenida es disponeda su CC BY-SA 4.0, estra diferes notada. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Lingua franca nova (DUHOCTRUNGQUOC.VN) is an independent company and has no affiliation with Wiki Foundation.