Polsca: Pais en Europa

Polsca (ofisial la Republica de Polsca) es un pais en Europa sentral.

Republica de Polsca
Rzeczpospolita Polska
Polsca: Pais en Europa Polsca: Pais en Europa
Polsca: Pais en Europa
Informa jeneral
Capital: Warszawa
Lingua ofisial: Polsce
Dirije
Governa: Republica parlamental
- Xef de stato: Andrzej Duda
- Xef de governa: Donald Tusk
Otras
Area: 312 696 km²
Popla: 38 483 957
Densia: 123
PIB: US$ 802,1 milion
Mone: Złoty (PLN)
Zona de ora: CET
Numero de telefon: +48
Interede: .pl
Polsca: Pais en Europa

Lo es un stato unial, divideda en 16 sudivides dirijal, covrente un area de 312 696 cilometres cuadrida con un clima jeneral temperada. Con popla de plu ca 38,5 milion persones, Polsce es la stato ses de la membros de la Uni European. Sua capital e site la plu grande es Warszawa. Otra sites inclui Kraków, Wrocław, Poznań, Gdańsk and Szczecin.

On pote trasa la institui de un stato polsce a 966, cuando Mieszko 1, renor de un teritorio simil a Polsca presente, ia converti a cristianisme. La Rena de Polsca ia es fundida en 1025, e en 1569 lo ia seli un asosia political longa con la Duxia Grande de Lietuva par suscrive la Uni de Lublin. Esta uni ia formi la Comunia Polsce-Lietuvisce, un de la paises la plu grande (a sirca 1 milion km²) e poplada de Europa en la sentenios 16 e 17, con un sistem political unica libraliste cual ia declara ia constitui prima de Europa.

Pos la divides de Polsca a la fini de la sentenio 18, Polsca ia regania sua autonomia en 1918 con la Trata de Versailles. En setembre 1939, la Gera Mundal Du ia comensa con la invade de Polsca par Deutxland Nazi, segueda un invade de Polsca par la Uni Soviet longo la Trata Molotov–Ribbentrop. Plu ca ses milion de la sitadanes de Polsca ia mori en la gera. Pos la gera, la Republica de la Popla Polsce ia es instituida como un stato satelitin su influe soviet. Pos la revoluis de 1989, xef par la emerji de la promove Solidarność (Unia), Polsca ia deveni un republica democrata.

Polsca es un potiosa rejional e ance un potiosa mundal cisa emerjinte. Lo ave la economia oto de la plu grandes en la Uni European, e un de la plu dinamicales, simultan ateninte un grado multe alta en la Indise de Developa Umana. En ajunta, la Asioneria Polsce en Warszawa es la plu grande e importante en Europa sentral e este. Polsca es un pais developada e democrata, cual manteni un economia de revenu alta como ance normas multe alta de cualia de vive, securia, educa e libria economial. Longo la Banco Mundal, Polsca ave un de la sistemes xef de educa scolal en Europa. La pais furni educa a universias sin custa, securia sosial finansiada par la governa, e un sistem universal de aida medical per tota sitadanes.

Situada entre cultures de Europa este e ueste, e formida par un istoria cambiante, Polsca ia developa un erita cultural rica, incluinte multe monumentos istrial e 15 Locas UNESCO de Erita Mundal. Sirca 17,5 milion turistes visita lo en cada anio (2016), tal ce lo es la pais 16 de la plu visitadas en la mundo. Lo es un stato membro de la Uni European, la Area Schengen, la Nasiones Unida, OTAN e la Organiza per Coopera e Developa Economial.

La lingua major es polsce.

Tags:

EuropaWarszawa

🔥 Trending searches on Wiki Lingua franca nova:

Cultur MaicopDinosauroOrganiza Mundal de SaniaNionStato Islamiste de Irac e la LevanteJames Knox PolkSagarmataMineralBalcanesProtoindoeuropeanWarszawaKarl MarxTxescoJosef StalinBosnian, corvatsce e serbsceItaliaDresdenRevolui IndustrialSirculoIstoriaAntropolojiaTrinidad e TobagoCarne de galDivinIranConstantino la GrandeElasUni European1530EletronRenaseKurowGiovinezzaJuaAngolaBurgunda (lingua)BioinformaticaIslandCalvin CoolidgeGuian FransesOdinIstanbulBateriaTurcmenistanDansaFisicaFreetownSveriaCiprosXinaInterlinguaCeniaFrates GrimmPlatdeutxEstiBibliotecaMonopolio (jua)GanaSami (lingua)Lista de linguasFransWWWCubaErCorea NordeGabriel BorixMongolGeorge Herbert Walker BushCeresAnglicanismeSorsoria🡆 More